تغيير سيير الكتينة

[mtsalheen]

السلام عليكم جميعا....
انا راجعت جدول الصيانة في الكتالوج موديل 2007 لقيت إن تغيير سيير الكاتينة على 100,000 كم
مع إن على حد علمي التوكيل بيغيرة على 40,000 كم
حد عندو فكرة عن الموضوع ده؟

[MohammedAladel]

ادخل على موقع الشركة المصنعة وشوف جداول الصيانة

[mtsalheen]

ادخل على موقع الشركة المصنعة وشوف جداول الصيانة

انا فعلا بتكلم عن كتالوج العربية بتاع الشركة المصنعة ... أكيد مش شركة تانية ؟؟!!

[eslamsubaru]

التوكيل بيغير سير الكاتينة عند 75000 كم الى 90000 كم : جبت 40000 دى منين؟؟
سوبارو العربية الوحيدة اللى فى السوق اللى صيانة الكاتينة بتاعتها بتقعد ل 90000 كم ..
الصيانة دى هية أغلى صيانة فالعربية : بيتغير فيها سير الكاتينة و بلى الكاتينة المتحرك و الثابت و باقى سيور العربية مع صيانة الزيت و الفلتر للموتور و بتتكلف 2200 ج.م. شاملة ضريبة و مصنعية ....
اللى بيتغير سير الكاتينة فيها عند 40000 كم و أقل من كده كمان الفرنا و الكيا.

[mahmoudselim]

لا انا عارف ان التوكيل بيغيرة علي 90 الف كيلو.
كان زمان بيغيرة علي 60 او 80 الف كيلو تقريبا
دلوقتي علي 90

[MohammedAladel]

انا فعلا بتكلم عن كتالوج العربية بتاع الشركة المصنعة ... أكيد مش شركة تانية ؟؟!!

أنا آسف على ا لتدخل ولكن حبيت أفيدك مش أكتر لكن باين حضرتك فهمتنى غلط أنا أقصد إنك تدخل على موقع شركة عربيتك غالبا هتلاقى جداول الصيانة وفيها السيور وكل حاجة عشان تتأكد مش أكتر وكلام التوكيل أفضل شئ

[khalid_adel]

اللى بيتغير سير الكاتينة فيها عند 40000 كم و أقل من كده كمان الفرنا و الكيا.

ياريتها على قد دول وبس لا ده كمان في عربيات اوروبي محترمه بس توكيلاتها زباله وجشعه وبتغير كاتينه على 40كم وبسعر اغلي من 2200 جنيه كمان

توكيلات مصر نصب علي كيف كيفك عشان كده كل ماحد يسألني على ابوغالي اقوله من افضل التوكيلات اللي اتعاملت معاها (في مصر)

[mtsalheen]

شكرا يا جماعة بلا إستثناء على الردود .... واضح انا بس إختلط عليا الأمر في موضوع ال 40.000 ده

[teto007]

انا كنت مغيرو من سنة تقريباً فى التوكيل و كانو بيغرو على 70000 والكتالوج بيقول 100000 بس دة لعربيتى امبريز1 1998 مش عارف انت نفس الموضوع ولا لاء

[mtsalheen]

انا كنت مغيرو من سنة تقريباً فى التوكيل و كانو بيغرو على 70000 والكتالوج بيقول 100000 بس دة لعربيتى امبريز1 1998 مش عارف انت نفس الموضوع ولا لاء

تمام كده ... ااه نفس الوضع

[vivalamoza]

سير الكاتينة بيتغير فى التوكيل على 75 الف , انا عن نفسى غيرتو على 90 الف و دى من الحاجات اللى صعب تتنسى لانو كان غالى جدا حوالى 2300 جنية

[mahmoudselim]

سير الكاتينة بيتغير فى التوكيل على 75 الف , انا عن نفسى غيرتو على 90 الف و دى من الحاجات اللى صعب تتنسى لانو كان غالى جدا حوالى 2300 جنية

اعتقد التوكيل دلوقتي بيغير سير الكاتينة علي 90 ألف. الكلام دا كان من 6 شهور تقريبا لما اتصلت وسألتهم .

[blazer]

الكاتينة بتتغير على 90 الف وبيبقى السير حالته كويسه كمان

[AlGazar2]

فى المعرض الاخير مسئول العرض فى سوبارو قالى ان الكاتينه بتاعه العربيه الجديده جنزير مش كاوتش و مبتحتاجش تتغير بتتشد بس

غير كده كاتينه السوبارو تقعد 90 الف مستريح تغيير السيور اساسا على الرقم ده مش الكاتينه بس