الوكيل

[bobozoro]

بصراحة كده الوكيل بتاع سوبارو بيحرج الناس اللي بدعم السوبارو , فيه واحد بعد في المقارانات بعد ما قعدنا نتكلم يجيب سوبارو اكس في ولا سبورتج اقتنع بالسوبارو بس شوفوا حصله ايه

مش معقوله ياجماعه محدش جاب الxv ويقولنا ايه نظمها من الاخر؟؟!!!ده التوكيل محسسني من كتر تناكتهم وبرودهم انها ماشيا في كل حته ولازم احجز علشان مش هعرف اجبها بعد كده. وكمان مش معروض عندو غير العربيه بتاعت التست ولونها غبر جدا، وكمان عيزني احجز ب ٥٠ الف ويتلعهالي من الجمارك، يعني عايز يضمن انها متباعه الاول وبعدين يفرج عنها، ولو غيرت رايي هيخصم ٥ خمس تلاف جنيه، وخالي بالك با يا باشا العربيه عليها سحب غير عادي، الصراحه يا رجالة اتنكو عليا جامد علشان انا كنت عايز العربيه بنسبه ٩٥٪ وحصل كذا موقف معاهم حسسني انهم مش عايزين يبيعوا واتخانًات معاهم بسبب تناكتهم الغير عاديه. شو روم النزهة. ويا تلحق تحجز يماتحقش، ايه رايكو يا رجاله انا حاسس اني اتهنت السراحه بسبب اني كنت علي وشك اجيبها. شوروا عليا!!!!!!

فيه حد هنا يقدر يفيدنا

[abdulkhaleq]

ودي عايزه إفاده ؟؟؟
إنفد بجلدك !!!!
زي عصام كاريكا في فيلم عايز حقي
(إجري يامعلم) !!!!!

شوف القاشقاي وقولنا رأيك

[khalid_adel]

ياريت لو حد من ابوغالي يشوف الموضوع ده
لانه من الاخر غلطة مندوبي البيع ومنافذ العرض (الشو روومز) او فاهمين سياسة بيع غلط . لكن اللي حصل ميعيبش العربيه نفسها في شئ
وربنا يكتب اللي فيه الخير في كل الاحوال

[bobozoro]

المشكلة ان العربية محترمة جدا وغالية وقطع غيارها غالية , يعني اللي هيشتريها عايز من الاخر كده المندوب يدلعه

[yehiaseg]

ياريت لو حد من ابوغالي يشوف الموضوع ده
لانه من الاخر غلطة مندوبي البيع ومنافذ العرض (الشو روومز) او فاهمين سياسة بيع غلط . لكن اللي حصل ميعيبش العربيه نفسها في شئ
وربنا يكتب اللي فيه الخير في كل الاحوال

العربيه ممتازه بس الinside materials مش اوي الصراحه، بس بجد مش مستهله اهانه علشان خاطر السوبارو، وبجد ده لو وكيل محترم ميعملشي حوار الحجز والعربيه اصلان موجوده في الجمارك . يعني هوه خايف يدخل العربيه وميعرفشي يبعها!!!! والله بجد انا لفيت كتير في المعارض وبنصح اي حد بلاش يشجع الاوفر بريس ولازم يزور التوكيل . قمه الجشع والاستغلال

[Ahmed Amin]

ودي عايزه إفاده ؟؟؟
إنفد بجلدك !!!!
زي عصام كاريكا في فيلم عايز حقي
(إجري يامعلم) !!!!!

شوف القاشقاي وقولنا رأيك

من رأي القشقاي متستاهلش تمنها
الاسبورتاج تبقي أحسن الحلول في الحالة دي من رأيي والله أعلم

[bobozoro]

من رأي القشقاي متستاهلش تمنها
الاسبورتاج تبقي أحسن الحلول في الحالة دي من رأيي والله أعلم

لا طبعا وجهة نظري ان القشقاي افضل وارخص ب 35 الف جنية ويباني, ليه بأه حضرتك بتقول الكلام ده هل فيه سبب معين او عيب عرفته فيها

اه كمان الاوفر بريس للقشقاي اخره 10 الاف والسبورتج وصل 25 الف

[yehiaseg]

لا طبعا وجهة نظري ان القشقاي افضل وارخص ب 35 الف جنية ويباني, ليه بأه حضرتك بتقول الكلام ده هل فيه سبب معين او عيب عرفته فيها

اه كمان الاوفر بريس للقشقاي اخره 10 الاف والسبورتج وصل 25 الف

الصراحه بسبب الاوفر برايس مش عايز اخلص في اي واحده فيهم........ لا للاستغلال وخليها تصدي... احنا سبب الاوفر برايس وكمان مش هحجز...