امبريزا 2009 نصين من امريكا 2500

[wnozahi]

السلام عليكم ,
عندي عربيه نصين سوبارو امبريزا سيدان سوده مو 2009 عامله 19000 ميل جيه من امربكا كامله 2500 سي سي و مش تربو. هي حلي موجوده في الحرفيين . للأتصال 01229191907

[khalid_adel]

يعني انت عايز تبيعها ؟ علي بعضها ولا حتفكها ؟؟
تفاصيل لو سمحت

[wnozahi]

عاوز أبيعها علي بعض
حرفع صورها قريب

[saladin911]

عندى سؤال...
انا حشترى سوبارو قريب ان شاء الله لسة بس محتار فى الموديل....

كنت عايز اعرف فيه عربيات بتتغش بتبقى نصين وملحومة وتتباع على انها جديدة؟؟؟؟؟

واعرف ازاى؟؟ انا متاكد طبعا اى لحا فى العفشة حيبان فى الكشف بسهولة لكن الصاج صعب شوية!!!


ياريت اى معلومات عن اى غش او نصب فى عربية بفرض ان حالتها الخارجية ممتازة وبفرض برضه ان بعد دفع 250 فى ابو غالى التوكيل قال تمام ممكن برضه يبقى فى خدعة فى حاجة؟

انا اسف طبعا انى دخلت فى نص الموضوع بس فعلا مش لاقى خبراء كتير فى السوبارو...

[khalid_adel]

معلش انا فاهم سؤالك ايه اصلا وما هي علاقته بخبراء سوبارو :)
انت يعني خايف تجيب عربيه من التوكيل (تشتري) وتطلع كانت نصين وهما لاحمينها ؟؟؟
بص الكلام ده مش في عربيه زيرو طبعا
اللي بيحصل ان بيجيبو مثلا نصين لانسر ايفو من بره ويلحموه ويجو عند رقم الشاسية يلحمو رقم عربيه لانسر من مصر ويشغلوها ويكملو ترخيصها وكده بس طبعا ده لو اتمسك فيها حبس
ياريت اكون افدتك في الرد على سؤالك

[saladin911]

اقصد لو اشتريتها عامة من برة التوكيل او من التوكيل ابو غالى " هل يمكن ان تكون السيارة تباع كأنها جديدة ومستخدمة عادى فى حين انها نصين؟؟ يعنى اعمل ايه عشان اعرف؟؟؟؟ وهل ممكن الموضوع ده يتغش فعلا؟؟؟


طبعا الموضوع انا لا اقصد به اطلاقا صاحب الموضوع الاصلى الراجل قايل انه حيجمعها وراجل صادق ربنا يكرمه... لكن الفكرة انا مش عارف ايه الخدع اللى ممكن الواحد يقع فيها فى المستخدم اللى زى السوبارو....


وبعدين استاذ خالد انا شايف انك من اكتر الناس خبرة بالسوبارو هنا وبصراحة كدة بالبلدى انا ناوى اشترى سوبارو 2003-2007 واهلى واقفينلى ... قريت كل المواضيع ومش شايف ان صيانتها حتبقى مميتة للدرجة ديه خصوصا انى بعرف اشحن اى حاجة من برة مصر....وكمان اعرف ادور واتكلم مع الاجانب عموما عشان انقى قطعة غيار معينة مثلا من ورش التكهين اللى برة بالهبل ديه.

مش عارف عايز حد يساعدنى او يطمننى عشان اعرف اقف للوحوش ديه :]]]
المشكلة ان خالى وبان خالى بيشتغل فى الفولكس ومعروف هنا فى اسكندرية وطبعا عاملولى فرح لما اهلى وشوا بيا وقالولهم على موضوع السوبارو ده :)))

[khalid_adel]

لا متقلقش وانصحك بموديل 2006 او 2007 واللي تقلق منها لما تلاقي عربيه غربيه وبتتباع انها كامله
زي مثلا واحد بيبيع wrx ده لازم تجيب فاتورة الشراء منه لو تقدر لانها نادره جدا في مصر
لكن 2006 و 2007 ولا اي موديل عادي 1600 سي سي ومش مستاهل انه يتجاب من بره نصين وانت تشوفها وتكشف عليها سمكره عادي جدا عشان تطمن وتكشف عليها في التوكيل وتشوف تاريخ الصيانات وكده
ومتقلقش ان شاء الله ربنا يكتبلك الخير ومتنساش تعمل استخاره