صديقى عمل حادثه دمرت العربيه " صور"

[darshing]

شوف يا باشا انا عملت حادثه جامده اوي من فتره كده ولسه الحمد لله مخرجها من عند السمكري النهرده
السمكري ده دكتور بجد صنيعي فوق الرهيب
هو طبعا في الحرفيين ماشاء الله عليه اميييين جدا واسعاره كويسه عمل عربيتي وكذا عربيه من عربيات اصحابي
لو حابب تشوفه ابعتلي على الخاص وانا تحت امرك متقلقش ان شاء الله

[moha4tec]

الف سلامه على صحبك و الحمد لله انه بخير
اى حاجه تانى ممكن تتعوض

[Hossam_Zaky]

حمدا لله علي السلامة أولا
و بعدين نصيحة عن تجربة بيع العربية حوادث شوف تجيب كام و لو المبلغ معقول يعني لما تحط عليه ال10 او 15 ألف اللي كنت حتصلحها بيهم يبقي يعادل تمنها مستعملة في السوق توكل علي الله و بيع

لأن أي كان السمكري اللي حتعمل عنده العربية حيقرفك و في النهاية يا إما العربية تطلع مش مضبوطة أو تبقي زي الفل بس راشة دواخل و تمنها مستعمل يبقي في الأرض
و خللي بالك العربية فيها شغل كتير و شاسيه و أهم مشكلة أنك لما بتبتدي تفك عشان تصلح حتتعامل مع مفاجأت أو حاجات مستخبية
يعني مثلا من الصور اللي أنت حاطتها عندك كبوت + صدر + رفرف + أستعدال شاسيه غالبا الفردتين مش واحدة + ريدياتير + سربنتينة التكييف + قربة مياه مساحات + فوانيس أمامية + اكصدام
و اهم حاجة انا شايف ان الخبطة جامدة شايف العفشة مسمعة فيها و العجلة مأخرة للخلف
من الأخر أنا شايف ان اللي حيشتغل فيها ممكن يستسهل يجيب نصف أمامي و ده حيعملك مشكلة مع رقم الشاسيه بس عادي بيعملوه ولو أنه مش صح بس كده العربية حتكون مغيرة نصف و معيوبة

متزعلش مني لوجهة نظري القاتمة لكن ده عن تجربة في أكتر من عربية عند سمكرية و داخل توكيلات أخرها سنة 2009 مع عربيتي النيسان و شغل داخل التوكيل تكلف أكتر من 20000 جنيه
بينما صاحبي السنة اللي فاتت كان معاه صني برضه و دخل في عامود نور و كل السمكرية أجمعو علي تكلفة في حدود ال10 ألاف جنيه ( طبعا حتزيد لأنهم بيحطو الرقم القريب عشان يشجعوك تعمل عربيتك عندهم و يبدأ بعد كده أستنزاف الفلوس ) المهم بعناها حوادث ب60 ألف جنيه و ده كان افضل حل و لما حط عليهم ال10 ألاف اللي كان حيصلح بيهم بقي المبلغ 70 ألف ( تمنها مستعمل 75 ألف للحالة العادية )

سامحني بس يا بخت من بكاني

[eng.ghost]

انا مع البيع

[blazer]

العربيه للبيع بإذن الله يا جماعه
ياريت حد يسعرها كمان

http://www.nilemotors.net/Nile/302386-2007.html#post3874462894

[blazer]

'طب حد يسعرها معايا يا جماعه او يفيد باى طريقه

[khalid_adel]

مش قادر اقول سعر من غير ماتعرف هيا محتاجه ايه بالظبط وحتتكلف كام
وساعتها ممكن نقول سعر

[Youssef.Awad]

للاسف اسعار السوبارو غير متداولة
بس لو هاتتباع مستعملة سليمة مش هاتعدى ال80 الف
شوف الاصلاحات هاتتكلف كام واخصمهم

[blazer]

بفرض انها هتتكلف 25 الف ودا اعلى بكتير من اللى هتتكلفه فى الواقع يبقى سعرها كام؟

[boamengo]

قدر الله ما شاء فعل

الحمد لله انه سليم

الف حمد لله على سلامته

[chiko]

عيزه علي الاقل ربع يمين و كبوت و فوانيس و اكصدام ده غير اللي تحت عيزه دراتير و سربنتينة تكيف و صدر و ركبه كامله .. افتكر هتتكلف في حدود 15 الف قابله للزيادة ... ده اذا مكنش فيه حاجه في الماتور .. و الحمد الله انه بخير ... و جت في الصاج

[egyptiandiver]

قدر الله و ما شاء فعل

[chiko]

علي وضعها ده هتجيبلك في حدود 30 ..

[virus2007]

فى اعتقادى الشخصى العربية حتتصلح وترجع زى مكانت عادى ... يصرف عليها افضل فى التصليح افضل مبيبعها ويخسر فيها كتير جدا

وديها لسمكرى وميكانيكى يبصوا عليها ويقيموا الحاجات الى عاوزة تتغير وان شاء الله تبقى بسيطة

[virus2007]

اسال الاستاذ شريف وهبة وهو راجل محترم وحيقيمهالك بس اعتقد لازم يعرف الاول اية الى محتاج يتغير فيها الاول عشان يقدر يقيمها صح

http://www.nilemotors.net/Nile/249687-a.html