ممكن حد يفيدنى ارجوكم يا فنانين السوبارو

[kalabala2005]

انا نفسي الاقى ميكانيكي بيفهم فى السوبارو عندي دخنه بيضا اول لما ادور ايام تظهر و ايام لا و بصراحه مش لاقي حد بيفهم و تانى حاجه العربيه بتعلى و توطي فى السلانسيه لوحدها و محدش عارف يظبطها هل في امل ولا ايه و مع العلم انا قيست الموتور و لقيته 77% و لما بزود لغايه 6000 rpm بالاقى دخنه بيضا
ملحوظه الدخنه البيضا عند 6000 rpm فقط

ارجو الافاده السريعه

نوع العربيه سوبارو ليجاسي 1993 1600 cc كربراتير

(ناس قالتلى كاوتش صباب و ناس قالتلى شمبر)

اسف لاطاله

و لو حد عارف ميكانيكى بيفهم فى السوبارو ياريت يقولى
شكرا (بلاش عايد )..............

[mhh]

في ميكانيكي في الحرفيين عندة عربية زي عربيتك اسمة طارق صاحب مركز صخر في الحرفيين في الشارع الكبير الي قبل عايد وربنا معاك

[kalabala2005]

شكرا جدا بس ممكن اعرف من حضرتك لو معاك رقم تليفون ليه و هل هو بيشتغل فى العربيه و لا لأ و يا يت توضيح شويه

[africanwind]

البنزين

جربت انك تغير نوع البنزين , يعنى تحط بنزين 95 لو انت بتستخدم بنزين 92
فضي التنك واستخدم بنزين 95 مرة أو أتنبن وشوف في فرق ولا لأ
ده لو مش بتأثر علي السحب بتعاها لكن لو في تأثير في سحب العربية أو اي مشاكل غير الدخنة البيضة يبقى أنصح بالتوكيل أحسن..

[mhh]

انا أعرف أنة شغال في جميع انواع السوبارو وقطع الغيار متوفرة عندة بعضها جديد والبعض استيراد وبالنسبة لموضوع رقم التليفون انا اعرف ان الموقع بيمنع تواجد ارقام التليفون علشان ميكونش اعلان وارجوك تاكد من الموضوع ده وعلي فكرة لو رحت الحرفيين وسألت علية حوصلوك لأنة معروف وعموماً أسال علي مركز سكادو للتكييف(كابتن اسامة) وهو امامة مباشرتاً وجرب وأسأل ومش حتخسر حاجة لأني جربتة ولاقيت عندة حاجات كتيرة وربنا معاك

[khalid_adel]

لو كده ابعتله رقمه على الخاص
بص هو موضوع الدخنه دي شكلها كده الموتور ابتدي يخف او العربيه بتسيل (كربارتير)
طب خلي حد يدوسلك بنزين واقف انت ورا وشم العادم هل ريحته بنزين ني ولا زيت محروق
وفي كل الاحوال جرب stp الفضي اللي ب 69 جنيه انا جربته وقلل الموضوع ده قوي معرفش ازاي بس بيجيب من الاخر

[ELzanatti]

دي نمرة طارق صاحب محل صخر 0101918380