كيا برايد تطلع من سوبارو امبريزا؟؟ يعنى ايه حد يفهمنى

[akramhasan]

السلام عليكم و رحمه الله و بركاته

انا معايا سوبارو امبريزا 1998 اوتوماتك و فى مهزله امبارح حصلت على اسماعيليه الصحراوى ..كنت بجرى مع كيا برايد الانجكشن الايرانى و اول ما كبست كيك دوان النقله التالته جبت معايا لغايه 150 و الار بى ام نقل على 6...و لما نقلت للنقله الرابعه الار بى ام نزل ل 4 و ثبت و مرضيش يتحرك خالص مع انى دايس بنزين على الاخر و العربيه جاب 160 بطلوع الروووح و لاقيت البرايد جابت 160 اسرع منى و جابت 170 كمان و كان شكلى وحشششششششش اوى......يا جمااااااااااااااعه الخير اعمل اييييييييييييه فى السحب الى ملوش لزمه دا...ابيع العربيه ولا اعمل ايه ؟؟؟؟؟؟؟؟؟؟؟

انا مركب بوجيهات 2 شمعه ان جى كيه
فلتر هواء جديد
فلتر بنزين جديد بتاع لانوس
ملحوظه: انا لما اشتريت العربيه من سنتين كانت بتجيب ال 180 عادى جدا و جبت بيها 200 على طريق السخنه

[Mohamed.Ramah]

على ما اظن بسبب ان الموتور 1600 على الدفع الرباعى ودة مش بيدى اداء قوى بسبب وزن السيارة لو حضرتك عاوز تزود الاداء ممكن تركب الموتور 2000 سى سى وحتلاحظ اداء مختلف
دة موضوع عن الموتور 2.0R : http://www.nilemotors.net/Nile/20379...0r-2007-a.html

[mahmoudselim]

على ما اظن بسبب ان الموتور 1600 على الدفع الرباعى ودة مش بيدى اداء قوى بسبب وزن السيارة لو حضرتك عاوز تزود الاداء ممكن تركب الموتور 2000 سى سى وحتلاحظ اداء مختلف
دة موضوع عن الموتور 2.0r : http://www.nilemotors.net/nile/20379...0r-2007-a.html

الامبريزا 98 ال نزلت مصر دفع امامي مش خلفي. هي المشكلة عندة ان عداد السرعة اخرة 160 والعربية مبتزودش عن كدا مش موضوع عزم او تسارع. بص يا اكرم انت تعمل صيانة صح للعربية يعني زيت جديد للموتور والفتيس لو محتاجين يتغيرو علي طقم بوجيهات ايريديوم مع طقم سلوك سبليت فاير وفلتر هوا سبور وتنظف الانجيكشن وطرمبة البنزين كمان لو ينفع علي تفويلتين 95 وتظبط زوايا وتظبط العفشة لو فيها حاجة وشوف الكوتشات اخبارها اية لان كل الحاجات دي بتأثر علي السرعة وانا معاك في المشوار دا لو تحب

[Mohamed.Ramah]

شكرا لحضرتك على التوضيح وعذرا أ.اكرم

[MOUSTAFA_SAAD]

برايد ايه اللى تجيب 170
معقوله الكلام ده
ده اكيد كان بيرقص على السكه من قلة ثباتها

[akramhasan]

برايد ايه اللى تجيب 170
معقوله الكلام ده
ده اكيد كان بيرقص على السكه من قلة ثباتها

البرايد دى بتاعه والدى و اخويا الى كان سايقها ...و هيا 1300 انجكشن 75 حصان...و الثبات كان متوسط الاداء
و جابت 170

[akramhasan]

الامبريزا 98 ال نزلت مصر دفع امامي مش خلفي. هي المشكلة عندة ان عداد السرعة اخرة 160 والعربية مبتزودش عن كدا مش موضوع عزم او تسارع. بص يا اكرم انت تعمل صيانة صح للعربية يعني زيت جديد للموتور والفتيس لو محتاجين يتغيرو علي طقم بوجيهات ايريديوم مع طقم سلوك سبليت فاير وفلتر هوا سبور وتنظف الانجيكشن وطرمبة البنزين كمان لو ينفع علي تفويلتين 95 وتظبط زوايا وتظبط العفشة لو فيها حاجة وشوف الكوتشات اخبارها اية لان كل الحاجات دي بتأثر علي السرعة وانا معاك في المشوار دا لو تحب

تسلم يا غالى على كل المعلومات القيمه دى......و يشرفنى طبعا انك تكون معايا ...بس انا بحاول اجيب البجوهات و السلوك و الفلتر من بره عشان ارخص بكتيييييييييييييييييييييييييييييييييييييييييييير.. .هنا الاسعار نااار
و انا ان شاء الله نظف رشاشات و همشى خطوه خطوه و ابلغك ان شاء الله بالتطورات

[MOUSTAFA_SAAD]

البرايد دى بتاعه والدى و اخويا الى كان سايقها ...و هيا 1300 انجكشن 75 حصان...و الثبات كان متوسط الاداء
و جابت 170

مش تقول ان انتم عيله مع بعض
انا برده كنت مستغرب انك قولت مواصفات العربيه كلها
وقولت ده عرفها منين وهى ماشيه فى الشارع
بس بجد برافو على البرايد

[akramhasan]

مش تقول ان انتم عيله مع بعض
انا برده كنت مستغرب انك قولت مواصفات العربيه كلها
وقولت ده عرفها منين وهى ماشيه فى الشارع
بس بجد برافو على البرايد

مكنه البرايد الايرانى دى غريبه فى سحبها بصراحه بس مشكلتها العفشه و الثبات..بس انا قصيت سوست و هبطها و بقت ثابته جدا على ال 160 و غرز كممان

[kar!m]

مكنه البرايد الايرانى دى غريبه فى سحبها بصراحه بس مشكلتها العفشه و الثبات..بس انا قصيت سوست و هبطها و بقت ثابته جدا على ال 160 و غرز كممان

مش غريبة ولا حاجة .. عربية صغيرة و صاج خفيف على موتور كويس .. نفس فكرة الفيرنا ..كان عندى السوزوكى كده .. كنت بطلع بيها من عربيات كتير.

[khalid_adel]

يا بوب انا البرايد دي ايام عزها سنه 99 كنت بطلع تقريبا من كل العربيات والبي ام القديم بس طبعا لحد 120 مش اككتر :)
بس انت ظبط عربيتك لان مش طبيعي موضوع ان اخرها 160 المففروض 180 مستريح وتكمل لحد 200

[rompo10]

انا اعرف ان السوبارو مش بتجري لان صاحبي معاه 2006 واخرها 170 بالعافيه لازم تنزل بماتور اكبر من كده

[rompo10]

معلش موديل 2007

[EslaM_NagY]

البرايد دى بتاعه والدى و اخويا الى كان سايقها ...و هيا 1300 انجكشن 75 حصان...و الثبات كان متوسط الاداء
و جابت 170

هههههههه يعنى مش عربية غريبة وكان الله بالسر عليم.

لا دا معرفة يعنى حيفضل ماسكهالك ذلة للأبد ههههههههه

[eslamrace]

على فكره يا جماعه الناس مستهونه بالبرايد بس اللى نازله بموتور 1300 بتجيب 160 عادى والثبات بيتظبط بطقم كاوتش محترم وتسقط عفشه كويسه انا عندى جايب قدام مساعدين يابانى بتوعها وورا مساعدين الفابريكه بس السوست سبور كان واحد مظبطهملى عليها والحمد لله زى الفل
وبعدين مش عايزك تزعل عادى لو السوبارو مزعلاك سيبها واركب البرايد طالما فى عيله واحده وانضم معانا فى قسم كيا ههههههههههههههههههههههههه