ابو غالي ....حاجة مهببة

[ELzanatti]

السلام عليكم,
تخيلو ان التوكيل مفيهوش قطع غيار بقالة اسبوعين او اكثر؟!!!!!
نفسي حد تاني غير ابو غالي يمسك التوكيل, علي الاقل يددي العربية حقها.

[S O P H O S]

منهم لله
احنا تعبنا بجد من التوكيلات الي فمصر دي
معلش استحمل شوية امرنا لله
تحياتي

[eng.m7md.ali]

اسبوعين بس؟؟
ياراجل ده انا مستني فرش سقف لعربيتي بقالي اكتر من 3 شهور :)

[khalid_adel]

ايوه بس من تجربتي مع ابوغالي لو حاجه مش موجوده بيبعتو يجيبوها من اليابان وبالكتير شهر تكون وصلت مصر ان شاء الله
معلش خير بس اكيد الشحنة اللي جايه في حاجات كتير متقلقش

[ELzanatti]

يا جماعة, في حاجات لازم تكون موجودة لما السقف مايكونش موجود فا ده ماشي علشان مش علية طلب لاكن تييل !!!!!!

[hfshaaban]

وحياتك تيل وطنابير ومرة سيور وبلى كاتينة ومرة كبود واكصدام انا ولا مرة اروح اسال على حاجة عايزها يقولولى مافيش الطلبية جاية الطلبية متاخرة الجمرك ولع الثورة ولا مرة العيب منهم؟؟؟؟ ياريت حد ياجماعة يفتح ورشة اكيد هيبقى احسن منهم. انا بيعت العربية بسببهم

[yoko]

ده إحنا بندعي ربنا ابو غالي يمسك فيات
انا كرتيره زيت قالولي 3 شهور وب2500 بندق غير الضريبه والمصنعيه

[khalid_adel]

انا شايف ان مصر كلها (بتوكيلاتها وتجارتها وصناعتها) خلاص بقت في الباي باي
ربنا يستر علينا

[Hussein_Ramdan]

دول بيسطعبطو انا كنت بعمل صيانة ال20 الف لرنجلر 2011
كانت ب 1400
قولت مش مشكلة
بعد ما خلصت قالى احنا غيرنا لمبة ومش عارف اية مساميرين ماشى ياعم متشكرين كام
قالى 450 قالتلو اية قالى اصل مش عارف واية ولسة هيرغى والصراحة انا كنت مستعجل رميت الفلوس فى وشهم ومشيت ربنا يخرب بيتهم

[tarekmomo]

بجد التوكيل دة ظالم السوبارو ومش ديها حقها فى مصر كفاية انة مش مسوقها كويس

[saladin911]

يا جماعة انا لما شوفت السوق الزبالة بتاعنا وازاى اسعار الهوندا فوققققق قى السما والناس مش عايزة تنزل.. وشوفت ازاى السوبارو اسعارها فرصة وعرفت السبب.......
انا مليش فى العربيات قوى بس بتابع من وانا صغير الاداء وتظبيط العربيات "انا مهندس ميكانيكا انتاج" وبصراحة كدة بعرف اجيب حاجات من برة ومعايا كارت فيزا اشتريت بيه حاجات كتير رخيصة قوى "بس مش فى السيارات"

جربوا تشوفوا حد معاه فيزا نت او حساب زى خدمة Money bookers

والاسهل بكتيرررررررررررر خدمة Edfa3ly "Edfa3ly.com"
انا مجربها وصدقونى الشحن بيها رخيصصصصصصصصصص!!!!

وفيه برنامج حساب لكل التكاليف لشحن جيربوكس كامل مثلا... يعنى عشان تجيب جيربوكس تمنه 250 دولار تتكلف اجمالى حوالى 460 دولار تقريبا لو هو تقيل وزنه مثلا عشرة كيلو "معرفش بالضبط وزنه"

ده طبعا فى حالة المشاكل الكبرى يعنى الازمات اللى تعطل العربية....

الباقى كله امره سهل!!!
وانا ناوى تسعين فى المية انزل القاهرة الجمعة الجاية واشوف كام واحدة سوبارو الا لو جد جديد ولقيت حاجة فى اسكندرية تسهل عليا مشقة السفر والبهدلة ديه





صدقونى العربية ديه تحفة بعيوبها حتى! بس عيبها الوحيد ان مش ممكن يتسقطلها مواتير التربو بتاعت ال WRX والحاجات الجامدة ديه!!!