إعـــــــلان

Collapse

.

,
See more
See less

تقييمي لسوبارو إمبريزا 2008 1.5r مانيوال

Collapse
X
 
  • Filter
  • الوقت
  • Show
Clear All
new posts

  • تقييمي لسوبارو إمبريزا 2008 1.5r مانيوال

    السلام عليكم ورحمة الله وبركاته

    بعد ما يقارب من 7000 كيلو تقييمي لاداء إمبريزا 2008
    مع ملاحظة ان السوبارو عامة لا تكون في افضل حال وهي خارجة من المصنع طازة والاداء يتحسن مع الكيلومترات

    power: 107 bhp @6000 rpm
    Torque: 142 @3200 rpm
    acceleration 0-100 (km\h) 13.7 sec
    weight: 1310 MT (empty)

    الشكل الخارجي (نقطة لصالح 2007)
    طبعا 2007 افضل في الشكل العام كفاية التنفيخات الجانبية عربية ما شاء الله مفتولة العضلات
    لكن 2008 افضل من الخلف و فوانيسها تحفة
    طبعا من اكبر المشاكل التي واجهت محبي السوبارو ان الشركة تخلت عن الابواب اللي بدون اطار بابواب عادية
    اما عن الابعاد الخاجية فالعربية اقصر (بميلليميترات)لكنها اعرض و اثقل وزنا من الموديل السابق كمان قاعدة عجلات اعرض 4,5 سم
    نفس مقاس الجنوط القديم ولكن الكاوتش مقاسه مختلف R15\65\195 بريدجستون
    2007 كان ميشلان R15\60\195


    التابلوه و الخامات الداخلية (نقطة لصالح 2007)
    طبعا 2006\2007 كان التابلوه اجزاء كثيرة منه من الجلد مع الابواب من الداخل اما في 2008فكل الخامات الداخلية المستخدمة بلاستيكية للاسف
    العدادات 2008 عدادتها افضل كثيرا من 2007 مع ملاحظة عدم وجود مؤشر حرارة و الاستعاضة عنه بلمبة لما العربية تكون باردة ينور ازرق و لما تسخن ينور احمر غير كده النور مش موجود
    بالاضافة ايضا لوجود عداد ديجيتال لقياس معدل استهلاك البنزين
    ملحوظة فرش كراسي 2008قطيفة اما فرش 2007 كان قماش عادي جدا طبعا الكراسي الامامية في العربيتين رائعين و الافضل في فئتهم
    السترجي اللي كان بيعملى دواسات جلد قالي انا عمري ما شفت كراسي في عربيات جديدة تقيلة قوي كده


    مساحة الصالون الداخلية
    2008 اوسع فعلا من 2007 كمساحة متاحة للارجل واعرض (سنًة) و ارتفاعها اكبر بفارق ملحوظ اظنها لن تشكل مشكلة لذوي القامة 180 وما فوق
    وطبعا الكنبة الخلفية عملية اكتر لانها تطوي كلها او 1\3 او 2\3


    عزل الصوت
    طبعا العزل جميل جدا زي 2007 بالرغم انه كان لابد وان تكون افضل لان الابواب اصبحت بإطار عكس 2008
    لكن النقطة اللي لصالح 2007 صوت الكوتش
    البريدجستون R15\65\195 (2008) مزعجة اكتر من سابقتها في 2007 الميشلان R15\60\195


    مساحة الرؤيا
    2008 ما شاء الله ابعادها سهلة جدا وبتبقى شايف كل حتة في العربية لو انت عليت الكرسي
    بشكل عام وانت بتسوق تحس انها اعلى من 2007
    تعيبها الرؤيا الخلفية من الزجاج الخلفي(زجاج مساحته صغيرة) بس مش منعدمة يعني لكن تعوضها المرايات الكبيرة (جدا) الجانبية


    باور العربية (نقطة لصالح 2007)
    باور 2007 افضل من 2008
    بس لاحظو ان مقاس الطارة في 2008 اصغر من 2007 وده بيدي ايحاء ان الباور افضل لصالح الدريكسيون الافضل
    طبعا الدريكسيون يبقي مريح اكتر في السرعات العالية بعد 140
    ولكن قبل 140 باور ال 2007 افضل بدون شك


    استهلاك البنزين
    طبعا 2008 افضل في الاستهلاك من 2007
    باستخدام بنزين 95 العربية بتستخدم من 6,2 : 9,8 لتر لتقطع 100كم
    في الكتالوج مكتوب 7,5 لترلكل 100كم
    ودي تجربتي الكاملة مع البنزين
    http://www.nilemotors.net/Nile/showthread.php?t=17999


    نظام التعليق
    ما شاء الله مزيج رااائع بين الراحة والثبات الصراحة لم اجده في اي عربية يابانية اخرى (لم اركب كورولا او لانسر 2008 ولكني واثق ان الثبات في الامبريزا مختلف)
    نظام التعليق الخلفي جديد يمكن بحكم انها هاتش باك بس القوة واضحة فيه جدا +الراحة +ثبات افضل
    خلوص العربية زاد بمقدار نصف سم (15,5 سم )


    ثبات العربية
    اكيد كل مالكي امبريزا 2007 عارفين الثبات الهايل للعربية
    2008 بلا مبالغة افضل من 2007
    مش عارف ممكن من نوعية الكاوتش ممكن لان الباور اتقل سنة من 2007 ممكن عشان قاعدة عجلاتها اعرض من 2007 وعرض العربية بالكامل ممكن من نظام التعليق الجديد (الخلفي)
    وانا جاي مع بابا من اسكندرية كنت بامشي حوالي 110 -130 مش بزود
    هو يعد يقولي انت مالك ماشي كده ليه على 70 اقوله بص على العداد يلاقيه 120 بالقليل
    كمان اكتر سرعة جبتها بالعربية بعد ما عديت الكمين بتاع الصحراوي جبت 190 على الغيار الرابع وكان لسه فيه بس مرضتش ازود عشان كان معايا مراتي و ابن خالتي ومراته طبعا كانو خايفين لما شافو العداد مرة واحدة


    الموتور:
    اصغر في السعة من الموتور القديم ولكن اقوي و افضل عزما كما بينا في البداية
    طبعا اول ما تفتح الكبوت هتلاحظ انه اصغر من الموتور القديم من غير حتى ما تعرف فرق السعة
    اما عن حدود السرعات
    جيدة جدا بالمقارنة بمنافسيها
    * الخط الاحمر Red Zone عند 7000 لفة
    *الغيار الاول حتى 50
    *الغيار الثاني 100
    *الغيار الثالث 150
    *الغيار الرابع والله انا جبت لغاية 190 وكان لسه مفصلش (بس كان بين 6 و ال 7)
    *الغيار الخامس


    Dual range gear
    *الفتيس له وضع من اثنين LO & Hi
    *اثناء القيادة العادية الفتيس بيبقى على Hi وده بينور نور معين في التابلوه
    *عند النقل الي Lo لابد من استخدام الدبرياش
    *الفتيس ده بيعلى عزم العربية كتيير جدا و بيخلي العربية تاكل الاسفلت اثناء الانطلاق
    *في كتالوج العربية يوصي باستخدامه اثناء القيادة الوعرة Off-road واثناء صعود المطالع و اثناء سحب عربية اخرى
    *تحتاج السيارة الي 10,5 ثانية لكي تصل الي 100 كم\ساعة باستخدام هذا الغيار على LO position
    *طبعا حدود السرعات باستخدام ال D\R تقل كثيرا لان الموتور بيلف على لفات اكبر
    *حدود السرعات باستخدام D\R
    الغيار الاول 40
    الغيار الثاني 70
    الغيار الثالث 105
    الغيار الرابع 137 تقريبا
    الغيار الخامس (لم يختبر بعد)
    وده لينك للتسارع باستخدام DR من 0-100
    http://www.nilemotors.net/Nile/showthread.php?t=22642

    الفرامل
    2007 كانت على طنابير اما 2008 على اقراص فطبعا اداء افضل لـ 2008
    [CENTER][SIGPIC][/SIGPIC][/CENTER]

    [CENTER][SIZE="4"]من كانت الدنيا همه و طلبه و نيته, جازاه الله بحسناته في الدنيا,
    ثم يفضي الي الاخرة و ليس له حسنة يعطى بها جزاء...
    اما المؤمن فيجازي بحسناته في الدنيا و يثاب عليها في الاخرة[/SIZE][/CENTER]

  • #2
    الف الف شكر على التقييم الجامد جدا جدا دة

    بصراحة اكتر حاجة عجبانى فية الحيادية التامة و عدم التحيز لعربيتك و بصراحة انا بحييك جدا :) ! و ربنا يباركلك فيها و يحفظهالك
    [CENTER]الحمد لله[/CENTER]
    [CENTER] [/CENTER]
    [CENTER][sor2]http://farm3.static.flickr.com/2639/3939929853_4547d6e150.jpg[/sor2][/CENTER]

    Comment


    • #3
      تقييم رائع جدا و بس صراحة أنا عجباني شكل 2008 أكتر بكتيير
      و كمان زعلتني على حكاية الزجاج

      Comment


      • #4
        مشكور طبعا على تقييمك الشامل و الحلو ده للعربيه
        [CENTER][CENTER][img2]http://cdn-img1.imagechef.com/w/110921/sampe24f53992f6e9e21.jpg[/img2] [/CENTER]
        [/CENTER]

        Comment


        • #5
          ألف شكر عالتقييم
          hamadakaboo سابقا

          Comment


          • #6
            ربنا يبارك لك فيها

            عموما انا بحب العربيات الهاتشباك جدا, و فرحت لما سوبارو نزلت عربية هاتشباك

            بس فى نفس الوقت زعلت ويك على موضوع الباب Frameless اللى اتلغى فى موديل 2008
            [CENTER][SIZE="5"][COLOR="YellowGreen"]إن لم تستح ..... فأصنع ما شئت[/COLOR][/SIZE][/CENTER]

            Comment


            • #7
              الف شكر على التقييم
              وربنا يباركللك فيها

              Comment


              • #8
                تقييم جميل جدا
                الف شكر على المجهود الرائع دا

                Comment


                • #9
                  بجد تقييم ممتاز

                  وفي منتهي الحيادية

                  ربنا يباركلك فيها
                  [COLOR="Red"][URL="http://www.7abamix.com/2minutes.htm"][SIZE="6"]سبحان الله وبحمده[/SIZE][/URL][/COLOR]

                  Comment


                  • #10
                    تقييم ممتاز و حيادي جدااا :)
                    [CENTER][SIZE=4][URL="http://www.youtube.com/watch?v=AbR3fgcJacE"][B]People of The Lie[/B][/URL][/SIZE]
                    [/CENTER]
                    [CENTER]<!--EndFragment-->[/CENTER]

                    Comment


                    • #11
                      مشكوريين جميعا لمروركم
                      شرفتم الموضوع
                      [CENTER][SIGPIC][/SIGPIC][/CENTER]

                      [CENTER][SIZE="4"]من كانت الدنيا همه و طلبه و نيته, جازاه الله بحسناته في الدنيا,
                      ثم يفضي الي الاخرة و ليس له حسنة يعطى بها جزاء...
                      اما المؤمن فيجازي بحسناته في الدنيا و يثاب عليها في الاخرة[/SIZE][/CENTER]

                      Comment


                      • #12
                        3andy so2al leek ,ana ma3aya el 3arabiya 3amla le3'ayet delwa2t 2335 km bss ana mla7ez enaha betestahlek banzene kteer ana 3andy el shasha katbally 11.4 le kol 100km,estehlak el benzine 2al ma3ak 3nd kam kilo
                        [SIGPIC][/SIGPIC]

                        Comment


                        • #13
                          تقييم ممتاز و موضوعي جدا. 190 على الرابع ده حاجه غريبه جدا... في 2007 الرابع آخره 160.

                          بالنسبه للعزم المفروض الـ 2007 اعلى من 2008 حاجه بسيطه (2008 142 نيوتن/متر و الـ 2007 143/نيوتن متر) بس طبعا مش فارقه. انما لو قصدك بقى على الـ dual range اكيد ساعتها العزم بيكون اعلى
                          Thanks
                          Ahmed Hassan
                          [I][SIZE=3][SIZE=2]When all you have is a hammer, everything looks like a nail

                          [/SIZE][/SIZE][/I][CENTER][SIGPIC][/SIGPIC][/CENTER]

                          Comment


                          • #14
                            المشاركة الأصلية كتبت بواسطة adelmagdy مشاهدة المشاركة
                            3andy so2al leek ,ana ma3aya el 3arabiya 3amla le3'ayet delwa2t 2335 km bss ana mla7ez enaha betestahlek banzene kteer ana 3andy el shasha katbally 11.4 le kol 100km,estehlak el benzine 2al ma3ak 3nd kam kilo
                            والله انا من ساعة لما غيرت الي بنزين 95 ومتوسط استهلاك البنزين قل جدا العداد بعد التفويلة ينزل لغاية ما يوصل 6,8 الي 7,5 ساعات لما بحرق على الغيار او بكون باشد يوصل الي 10,2 ساعات 10,4 ده لما ايه بكون بحرق بحرق وكمان باستخدم D\R
                            اما لو ماشي عادي الاستهلاك بيستقر بعد ما امشيلي شوية كده على 8,4 او 8,6
                            بص انا حطيت بنزين 95 من بعد ال 2500 او ال 3000 تقريبا
                            وقيه موضوع انا عامله في المنتدى على متوسط استهلاك البنزين في العربية عموما باستخدام 92 و 95
                            وعلى فكره اقل معدل وصلتله ببنزين 92 كانت 8,8 (مقارنة باقل معدل لبنزين 95 كان 6,2) و الكلام ده لما امشي على 100 تقريبا على الغيار الخامس (الار بي ام بيبقى بعد 2500 بشوية)
                            اما امتر معدل كان و العربية باستلمها كااااااااانت 17 !!!!
                            بس قل طبعا لما صفرت العداد وفولت واظن كان اعلى معدل معايا حوالي 12 بس المتوسط كان 10 على ما اتذكر
                            [CENTER][SIGPIC][/SIGPIC][/CENTER]

                            [CENTER][SIZE="4"]من كانت الدنيا همه و طلبه و نيته, جازاه الله بحسناته في الدنيا,
                            ثم يفضي الي الاخرة و ليس له حسنة يعطى بها جزاء...
                            اما المؤمن فيجازي بحسناته في الدنيا و يثاب عليها في الاخرة[/SIZE][/CENTER]

                            Comment


                            • #15
                              المشاركة الأصلية كتبت بواسطة Ahmed Hassan مشاهدة المشاركة
                              تقييم ممتاز و موضوعي جدا. 190 على الرابع ده حاجه غريبه جدا... في 2007 الرابع آخره 160.

                              بالنسبه للعزم المفروض الـ 2007 اعلى من 2008 حاجه بسيطه (2008 142 نيوتن/متر و الـ 2007 143/نيوتن متر) بس طبعا مش فارقه. انما لو قصدك بقى على الـ dual range اكيد ساعتها العزم بيكون اعلى
                              شكرا يا باشا على مرورك

                              طبعا 190 على الرابع كويس جدا انت اكيد ملاحظ ان حدود السرعات عالي اظن بسبب حاجتين
                              معدل تخفيض الجير بوكس كويس + الموتور بيلف لغاية 7000 لفة


                              اما عن العزم لا انا مكنتش اقصد بال D\R خالص
                              انا اقصد انها بتدي اقصي عزم عند 3200 مقارنة ب2007 عند 3600
                              بس يمكن خاني التعبير

                              بالمناسبة انك من بورسعيد (نحاول نستغلك شوية) انا قريت انك كنت بتفكر تسقط موتور اكبر
                              هل فيه في بورسعيد مواتير WRX وهل عندكم ميكانيكي يعرف يسقطوه من غير ما يعك الدنيا
                              ول فيه بكااااام الاهم

                              وشكرا على تشريفك لموضوعي
                              [CENTER][SIGPIC][/SIGPIC][/CENTER]

                              [CENTER][SIZE="4"]من كانت الدنيا همه و طلبه و نيته, جازاه الله بحسناته في الدنيا,
                              ثم يفضي الي الاخرة و ليس له حسنة يعطى بها جزاء...
                              اما المؤمن فيجازي بحسناته في الدنيا و يثاب عليها في الاخرة[/SIZE][/CENTER]

                              Comment

                              Working...
                              X