عايز أشتري إمبريزا و محتاج مساعدتكم

[ngbz]

السلام عليكم و رحمة الله

كنت محتاج مساعدتكم يا جماعة .....بقالي فترة بدور على إمبريزا و الحمد لله لقيت واحدة مواصفتها كالآتي :
هاتشباك , سوداء , rk , 2009 , هاي لين , فبريقة بالكامل ما عدا رفرف يمين و إكصدامين , ماشية حوالي 44000 كم , صيانة بالتوكيل , هيا العربية متبهدلة سوية من الداخل (عايزة تتنقع عند واحد بتاع كاركير )
المهم أنا كنت عايز أكشف عليها فبعد البحث و التمحيص جبت رقم عايد اللي في الحرفيين قلتله عايز أكشف على العربية قاللي تنورني , قاللي بس شهادة حق إبعد عن ال2007 , 2008,2009 ,2010 قلتله ليه قاللي قطع غيار مش معمرة , تسارع بطيء ..... كلام مش مقنع بصراحة ...... المهم قلتله تعمل كام قاللي 70,000 جنيه ......معقولة يا جماعه الكلام ده .....يا ريت حد فاهم يقولي السعر الحقيقي ليها و لو حد يعرف كشف التوكيل بكام .
شكرا

[eslamsubaru]

يا باشا سيبك من عايد :
قطع غيار مش معمرة و كلام هجس... و كمان موديلات 2007و 2008و2009و 2010!!!! يعنى موديلات سوبارو كلها بقى ..ههههه كلام فتى من صنايعى طبعا.
بص يا باشا موديل 2009 كويس و بخير كان ظهر مشكلة فى الطنابير فى بعض العربيات بس كانت بتظهر عند 10000 كم او 15000 كم. و يتم حلها. بالتالى لقدر الله لو كان ظهر فى العربية دى اكيد اتعالج.
الموديل ده كان ب 135000 ايام ما نزل السوق السعر دلوقتى ممكن يعمل 90000 الى 100000 حسب حالة العربية.
التوكيل بيكشف على العربية اعتقد فى رانج 450 الى 500. ده افضل فى كل شئ و خاصا انت بتقول العربية عملة صيانتها بالتوكيل و ده هيسهل المهمة و ممكن يقلل فى سعر الكشف.

[ngbz]

يا باشا سيبك من عايد :
قطع غيار مش معمرة و كلام هجس... و كمان موديلات 2007و 2008و2009و 2010!!!! يعنى موديلات سوبارو كلها بقى ..ههههه كلام فتى من صنايعى طبعا.
بص يا باشا موديل 2009 كويس و بخير كان ظهر مشكلة فى الطنابير فى بعض العربيات بس كانت بتظهر عند 10000 كم او 15000 كم. و يتم حلها. بالتالى لقدر الله لو كان ظهر فى العربية دى اكيد اتعالج.
الموديل ده كان ب 135000 ايام ما نزل السوق السعر دلوقتى ممكن يعمل 90000 الى 100000 حسب حالة العربية.
التوكيل بيكشف على العربية اعتقد فى رانج 450 الى 500. ده افضل فى كل شئ و خاصا انت بتقول العربية عملة صيانتها بالتوكيل و ده هيسهل المهمة و ممكن يقلل فى سعر الكشف.

جزاك الله خير يا باشا ..... بس صاحب العربية بيقولى واطية شوية .... و بجعه فعلا في طلعتها .....

[eslamsubaru]

هى العربية ارتفاعها واطى شوية بس زيها زي الهوندا سيفيك : تحتاج حرص فى المطبات.
بالنسبة للطلعة: بطيئة لو بتستخدم بنزين 92 انما لو 95 مش هتحس بأى بطء.

[khalid_adel]

انا عن نفسي مع تجربيتي لل 2007 كانت اعلي من السيفيك او بالاصح مش بتحك في المطبات زي السيفيك (ده ليه اعتبارات كتير غير ارتفاع العربيه زي ناشفه ومدي حركه المساعدين والسوست وقاعدة العجلات وكده )
واللي انا اعرفه ان موديل 2008 وما بعد اعلي بنص سنتي تقريبا
صح يا سوبارجية ولا ايه

[yasserit]

انا عن نفسي مع تجربيتي لل 2007 كانت اعلي من السيفيك او بالاصح مش بتحك في المطبات زي السيفيك (ده ليه اعتبارات كتير غير ارتفاع العربيه زي ناشفه ومدي حركه المساعدين والسوست وقاعدة العجلات وكده )
واللي انا اعرفه ان موديل 2008 وما بعد اعلي بنص سنتي تقريبا
صح يا سوبارجية ولا ايه

+111111111111111