عاجل:لخبراء السوبارو :ايهما افضل ؟امبريزا 2007 ولا2008

[dramir1]

ارجو الافاده سريعا لاتخاذ القرار: انا اساسا بدور على نيسان تيدا 2009 اتوماتيك بلس
عشان مريحه جدا في السواقه للعمالقه اكتر من 180 سم وتوكيلها كويس ...ولكن ناس بتقولي السوبارو افضل .وانهي موديلات افضل في الامبريزا اتوماتيك في حدود 90 الف جنيه؟
وهل كرسي السواق في السوبارو مريح؟
ارجو التوضيح الفرق بين 2007 و 2008 وايهما افضل
وهل لازم بنزين 95؟؟؟؟
وهل قطع غيارها باسعار فلكيه ولا عادي زي التيدا ؟؟ياريت امثله..
:-فانوس التيدا:1000 جنيه
-اكصدام :900.
-تيل امامي 450.
-طرمبة بنزين+فلتر=1700جنيه "بتتغير كل 100 الف كم.

[khalid_adel]

لو عايز عربيه مريحه يبقى خليك في 2008 لان 2007 عفشه رياضيه اكتر يعني انشف
وبالنسبه لكرسي السواق هو مريح جدا وممسك بيك حلو (كل اصحابي لحد دلوقتي بيقولولي احسن ركوبه كانت ال 2006 اللي كانت معايا وخاصه في قعدة الكرسي)
بالنسبه للاسعار هي اعلى من التيدا بشويه بسيطه بس خد بالك قطع غيار السوبارو ياباني 100% واصلي وبتعيش اكتر من التيدا اكيييييد والفرق في السعر مش كبير
انا رأي خليك في 2008 احسن

[stisti]

2007افضل طبعا كشكل وماتور 1600 ورياضيه اكتر

[Eslam.Elrefaey]

السوبارو اكيد مش احسن ليك لانك بتقول عايز عربية مريحة يبقا تيدا كورولا لانسر اما امبريزا دى عربية سبورت جدا الا2008 الى هيا الشكل الجديد معرفش الصراحة ايه نظامها

[dramir1]

الف شكر لكل من رد علي .....
بعد بحث عن سياره ياباني او الماني مستخدمه بحاله جيده للاسف لم اجد فاشتريت اكسنت rb الجديده هاي لاين والحمد لله قعدتها مريحه واداءها كويس ...وقريبا ان شاء الله اعمل تقرير عنها.

[Eslam.Elrefaey]

مبروك عليك وفعلن الزيرو اضمن علشان اللعب الى بيحصل فى العربيات اليومين دول