مرعوب اشتريها

[vetooo3001]

انا عايز اجيب امبريزا هاتش باك 2004 و مرعوب من الصيانه كل اسال حد يقولى التوكيل بس... يعنى تغيير السيور و الزيوت و الفلاتر و تغيير تيل الفرامل و الحاجات التقليديه اللى من النوع ده مفيش ميكانيكى بيعملها و مضطر اروح التوكيل فعلا و لا ؟...
و هل التوكيل غالى؟
و الحاجه التانيه انى لقيت على كونتاكت كارز امبريزا 2004 ب 55000 السعر ده مبالغ فيه و لا كويس؟
و مشكورين مقدما

[eslamsubaru]

مفيش امبريزا 2004 هاتش باك.... مفيش غير اوتباك و دى مش فى مصر..
الهاتش باك ابتداء من 2008
اللى فى الموقع اللى شوفتو 2004 سيدان و سعر 55000 حلو على حسب حالتها..
موضوع الصيانة فى ناس بره التوكيل بس رأى خليك مع التوكيل اضمن و فرق السعر مع احترامى لكل المتعاملين خارج التوكيل مايستاهلش المجازفة... يعنى هتوفر 100 الى 200 جنيه فى مقابل راحة بالك و الضمان.

[mahmoudselim]

لو وصلت بيك الدرجة انك تقول انك مرعوب تشتريها !! فا متشتريهاش أحسن.

ويا سيدي عربية سوبارو موديل 2004 وب 55000 وتقولي مبالغ فيها!!!!

[mahmoudselim]

مفيش امبريزا 2004 هاتش باك.... مفيش غير اوتباك و دى مش فى مصر..
الهاتش باك ابتداء من 2008
اللى فى الموقع اللى شوفتو 2004 سيدان و سعر 55000 حلو على حسب حالتها..
موضوع الصيانة فى ناس بره التوكيل بس رأى خليك مع التوكيل اضمن و فرق السعر مع احترامى لكل المتعاملين خارج التوكيل مايستاهلش المجازفة... يعنى هتوفر 100 الى 200 جنيه فى مقابل راحة بالك و الضمان.

مع احترامي ليك يا اسلام في فرق كبير جدا في الاسعار ما بين التوكيل وبرة ونفس جودة
الشغل لو انت بتتعامل مع واحد فاهم. وهقولك علي مثل, انا عملت طقم اصلاح علبة الدركسيون
في التوكيل وكلفتني 400 جنية بس مصنعية دا غير تمن الطقم 300 جنية دا غير الضريبة
يعني بتتكلم في 850 جنية تكلفة طقم اصلاح علبة الدركسيون !! في حين تكلفة مصنعية
عمل الطقم عند الميكانيكي ال فاهم سوبارو كويس جدا واشتغل في التوكيل اكتر من 10 سنين
120 جنية!! والعلبة كاملة استيراد وعلي التجربة ب 950 جنية.
انا عاوز اقولك ان لسة هيثم الميكانيكي محول عربية واحد صاحبي من امامي للرباعي
عربية موديل (97) والحوار كلة علي بعضة بالمصنعية بكل حاجة وقف علية ب 2000 جنية
والعربية بسم الله ما شاء الله زي الفل وعمرك ما هتعرف ان دي كانت دفع امامي
وانا ان شاء الله ناوي علي الموضوع علي اخر شهر 2 بأذن الله.
في حين ان التوكيل لو وافق انة يعمل كدا او بيعرفوا يعملوا الموضوع دا الموضوع مش
هيقل عند 6 او 7000 جنية.

[vetooo3001]

انتوا مفهمتوش قصدى اسلام بيقول ان مفيش فرق كبير بين التوكيل و بره فالتوكيل احسن و مشكور طبعا و محمود بيقول ان الفرق كبير بين التوكيل و الميكانيكى و قال امثله بس على حاجات فيها شغل لكن اللى انا عايز اعرفه ان حاجات البسيطه زى تغيير زيت الموتور و تيل الفرامل و السيور و بوجيهات لازم التوكيل و لا اى ميكانيكى
و كمان حاجه هى موديل 2004 دفع رباعى و لا امامى بس
و شكرا

[vetooo3001]

مفيش امبريزا 2004 هاتش باك.... مفيش غير اوتباك و دى مش فى مصر..
الهاتش باك ابتداء من 2008
اللى فى الموقع اللى شوفتو 2004 سيدان و سعر 55000 حلو على حسب حالتها..
موضوع الصيانة فى ناس بره التوكيل بس رأى خليك مع التوكيل اضمن و فرق السعر مع احترامى لكل المتعاملين خارج التوكيل مايستاهلش المجازفة... يعنى هتوفر 100 الى 200 جنيه فى مقابل راحة بالك و الضمان.

مشكوووووووووووووووووووووووووووووووووور يا ا/اسلام افادكم الله

[vetooo3001]

لو وصلت بيك الدرجة انك تقول انك مرعوب تشتريها !! فا متشتريهاش أحسن.

ويا سيدي عربية سوبارو موديل 2004 وب 55000 وتقولي مبالغ فيها!!!!

اعتقد ان طبيعى ابقى خايف اشتريها لان انا عربيتى عارف بصلحها فين و ازاى و بكام و بجيب قطع غيارها منين و بكام لكن عربيه تانيه لا
لكن اللى استفدته من البقين دول ان سعرها كده كويس فمشكور باى حال
رغم ان اللى اعرفه ان طالما العربيه مش زيرو سعرها حسب السوق و الحاله و لو دورت هتلاقى اقل من 55 كمان علشان الحاله

[mahmoudselim]

2004 دفع رباعي
والعربية زيها زي اي عربية في السوق واي ميكانيكي فاهم ممكن يشتغل فيها
مش لازم واحد متخصص في السوبارو يعني . المشكلة او بمعني اصح
ان الحاجة ال بتميز السوبارو هو الموتور البوكسر ودا ال قليل بيفهم فية
وبيعرف يشتغل فية. انما عفشة وفتيس واي حاااااجة تانية عاااادي جدا
زيها زي اي عربية ياباني. يعني تغيير زيوت وفلاتر وعفشة واي حاجة
بعيد عن الموتور خلي بلية يشتغل فيها !! اقصد طبعا اي ميكانيكي شاطر
وعلشان أطمنك البوجيهات وسير الدينمو والتكيف انا بغيرهم نفسي
سير الكاتينة بخلي الميكانيكي ال بتعامل معاة يغيرة.

[mahmoudselim]

اعتقد ان طبيعى ابقى خايف اشتريها لان انا عربيتى عارف بصلحها فين و ازاى و بكام و بجيب قطع غيارها منين و بكام لكن عربيه تانيه لا
لكن اللى استفدته من البقين دول ان سعرها كده كويس فمشكور باى حال
رغم ان اللى اعرفه ان طالما العربيه مش زيرو سعرها حسب السوق و الحاله و لو دورت هتلاقى اقل من 55 كمان علشان الحاله

البقين دول مبيطلعوش لاي حد!! علشان تعرف انك غالي عندنا
في قسم السوبارو

[blazer]

ال 2006 كانت معروضه على ب 65 الف وكانت حاله جيده جدا

[vetooo3001]

البقين دول مبيطلعوش لاي حد!! علشان تعرف انك غالي عندنا
في قسم السوبارو

مشكوووووووووووووووووووووووور يا فندم والله

[vetooo3001]

2004 دفع رباعي
والعربية زيها زي اي عربية في السوق واي ميكانيكي فاهم ممكن يشتغل فيها
مش لازم واحد متخصص في السوبارو يعني . المشكلة او بمعني اصح
ان الحاجة ال بتميز السوبارو هو الموتور البوكسر ودا ال قليل بيفهم فية
وبيعرف يشتغل فية. انما عفشة وفتيس واي حاااااجة تانية عاااادي جدا
زيها زي اي عربية ياباني. يعني تغيير زيوت وفلاتر وعفشة واي حاجة
بعيد عن الموتور خلي بلية يشتغل فيها !! اقصد طبعا اي ميكانيكي شاطر
وعلشان أطمنك البوجيهات وسير الدينمو والتكيف انا بغيرهم نفسي
سير الكاتينة بخلي الميكانيكي ال بتعامل معاة يغيرة.

هو ده كل اللى كنت محتاج اعرفه بارك الله فيكم
انا عارف كويس اوى ان السوبارو بوكسر انجن و كنت فاهم ان كل مسمار فيها لازم فى التوكيل كده انت طمنتنى
يبقى التوكيل او ميكانيكى سوبارو فى الحاجات بتاعت الموتور بس
و الحاجات العاديه كلها اى ميكانيكى كويس
الف الف شكر يا رجاله

[Youssef.Awad]

2004 دفع رباعي
والعربية زيها زي اي عربية في السوق واي ميكانيكي فاهم ممكن يشتغل فيها
مش لازم واحد متخصص في السوبارو يعني . المشكلة او بمعني اصح
ان الحاجة ال بتميز السوبارو هو الموتور البوكسر ودا ال قليل بيفهم فية
وبيعرف يشتغل فية. انما عفشة وفتيس واي حاااااجة تانية عاااادي جدا
زيها زي اي عربية ياباني. يعني تغيير زيوت وفلاتر وعفشة واي حاجة
بعيد عن الموتور خلي بلية يشتغل فيها !! اقصد طبعا اي ميكانيكي شاطر
وعلشان أطمنك البوجيهات وسير الدينمو والتكيف انا بغيرهم نفسي
سير الكاتينة بخلي الميكانيكي ال بتعامل معاة يغيرة.

وحابب اضيف معلومة كنت قريتها من فترة فى المنتدى ان ليها ناس فى الحرفيين شغالين بس فى سوبارو مش متذكر اذا كان بيع قطع غيار ولا ميكانيكى وافتكر اسمه كان عابد
ومشكلة العربية دى من وجهة نظرى انها بتتهان اوى وبسرعة فى مصر انما هى عربية تحفففففففففففففففة وسوبارو وفولفو بالنسبة لى فى كفة وباقى الماركات فى كفة تانية بس اللى يقدروها بقى

[mahmoudselim]

وحابب اضيف معلومة كنت قريتها من فترة فى المنتدى ان ليها ناس فى الحرفيين شغالين بس فى سوبارو مش متذكر اذا كان بيع قطع غيار ولا ميكانيكى وافتكر اسمه كان عابد
ومشكلة العربية دى من وجهة نظرى انها بتتهان اوى وبسرعة فى مصر انما هى عربية تحفففففففففففففففة وسوبارو وفولفو بالنسبة لى فى كفة وباقى الماركات فى كفة تانية بس اللى يقدروها بقى

أسمة عايد وبيبيع قطع غيار وميكانيكي في نفس الوقت
وأنصح أي حد انة ميتعاملش معاة نهائي. في ناس تانية
في الحرفيين برضوا وبرة الحرفيين بتبيع قطع غيار سوبارو
وفي ميكانيكية سوبارو" فقط" في أكتر من مكان, وانا بتعامل
مع واحد فيهم وماشاء الله فاهم العربية دي كويس جدا.

عندك حق فعلا في عربيات سوبارو بتكون متهانة والاكترية لا
ودا راجع ان صاحبها مهمل فيها ومكسل يروح يصلحها او
مش عاوز يصرف عليها ودول بيكونوا جايبين العربية ومش عارفين
قيمتهاومش عارف هو راكب اية هو جايبها بس علشان ياباني ورخيصة
وفيها اوبشن كتير. انما ال غاوي سوبارو وحبيبها وعارف قيمتها
عمرك ما تشوف عربيتة متهانة ابد, الا لو في سبب قوي ومع ذالك
اول ما تيجي الفرصة بيشدها تاني علي طول.والله العظيم ركوبة العربية
دي متعة بجد وعمري ما زهقت من سواقتها, كل يوم بسوقها بحس ان
دي اول مرة عربية ماشاء الله .

[mohammedabdallh]

وحابب اضيف معلومة كنت قريتها من فترة فى المنتدى ان ليها ناس فى الحرفيين شغالين بس فى سوبارو مش متذكر اذا كان بيع قطع غيار ولا ميكانيكى وافتكر اسمه كان عابد
ومشكلة العربية دى من وجهة نظرى انها بتتهان اوى وبسرعة فى مصر انما هى عربية تحفففففففففففففففة وسوبارو وفولفو بالنسبة لى فى كفة وباقى الماركات فى كفة تانية بس اللى يقدروها بقى

العربيه دى محترمه بس ليها ناسها