فين ممكن اكشف علي عربيه سوبارو

[Abdullahyacot]

السلام عليكم . انا دلوقتي معروض عليه سوبارو ٢٠٠٨ امبريزا منيوال عامله ٧٠,٠٠٠ كم ممكن لو كشفت عليها في التوكيل يطلع اي مشكله او حادثه قديمه مثلا بنسبة ١٠٠٪ ولا لا و لو لا ايه احسن طريقه اطمن بيها عشان انا ملسوع من المستعمل قبل كده ؟؟؟ و هيه العربيه لو حالتها كويسه تساوي كام ؟؟ افيدونييي وشكرا :)

[saladin911]

متابع جدا عشان مش عايز ارمى فلوس فى التوكيل ويتطلع العربية فيها حاجة والبس... انا زيك حشترى واحدة 2003+ خصوصا 2006/2007 بس ياريت تقولى اللى قدامك ديه تفاصيلها ايه سعرها مواصفاتها الخ

وربنا يوفقك ويوفقنى معاك

[khalid_adel]

بص انت تكشف على العربيه في التوكيل عشان يقولك العربيه اخبارها ايه (يطلعلك القطط الفاطسة) لكن معتقدش ان له في موضوع كشف الحوادث وكده ده ياتجيب صنايعي يبص او ترفعها في بنزينة

[Abdullahyacot]

ااااميين ياارب :) هيه manual full option و دي بالنسبالي ميزه عشان انا بافضل المنوال و طالب مني مبدايا ٨٠,٠٠٠ جنيه ربنا سيتر و تبقي كويسه عشان انا كان معايا لانسر و شفت معاها تقريبا جميع انواع الاعطال تقريبا انا عامتا حوديها التوكيل اكيد انشا الله بس عايز اطمن علي قد مقدر و بصراحه انا فاقد الثقه تماما في اي ميكانيكي او صنايعي كولو بيفتي خصوصا في عربيه محدش ليه فيها زي السوبارو والف شكر يا خالد . ومتظر تسعير للعربيه و اقترحات تانيه ...

[saladin911]

استاذ عبد الله كتير قوى 80 عليها!!!! ياريت تكلمنى انا موبايلى 01142288764 وحمليك كل الاسعار اللى انا مجمعها الاسبوعين اللى فاتوا... انا رايح اشوف بكرة اتنين 2006 فى القاهرة ان شاء الله لانى مقدرش اعدى ال 60الف المانيوال ال 2008 متوسطة الحالة زية ديه "ماشية فوق الخمسين الف" تعمل اوائل سبعينات وممكن 70 الف انت وشطارتك...
انا كلمت واحد مية مية بس للاسف انا معيش المبلغ ده ممكن اديلك اسمه وتليفونه تكلمه

[Land_Cruiser]

السوبارو من الماركات الجميله فى العالم لكن مع الاسف عندنا مش واخده حقها وتوكيلها مش قد كده و قطع غيارها قليله و سعر اعاده البيع بتاعها واقع. يعنى هتتعبك و الافضل تخلليك فى حاجه منتشره

[khalid_adel]

السوبارو من الماركات الجميله فى العالم لكن مع الاسف عندنا مش واخده حقها وتوكيلها مش قد كده و قطع غيارها قليله و سعر اعاده البيع بتاعها واقع. يعنى هتتعبك و الافضل تخلليك فى حاجه منتشره

حاقول ايه ما انت ماجربتش ياباشا سوبارو قبل كده (قصدي مده طويله ومواقف وعشرة يعني) :)
الراجل اكيد سمع الكلام ده من كل اللي حواليه متقلقش بس هو مقتنع وربنا يباركله واهو بيدور على واحده وطالب مساعده في تسعير وكشف مش تطفيش ولا انت جاي تطفش في القسم هنا وتمشي :):):)
قوله بس ربنا يباركلك فيها وهيا حتبقى زي الفل ان شاء الله
وبالنسبه للسعر هو عالي فعلا واخرها اخرها 70 وبالنسبه للي يقولك اعاده البيع ماهو انت كده اللي استفدت منه لانها كانت ب 134 في وقتها ودلوقتي ان شاء الله بتاخدها ب 70 فيوم متفكر بتيعها بعد كام سنه مش حتنقص كتير قد اللي نقصته خلاص وشوف موديلات 2004 و 2005 بتتباع بكام دلوقتي
وربنا يسهلك فيها
ملحوظه: انا معيش سوبارو دلوقتي عشان محدش يفتكر اني محموء لعربيتي والكلام ده :)