مشكله في الطوابير إمبريزا 2010

[mshemy]

يا جماعه أنا عندي مشكله و ارجو من الساده الخبراء المساعده
أنا معايا إمبريزا موديل 2010 و لسه عامل صيانه ال 5000 في مركز الصيانه الي في جسر السويس و كان ليا ملاحظه علي العربيه و قولتها للمهندس و هي عباره عن ان الدركسيون بيرعش لما بلمس فرامل .....

المهم بعد الكشف قالي ده عيب في الطنابير و هانبعت العربيه العبور علشان الطنابير تتمسح علي جهاز مخصص.

طبعا أنا قفشت عليه و قلتله ازاي يعني تخرب الطنابير و لسه العربيه ماعملتش 5000 كم ، قالي دي عيب معروف.

المهم اعمل إيه ياتري اصعد الموضوع و اطلب تغيير طنابير جديده و لا إيه العمل.

[party_0000]

طبعا حقك دي حاجه تحرق الدم

[mshemy]

يا جماعه في حد إتعرض لنفس المشكله دي ...... و ياتري حلها إزاي

برجاء الرد

[Ahmed Hassan]

اطلب طنابير جديده. و غلس

العيب ده كان نزل في 2008 و بعدين تفادوه بعد كده... مش عارف ازاي رجع تاني!!

[adelmagdy]

same story happend with me last time they told me to change the rotors for the second time i have changed the rotors at 20000km maintenance the engineer there in gesr el suez told me that you must change the rotors every 3 times you change brake pads so i refused to change them and told him that ill get a pair of brembo's i think they will be better than the standard rotors

[ramyr]

انا و غيرت الطنابير

[saffey]

ده عيب معروف
انا معايا 2009 وحصلت نفس المشكلاة وتم تغير الطنابير فى الضمان

[khalid_adel]

ده عيب معروف
انا معايا 2009 وحصلت نفس المشكلاة وتم تغير الطنابير فى الضمان

تمام كده
هو ده الي تعمله زي ما العضو saffey عمله تغير الطنابير الاتنين في الضمان وتاخد ورقه بده (الفاتوره) عشان لو كان في عيب في حاجه تانيه يظهر وتلحق تعمله ان شاء الله
بس حرام واوعي تمسح الطنابير على 5000 كم ابدا ليه يعني هي صيني

[vivalamoza]

تمام كده
هو ده الي تعمله زي ما العضو saffey عمله تغير الطنابير الاتنين في الضمان وتاخد ورقه بده (الفاتوره) عشان لو كان في عيب في حاجه تانيه يظهر وتلحق تعمله ان شاء الله
بس حرام واوعي تمسح الطنابير على 5000 كم ابدا ليه يعني هي صيني

بالضبط كدة, ولا تمسح ولا تدفع فلوس الطنابير الجديدة, سيبك من مهندس الاستقبال ده لسه جديد اصلا جه بعد ما المهندس فاقوسة مشى, روح للمهندس خالد مدير فرع الصيانة, هوا رفيع و لابس نظارة, احكيلو و صمم ان الطنابير تتغير فى الضمان, و ربنا يوفقك ان شاء الله

بعيدا عن المشكلة دى بقة, عامل ايه يا صفى, انا شريف من اى بى ام