أسئلة عن امبريزا 2006

[MAGPC]

سلام عليكم,
ان شاء الله ناوى أجيب Impreza 2006 لأنى بحبها جدا, بس كنت عايز أسأل على شوية حاجات كدة بعد ما لفيت ال 24 صفحة بتوع القسم :)
1) ممكن أكشف عليها فين قبل ما أجيبها؟.
2) هل فيها مشاكل معينة ممكن أبص عليها؟.
3) هل لازم أحط بنزين 95 (حراق على الجيب قووى).
4)هل فى حد بيشتغل فيها غير التوكيل و عايد؟ و هل عايد فارق كتير عن التوكيل (سواء سعر او شغل).
5) معلش أصلى طويل, هل القعدة مريحة للأربع ركاب (التيدا كفاءة بالنسبالى :) )
6)لو اتجننت و حبيت اسقط wrx, مين ممكن يعمل حاجة زى كدة؟ و ممكن تتكلف كام؟.

[khalid_adel]

1- التوكيل وحيطلعولك كل حاجه فيها (بيفهمو فيها اوي متقلقش ان شاء الله)
2-الموديل ده لم يظهر بيه مشاكل معينه والحمد لله - غير لو لاقدر الله حطيت بنزين مغشوش
3-حط 92 عادي لكن لو في يوم ناوي تحرق او حتسافر وعارف انك حتجري (حتثبت 180 ولا 200 ) يفضل تحط 95 مع اني عن نفسي فضلت كتير بعمل كل ده بال92 وعادي بس اللي عرفته انك خليك في 95 ساعه لما تحرق جامد او مثبت سرعه عاليه
4-عايد ممكن تجيب منه قطع غيار ارخص (فانوس-رفرف-اكصدام) ويركبهم عادي طبعا لكن خليك مع التوكيل في العادي يعني الاحسنلك تبقى منتظم في التوكيل لانه اكتر واحد بيفهم فيها
مره رحت اظبط زوايا بره فالراجل قالي دي مرحله اي وعايزه زرجينه قولتله لا سيبها كده وقلقت وروحت التوكيل ساعتها المهندس ايهاب الله يمسيه بالخير كان موجود ضحك اوي وقالي معلش اصله ميعرفش ان المساعد له زي صاموله بيظبط منه وعاملها في 5 دقايق وفي كذا موقف حصل معايا كنت اقلق اوي واقول بس دي حاجه كبيره وبيتي حيتخرب اول مااروح لهم يقولولي دي حاجه بسيطه اوي وهما حافظين الموديل ده اوي اوي اوي
5-بص انت حترجع الكرسي لورا على الاخر مش حتلاقي حاجه بالوسع ده ولا الراحه دي بالنسبه للي سايق(كنت بحط رجلي الشمال على الطابلوه واسافر ) وهي عامه قاعدتها مريحه اوي للي قدام بس لو كده انسي ان حد كبير يقعد وراك
6-مش حرد علي السوال ده لان كتير حاولو ومكملوش الموضوع فمش عايز افتي

[MAGPC]

1- التوكيل وحيطلعولك كل حاجه فيها (بيفهمو فيها اوي متقلقش ان شاء الله)
2-الموديل ده لم يظهر بيه مشاكل معينه والحمد لله - غير لو لاقدر الله حطيت بنزين مغشوش
3-حط 92 عادي لكن لو في يوم ناوي تحرق او حتسافر وعارف انك حتجري (حتثبت 180 ولا 200 ) يفضل تحط 95 مع اني عن نفسي فضلت كتير بعمل كل ده بال92 وعادي بس اللي عرفته انك خليك في 95 ساعه لما تحرق جامد او مثبت سرعه عاليه
4-عايد ممكن تجيب منه قطع غيار ارخص (فانوس-رفرف-اكصدام) ويركبهم عادي طبعا لكن خليك مع التوكيل في العادي يعني الاحسنلك تبقى منتظم في التوكيل لانه اكتر واحد بيفهم فيها
مره رحت اظبط زوايا بره فالراجل قالي دي مرحله اي وعايزه زرجينه قولتله لا سيبها كده وقلقت وروحت التوكيل ساعتها المهندس ايهاب الله يمسيه بالخير كان موجود ضحك اوي وقالي معلش اصله ميعرفش ان المساعد له زي صاموله بيظبط منه وعاملها في 5 دقايق وفي كذا موقف حصل معايا كنت اقلق اوي واقول بس دي حاجه كبيره وبيتي حيتخرب اول مااروح لهم يقولولي دي حاجه بسيطه اوي وهما حافظين الموديل ده اوي اوي اوي
5-بص انت حترجع الكرسي لورا على الاخر مش حتلاقي حاجه بالوسع ده ولا الراحه دي بالنسبه للي سايق(كنت بحط رجلي الشمال على الطابلوه واسافر ) وهي عامه قاعدتها مريحه اوي للي قدام بس لو كده انسي ان حد كبير يقعد وراك
6-مش حرد علي السوال ده لان كتير حاولو ومكملوش الموضوع فمش عايز افتي

متشكر جدا لحضرتك, كدة ان شاء الله ناوى.
بس معلش ممكن توضيح لرقم 6 اصلي ما فهمتش :-!

[khalid_adel]

العفو ولا شكر على واجب
واسأل في اي حاجه براحتك
بالنسبه لسوال 6- همو انك تعمله صعب شويه ويسأل في ذلك احمد حسن لانه كان ناوي على الموضوع ده فعلا بس تقريبا صعب عشان حيغير حاجات كتير وخاصه الكورونه (ال wrx تيربو وكل حاجه فيها رياضيه)
لكن ممكن الموتور ال 2000 سي سي وده سهل اوي اوي يركب ومفيش اي حاجه تقريبا حتتعدل انت كل اللي عليك انك تجيبه وبس

[MAGPC]

أنا قصدى على الموتور ال 2000 التربو بتاع ال wrx.
عموما شكرا جزيلا.
سؤال خارج الموضوع: هو القسم هنا حاسه نايم كدة ليه؟

[khalid_adel]

الموتور التيربو صعب لكن الموتور ال 2000 عادي (فيه كمان 2500 بس بتاع امريكا بس وعادي برضه)
بالنسبه للسؤال التاني لان ملاك العربيه مش كتير وفي اللي باعها وفي وفي (انا واحد اهو بايع العربيه من 2009 ) ولسه متابع في القسم من حبي فيها :)

[MAGPC]

هيهيهيه ربنا يباركلك فى الألفا و يا رب يوفقك فى بيعها ( بصراحة عربية تحفة ما شاء الله).
و شكرا على المعلومات.

[khalid_adel]

ميرسي لذوقك وتحت امرك في اي وقت

[mahmoudselim]

لكن ممكن الموتور ال 2000 سي سي وده سهل اوي اوي يركب ومفيش اي حاجه تقريبا حتتعدل انت كل اللي عليك انك تجيبه وبس

طيب اية رأيك يا خالد لو فكرت اسقط عندي المكنة ال 2000 سي سي هتبقي مناسبة علي الدفع الامامي؟ ولا ممكن اخلي العربية دفع رباعي؟ ولو سقطها والعربية دفع امامي هحتاج اغير الفتيس مثلا او اي حاجة تانية . ولا الموضوع مجرد اني اشيل ال 1600 واسقط مكانة ال 2000 ؟
ومعندكش فكرة سعرة الموتور دا عامل كام؟
انا سمعت ان سعر الفتيس عاالي اوي دا غير انة بياخد 8 ليتر زيت!!

[H_A_T_Em]

بالنسبه لرقم 6 فده بيتم عادي جدا و انا قدامي سيستم كامل 2500 سيسي امريكي من امبريزا 2007 wrx مش sti و ممكن يخلص علي 19 20 و لو دخلت موتورك فيه هيبقي ارخص كتير و انا كنت هاخد السيستم ده لولا انه طلع اوتوماتيك و عايد عنده واحد بس ال2000 سي سي القديم و مبدا كلام كده كان 16 بدون ادني فصال فعموما المواتير موجوده و فيه عربيه لسه خلصانه sti كانو جيبنلها النصين من دبي و العربيه ديماشاء الله خرافه شفتها بتجري في المرغني اتخضيت و هجبلكو صورتها المهم يعني المواتير موجوده بس النقطتين اللي تقلق منهم هما صيانه الموتور ممكن تتسوح شويه في سيور و اللذي منه و النقطه الاهم جدا جدا هي استهلاك البنزين معظم اصلا البيجيبو المواتير دي بيبقي معاهم عربيه تانيه عشان فعلا استهلاك البنزين لو انت حرقت جامد مش هتصدقوا

[H_A_T_Em]

هي دي ال sti البقولكو عليها و فيها الاسبويلر بتاع كن بلوك http://photos-a.ak.fbcdn.net/hphotos...315_n.jpg?dl=1

[khalid_adel]

اعتقد يامحمود بالنسبه لعربيتك انت محتاج الماتور بتاعها عشان الفتيس مختلف عنك (فتيس الرباعي غير الامامي) والا بقى محتاج تعدل حاجات وانا منصحش بده انا احب اشيل واحط من غير لعب احسن واسهل بس المشكله انك تلاقي الماتور بتاع الموديل بتاعك (مش عارف اذا كان متوافر ولا ايه )

[MAGPC]

هو ماحدش يعرف امبريزا 2006 نضيفة؟ احسن مافيش غير واحدة على النت على فابريكا بس عاملة 140 الف كيلو.
و أنا من ساعتها وانا مستنى و ابو غالى ماعندوش غير واحدة 2008.

[H_A_T_Em]

خليك متابع مع كونتاكت كار

[khalid_adel]

طب ايه مشكله بتاعت كونتاكت ؟؟؟ الكيلو متر مش بياثر في السوبار خاااالص خاصه لو هو محافظ عليها