استغاثة صيانة كارونة امبريزا 2003

[mhh]

تحية للسادة الافاضل مشرفي واعضاء هذا المنتدي العريق هذه اول مشاركة لي في المنتدي واسف علي الايطالة رجاء شديد لدي مشكلة في الكارونة يوجد صوت خشانة وصوت طنين(ونه) في الكرونة الخلفية وحصل الموضوع دة فجأة بدون اي انظار والي كشف الموضوع دة ميكانيكي سوبارو اسمة احمد شغال في ورشة طارق بتاع الحرفيين فرجاء خاص هل قام اي احد بصيانة الكرونة ولو حصل فين صلحها

[exact]

سؤال.... هي مش المفروض كل فترة اي كرونة بتعوز تتشحم او يتحط لها زيت؟؟

[abdulkhaleq]

سؤال.... هي مش المفروض كل فترة اي كرونة بتعوز تتشحم او يتحط لها زيت؟؟

اظن كده برضه

[MohssenRashed]

عندي في التيريوس بغير زيت الكورونا كل 40 الف كم مع زيت الفتيس الاوتو.

[Ahmed Selim]

تحية للسادة الافاضل مشرفي واعضاء هذا المنتدي العريق هذه اول مشاركة لي في المنتدي واسف علي الايطالة رجاء شديد لدي مشكلة في الكارونة يوجد صوت خشانة وصوت طنين(ونه) في الكرونة الخلفية وحصل الموضوع دة فجأة بدون اي انظار والي كشف الموضوع دة ميكانيكي سوبارو اسمة احمد شغال في ورشة طارق بتاع الحرفيين فرجاء خاص هل قام اي احد بصيانة الكرونة ولو حصل فين صلحها

التجربة دى فى كورونة بى أم بس ممكن تفيدك

أولاً خللي بالك من صوت الونة ده لأنه المفروض بيعني أن فيه تروس على وشك أنها تقفش.

جرب تحط زيت تاني يكون أتقل شوية و شوف لو الونة أختفت يبقى خير و بركة.

لو مختفتش يبقى حاول تعملها صيانة أو تغيرها بواحدة أستيراد لأنها كده على وشك تقفش ولو قفشت و انت ماشي هتبقى مشكلة و خصوصاً لو على سرعة.

أنا قفشت معايا فى البي أم و كان على سرعة قليلة..........يمكن 40 أو 50 لأني كنت لسه طالع من إشارة........و تشوف العربية ساعتها كأني دوست فرامل بأقصى قوة..........ستر ربنا أن مكنش فيه حد ورايا ساعتها.

و طبعاً العربية اتقطرت لحد الميكانيكي و غيرت الكورونة.....و الكلام ده كله حصل فى يوم واحد.....ظهور الونة و القفشة.

[khalid_adel]

عندي في التيريوس بغير زيت الكورونا كل 40 الف كم مع زيت الفتيس الاوتو.

بالظبط كده فهل الاخ السائل كده نزل الزيت وغير زيت الكرونه مع الفتيس ولا عملت ايه بالظبط ؟؟

[Mostafa_Nour]

السلام عليكم
صوت ونة الكورونة بيكون بسبب انتهاء العمر الافتراضى لرومان البلى داخل الكورونة (ان وجد رومان بلى) وان لم يوجد يبقى دة معناة أن ال clearence بين أسنان التروس وسعت نتيجة الاستعمال والتروس بقت تعمل صوت .
والموضوع دة اتعرضتلة فى عربية مرسيدس W210 والكرونة كلها اتغيرت (ماكنتش أعرف موضوع رومان البلى دة وقتها) .
فحضرتك هتروح للميكانيكى اللى بتتعامل معاة , هيرفع العربيه (أو النص اللى ورا) ويفك الكورونة ولو فيها رومان بلى يغيرة بنوع كويس.
يفضل حضرتك تعمل search على النت وتشوف ما اذا كانت الكورونة فيها رومان بلى ولا لأ.
وبالتوفيق .

[vivalamoza]

انا عندى صوت الونة ده و الميكانيكى قالى غير زيت الكرونة (هشام) رحت البنزينة اغيرة بتاع البنزينه قاللى الزيت زى ما هوا فا مغيرتوش بس بعد الكلام ده هروح اغيرة ان شاء الله