فى رأيكم تتصلح بكام ( حدثة )

[beautiful0mind]

السلام عليكم ياشباب المنتدى وقسم سوبارو

عايز اعرف تقيمكم لتكلفة اصلاح هذة السيارة وسبل اصلاحها يتكلف كام خارج التوكيل طبعا .










السؤال . فى حالة اصلاحها تتكلف كام ..

ومن وجهت نظركم اية المناطق اللى ممكن تتعالج والمناطق اللى غير صالحة نهائيا .

وشكرا لحضرتكم

[medododo]

بلاش أحساً
تكلفة كتير
وعمرها ما هتكون ذي الفبريكا
وأستنى رأي باقي الاعضاء

[beautiful0mind]

بلاش أحساً
تكلفة كتير
وعمرها ما هتكون ذي الفبريكا
وأستنى رأي باقي الاعضاء

شكرا لأهتمام حضرتك

انا عارف انها هتكلف وانها مش هتكون زى الفبريكة

لكن اكيد فى حلول لأصلاحها .. ممكن تتكلف كام من وجهت نظرك

وبأنتظار رأى الاعضاء الكرام

[ahmedsrs]

هتتكلف كتير هتغير سقف وهتغير شنطة وزراجين والعفشة شكلها مدمرة وهتحتاج اكصدام امامى وممكن تحتاج تغير باب كمان وما يستجد ممكن تتكلف فوق ال30 الف جنيه ولما تيجى تبيع مش هتجيب فلوسها

[AHMEDCAR]

نص خلفى + باب + اكصدام + زجاج +عفشه كامله امامى و خلفى + سقف بالقوايم + الله اعلم الماتور فيه ايه و الشاسيه الامامى

يعنى هتدخل فى اكتر من 40

شوف هيه واقفه عليك بكام و تكلفتها بعد الاصلاح و لما تيجى تبعها بعد كده هتكون مجازيه معاك و لا خسران

[beautiful0mind]

نص خلفى + باب + اكصدام + زجاج +عفشه كامله امامى و خلفى + سقف بالقوايم + الله اعلم الماتور فيه ايه و الشاسيه الامامى

يعنى هتدخل فى اكتر من 40

شوف هيه واقفه عليك بكام و تكلفتها بعد الاصلاح و لما تيجى تبعها بعد كده هتكون مجازيه معاك و لا خسران

تمام حلو كدة هى وقفه عليا رخيصة ولو حسبت التكلفة كاملة مش هتعدى 50 الف على حسب الوضع اللى حضرتك تخيلته ويمكن اقل انا بحاول اجمع جميع الاراء وبسأل على اسعارها

[beautiful0mind]

هتتكلف كتير هتغير سقف وهتغير شنطة وزراجين والعفشة شكلها مدمرة وهتحتاج اكصدام امامى وممكن تحتاج تغير باب كمان وما يستجد ممكن تتكلف فوق ال30 الف جنيه ولما تيجى تبيع مش هتجيب فلوسها

لو حصل نصيب وأخدتها هتقف عليا رخيصة جدا بحالتها دى انا بحاول احسب الاصلاح بتعها قد اية وضضفها لثمنها لو فرضنا التكلفة دى اتوقع انها هتكون مناسبة الى حد ما مش هتكون وقفه عليا غالية ... وأعاده بعها انا هكون واضح مع اللى هيشترى جدا بس هتكون رخيصة لو قولنها انها تتصلح 35 مثلا

بس هى مفهاش حاجة تنفع تتصلح ؟

[medododo]

فعلا ذي ما قال الزملاء
في حدود 40000
بس خد بالك
دي عربية شايلة أرواح يعني لو متعملتش صح الصح يبئى بلاش

[beautiful0mind]

فعلا ذي ما قال الزملاء
في حدود 40000
بس خد بالك
دي عربية شايلة أرواح يعني لو متعملتش صح الصح يبئى بلاش

انا بحاول اجبها نصين من بره ولو قدرت اجبها هشتريها ان شاء الله هى وقفه عليا رخيصة يعنى اعتقد حسبتها هتكون مظبوطة ولا اية رايك ؟

[medododo]

نصين وتلحمهم وتاخد رقم شاسيه الحادثة
نصيحة غير أمنة على الاطلاق لحم السيارة النصين

[Donzi]

لو هاتبقى مامن على نفسك و انت راكبها يبقى اعملها

بس لو مش ضامن النتيجة بعد التصليح 100 100 يبقى بلاش

[beautiful0mind]

لا يافندم انا مش هعمل كدة انا انا هاخد منها قطع الغيار

ولو حصل ولحمتها انا هكون واضح جدا مع نفسى وانا بعملها ليا

وبعد عمر يوم مهبعها هكون واضح مع المشترى دى أمانه

وهستغل موضوع انها هتكون طع غيار متوفره معايا هتسهل عليا شراء حاجات كتير

[beautiful0mind]

لو هاتبقى مامن على نفسك و انت راكبها يبقى اعملها

بس لو مش ضامن النتيجة بعد التصليح 100 100 يبقى بلاش

والله انا بسأكم عشان كدة انا بشوف عربيات كتير حالتها اسوء بتكون ما شاء الله خرجة تحفة

وده حل من الحلول

ولو تكلفتها عدت هتراجع عنها

[Donzi]

والله انا بسأكم عشان كدة انا بشوف عربيات كتير حالتها اسوء بتكون ما شاء الله خرجة تحفة

وده حل من الحلول

ولو تكلفتها عدت هتراجع عنها

والله انا عملت حادثة قبل كدا و العربية كانت خاتتكلف من 15 ل 18 الف بس و ترجع تمام بس برضو مامنتلهاش و خاصة انها كانت هاتحتاج لحام في الشاسية و فضلت اني ابيعها بحالتها عشان مش مامنة اركبها تاني

ممكن الموضوع يكون نفسي معايا ، بس انت لازم تبقى مامن لنفسك و للعربية عشان الطرق عندا زي الفل و انت عارف

و ربنا يحفظك ان شاء الله و حاول تعمل استخارة برضو

[MOSHAKS]

والله انا بسأكم عشان كدة انا بشوف عربيات كتير حالتها اسوء بتكون ما شاء الله خرجة تحفة

وده حل من الحلول

ولو تكلفتها عدت هتراجع عنها

ان شاء الله تبئا تمام وبعدين كله بفلوسك تقدر تعمل الى متعملش بس احسب صح واعتقد لو جبتها نصين من بره هتبئا افضل وتشيل من ديه وتحط هنا وتلحم بس اهم شئ شوف سمكرى مخضرم مش واحد نص لبة .
بس هو المكان اللى فيه العربيات ده فين؟؟ وايه نظامهم ؟؟