عملت تست درايف لل xv

[egy_3assy]

العربية دي هايلة طلبت تست درايف من الوكيل بتاع شارع النزهه .. انا اصلي عندي واحد صاحبي شغال في ابو غالي .. قلت اجرب العربية .. مبدئيا الجنط خيالي .. شكلو حلو جدا و العربية تقسيمتها من برة ممتعة بصراحة .. اول ما تدخل العربية تحس انك راكب عربة نيفا .. ودة انطباعي .. الطابلوه عادي جدا ومفهوش اي شكل جمالي .. انوار العدادات مفيهاش اي جازبية .. بصراحه حسيت ان الموضوع سخيف .. بس اول ما دورت .. اولا في هدوء غير طبيعي فيها .. وتكييفها عبقري .. ودي اول مرة اركب اوتوماتيك و محسش بالنتشة بتاعه الطلعه .. و فسرهالي المندوب اللي معايا ان الفتيس على سيور مش تروس .. و بعدين قلت اشد شوية عشان اشوف الثبات .. لقيتها ما شاء الله مكلبشة في الارض في المراوغو و الملفات .. انا حتى مبحسش اني بلف بالعربية مع اني قارس عليها ... بصراحه مكنة و عفشة اكتر من رائعه و ديزاين خارجي هايل بس الديزاين الداخلي هو عيبها و ب300 الف .. طب ما اركب bm بقى واوفر على نفسي الملاحظات .. ومن جوة العربية واسعه جدا .. يعني اللي ورا يقعد و يمد رجلة وهو مبسوط يعني .. و بس كدة

[S O P H O S]

ما شاء الله
عربية ممتازة

[Land_Cruiser]

السوبارو للاسف ملهاش حظ فى مصر و هى زى اليابانى اليومين دول اخر حاجه بيفكروا فيها هى الشكل او يمكن بيعملوا شكلها وحش علشان الحسد

[Mostafa_Nour]

مشكور على التقرير

لكن أنا أعرف ان سعرها مش 300 ألف , دة سعرها 200 ألف (195 ألف للدقة)

[tarekmomo]

الوكلاء هما الى بيرفعو العربية سابع سما او بنزلوها الارض

[szaalouk]

مشكور علي نقل التجربه

[kameluo]

مشكور علي التقرير

[MaZaGAngeE]

ممكن صور للعربية

[Ahmed Amin]

مشكور على التقرير

لكن أنا أعرف ان سعرها مش 300 ألف , دة سعرها 200 ألف (195 ألف للدقة)

حضرتك جبت 300 الف دي منين.
لأن اللي أعرفه أن سعرها 190 الف للأتو البيزك و 215 للهاي لاين