سؤال بخصوص مقاس الكاوتش ,,

[Mosso]

انا ان شاء الله هغير بكره الكاوتش,
انا مركب اصلا جنوط 16" و مقاس الكاوتش الي انا مركبه نفس المقاس بتاع الكتالوج الي هو 205\50\16

بس طبعا الكاوتش كده ارتفاعه قليل جدا و اي مطب او نقره بيأثر عليه و بقلل و بقى الكاوتش كله مبقلل في اقل من 20000 كم و في اقل من 6 شهور ,,
فانا ان شاء الله عايز اغير مقاس الكاوتش و اكبر ارتفاعه شويه و اخليه 205\55\16
بحيث اقلل شويه من خطر البقاليل دي ,
هل في مشكله لو كبرته ؟؟
و هل هيأثر على اي حاجه ؟؟
و ايه الي ممكن تنصحوني بيه في حدود سعر معقول ؟؟
و شكرا ,,,

[quwer86]

هل في مشكله لو كبرته ؟؟

the speed meter well not read correctly

[khalid_adel]

بلاش يا درش وخليك في المقاس بتاعها احسن حتي على الاقل قراية عداد السرعه متتلخبطش وتتمسك في رادار وانت مش واخد بالك
وكمان هو كاوتش ايه ده اللي باظ من مقاس \50 اكيد في حاجه غلط لان في عربيات كتيييير اوي \45 كمان ومفيش مشاكل اخرها فرده ولا حاجه اللي تبوظ مش الاربعه
اكيد المشكله ان الكاوتش ضعيف او الجنط تقيل اوي او مقاس الهوا مش مظبوط شوف انهي مشكله من دول وحلها وبلاش تغير المقاس

[Ahmed Hassan]

شوف يا سيدي خلي اولوياتك كما يلي:

215/50/16
العرض الزياده ده هيزودلك ال side wall و يخلي فيه كاوتش في الجنب اكتر شويه.
المقاس ده كويس و تأثيره على العداد شبه منعدم (يعني لو قراءة العداد 100 هتكون ماشي فعليا 101) و هيعليلك العربيه 3 ملم

المهم تلاقي المقاس ده موجود.

الاختيار التاني:
205/55/16
و ده اللي انت اقترحته و ده بردو ممكن (العداد لما يقرأ 100 هتكون ماشي 102) و بيزود الارتفاع حوالي 8 ملم

كل السابات اللي فوق دي مقارنه بالجنط الاصلي ال 15 و الكاوتش 195/60

الهامل التاني المهم هوه نوع الكاوتش نفسه. فيه كاوتشات بتتحمل المطبا عن غيرها. في الموديلات الموجوده حاليا انصحك ب kumho kh17

[Mosso]

الف شكر يا جماعه ,,
والله يا خلوده الاربعه بقللوا و بقت حالتهم زفت لدرجة اني بخاف اسافر دلوقتي بيهم,,
استاذ احمد الف شكر وانا فعلا هحاول اشوف المقاسين دول ,, انا كنت مركز الاول على ال 50 بس هشوف ال215\50\16 ده
المشكله ان مش كل المحلات عندهم كل المقاسات ,,
و بالنسبه للكوهو والله انا كرهته بسبب ان الي فيها اصلا كومهو و اصلا لو قلت للمحل عايز كومهو kh17 غالبيتهم مبيفهموش اسم الموديل اصلا ,,
بس ان شاء الله هحاول ادور عليه ,
والف شكر تاني مره للمساعده

[Ahmed Hassan]

الف شكر يا جماعه ,,
والله يا خلوده الاربعه بقللوا و بقت حالتهم زفت لدرجة اني بخاف اسافر دلوقتي بيهم,,
استاذ احمد الف شكر وانا فعلا هحاول اشوف المقاسين دول ,, انا كنت مركز الاول على ال 50 بس هشوف ال215\50\16 ده
المشكله ان مش كل المحلات عندهم كل المقاسات ,,
و بالنسبه للكوهو والله انا كرهته بسبب ان الي فيها اصلا كومهو و اصلا لو قلت للمحل عايز كومهو kh17 غالبيتهم مبيفهموش اسم الموديل اصلا ,,
بس ان شاء الله هحاول ادور عليه ,
والف شكر تاني مره للمساعده

مهو يا مصطفى مش كل الكمهو زي بعض. ال kh17 هوه اكتر موديل منتشر حاليا لانه نازل مكان ku15 & ku25 فالمفروض يكون سهل انك تلاقيه. دور انت على اسم الموديل بنفسك.
فيه كمان ال ku15 جامد جدا جدا و استاذ تحمل مطبات... بس صوته عالي و كمان مش سهل تلاقيه لانه معدش بينزل.

عموما لو احتجت مساعده قوللي و لو عايز ادورلك عليهم في بورسعيد. بس باذن الله هتلاقيهم عندك اكيد.

[toptraction]

the most powerful tires i have ever seen is bridgestone potenza adrenaline

[Ahmed Hassan]

the most powerful tires i have ever seen is bridgestone potenza adrenaline

معاك 200%
المشكله ان سعره يساوي مرتين و نص او تلات مرات الكومهو

[khalid_adel]

فعلا المقاسات الكبيره لازم تكون كوري لان حرام فرق السعر الرهيب مع عامل خطوره البلد وان اجدع كاوتش فيكي يا مصر بيبوظ من سن بلاعه ولا مطب وكمان انه كده كده اخره 40 50 الف كيلو بالكتير ويترمي لانه بيكون اتبهدل من الطرق
انا من ساعة ما الفرده 16 الميشلين الماني فرقعت من سن بلاعه اهبل حلفت ماعمري حجيب كاوتش غالي

[fire911]

الفردة دى محترمة جدا - kumho - ku31

[Ahmed Hassan]

الفردة دى محترمة جدا - kumho - ku31

مظنش لسه موجوده.

يا ترى عملت ايه يا مصطفى؟

[H_Shaker]

بص أنا عارف إن الرد جاي متأخر قوي وإنت غالبا خلاص غيرت الكاوتش بس أهو عشان لو حد حابب يقرأ الموضوع بعدين. أنا عندي برده 2005 impreza وعندي الجنوت ال 16. أنا كنت فعلا مركب ال 205/50 - 16 وكانت العربية بتهبد تهبيد السنين في المطبات والكوتش التغير مرتين في 50,000 كم. أنا شفت ال 215/45 - 16 ال continental وكانوا بحوالي 900 الفردة. على فكرة أنا حرمت اركب kumho لانها أثبتت فشلها معايا تماما أكتر من مرة. ال 205/55 - 16 مش هتفرق معاك كتير في العداد ده زائد إن سعر الفردة ال continental 600 جنيه. ال 215/45 هي هي بالضبط 205/50 الفرق في عرض الكاوتش مش أكتر. اللي بيقولك في حاجات بتبقى على 45 وعادي الفرق إن الكاوتش بيبقى مقاسه مكتوب على أساس العرض اللي هو بيكون الرقم الكبير و الرقم التاني أو المقسوم عليه بيكون الإرتفاع بتاع الكاوتش [B]نسبة للعرض.[B/] يعني el-215/45 مثلا ارتفاعه 45% من el-215 فأنت ممكن يكون عندك كاوتش 350/30 وده هيكون برده عريض فـماينفعش تحكم على الكوتش بالرقم التاني بس. أخيرًا أحب أقول إن ال 205/55 - 16 في العربية مريحني في المطبات وفي ال سرعة مش فارق لدرجة الرادارت بقى والقصص دي. يارب تكون معلومة تفيد حد.
السلام عليكم.

[H_A_T_Em]

هل ينفع يا جماعه تركيب كاوتش بعرض ٢٢٥ في امبريزا ٢٠٠٧ انا شفت قبل كده واحد مركب ٢٣٥ و كانت ٢٠٠٦ بس معرفش كان مغير كذا حاجه اعتقد فهل ال ٢٢٥ هيتغيرلهم حاجه بردو ؟!

[khalid_adel]

طب ماقلنا خليك في رقم الكتالوج افضل حاجه للكل
17 215\45 بس كده

[TheGreat1]

أنا مركب 225/45/17 على 2005 بس أهم حاجة مايكونش الرفرف اللي ورا التخبط قبل كده
ولو بعد الشر الرفرف كان مخبوط اتاكد إنه رده كان صح و رجع بالعرض بتاع العربية الأصلي أو ركب 215/45/17 بس هو 1cm فرق والsti بتنزل بـ225/45/17 و الwrx 215/45/17 لمودل السنة.

طبعا في فرق عن حسبة el-14 اللي نازلة معاها بس لما حسبت على مأسات 16 انش بتاعت الrs 215/45/17 1% أبطأ و 225/45/17 0.4% أسرع

مقارنة مع مأساة ال14 215/45/17 أسرع 1.7% و 225/45/17 أسرع 3.4%
جرب احسبها مع كل الأرقام اللي في الباب
وتجربة شخصية العربية ثابتة و المطبات بقيت بتحك أقل كتير (75%) بقوا مش بيحكو أصلا