مصيبة في الامبريزا 2012 ... مش بتعدي 170

[A.Adel]

يا أستاذ gallad يا ريت تطلب تغير عنوان الموضوع
تخليه مثلا استفسار بخصوص امبريزا مش بتعدي 170

مافيش داعي للتعميم و تهويل الموقف خصوصا إن ده ممكن يكون مشكلة فردية بس

[A.Adel]

معايا موديل 98 بجيب بيها 200 مستريح وثبات وهمي. الشباب في الجروب موديلات اعلي 210 وثبات وهمي برضوا وكلها مواتير 1600. بتجيب معلوماتك دي منين يا باشا؟!

المشكلة فعلا في الفتيس
فرق 92 من 95 يفرق بالكتير 10 كيلو

ال ron يفرق مع الموتور , ملوش أي علاقة بالفتيس

[lanos2004]

معايا موديل 98 بجيب بيها 200 مستريح وثبات وهمي. الشباب في الجروب موديلات اعلي 210 وثبات وهمي برضوا وكلها مواتير 1600. بتجيب معلوماتك دي منين يا باشا؟!
انت اكيد تقصد الطلعة بتاعتها بس هي اللي تقيلة لانها awd غير كدا التجميع زي الفل من اول الغيار ال 3 وتقدر تقفل بيها العداد. واحد معانا في الجروب مقفل 260 ب ليجاسي موديل 92

من على الطريق والجرى معاها حوالى 6 مرات-ومن السرعه القصوى الى مكتوبه مواقع النت والتسارع من صفر الى 100
شوف هنا السرعه القصوى كام ومن صفر الى 100

http://yakmee.com/subaru-impreza

[mahmoudselim]

من على الطريق والجرى معاها حوالى 6 مرات-ومن السرعه القصوى الى مكتوبه مواقع النت والتسارع من صفر الى 100

طيب يا باشا انت راجل بتركب عربيات من زمان واكيد عارف ان ماينفعش تحكم علي عربية بالدليل القاطع انها مش بتعدي 190 بلاسباب اللي حضرتك قلتها دي. يا ايما تجربها بنفسك يا تسأل واحد معاه العربية دي وبتثق في كلامة. علشان المعلومة تكون اكيدة. بالمناسبة انا عربيتي اوتو ومن 0 ل 100 في 11.5 وبتجيب 200 بسهولة والحمدلله والاحسن من انها بتجيب ال 200 ثابتها والتحكم بيها علي السرعة دي. وماتنساش ان الموديلات الجديدة لازملها 95 علشان تحرق صح. واحنا بنحطلها 92 اللي مش مضمون اصلا + ان التجميع من 0 ل 100 اكيد هيكون بطئ لانها awd وانا قلت ان طلعتها بطيئة فعلا.

[Formulator]

لو عـ الجرى
- الإمبريزا 2006-2007 (اللى هى 2nd gen. facelit) أنا جبت بيها 190 كم/س - موتورها1600cc
- والإمبريزا 2008-2009 (اللى هى 3rd gen الشيب اللى فات) ركبتها وصاحبها جاب 185 كم/س - موتورها 1500cc

وفيه ناس بتقفل بيها الـ200 عادى (الـ1.6 boxer أوتو 4-سرعات)؟!!!

موضوع الـ AT Oil Temp
دى شوفته فـ الأمارات فـ إمبريزا WRX وبردو فـ ليجاسى 2.5:

فيه حاجة إسمها Duty Solenoid-C، ده Valve بيبقى راكب ورا الجيربوكس.. (بينه وبين الكارونة) اللى بتنقل الحركة للعجل،
وهو اللى بيتحكم فـ الـClutch اللى بيحول العزم للـAWD.. ده كان بيبوظ ويخلى الـfault ده ينور فـ التابلوه، وكمان العربية فـ الملفات مكانتش مظبوطة؟؟!!!
الصراحة ده كان common fault عيب مشهور أوى فـ السوبارو كلها؟!!
بس فيه حاجة:
الكلام ده مكانش بيحصل اللى لما العربية تعدى 120,000 كم أو أكثر فـ الـWRX
(و الليجاسى دى كان عدادها بالميل ومعدية 100,000 ميل)
وكمان كان بيحصل فـ العربيات الـhigh-powered (يعنى بوكسر-تربو زى الـSTi مثلا)..
مش فـ 1.6 boxer N/A
ولا فـ عربية جديدة 2012؟؟!!!

حاجة كمان
بردو محدش يقدر يقول ان دى مشكلة CVT الجديد الـLineartronic
لسبب بسيط جدا: ان حتى الأوتو القديم 4-سرعات كان بيحصل فيهم الـfault ده؟!!!

هى غريبة الصراحة..
أنا رأيى يروح التوكيل يقروا الـError-code بتاع الـtransmission
أكواد الفتيس والـdrivetrain فـ السوبارو كتييييييييير، وكل واحد ليه كود مختلف (بيقروا فـ التابلوه كلهم نفس الـflash بتاع AT Oil Temp)!!

وأعتقد هتطلع حاجة بسيطة -لو فيه صلا- زيت ATF أو fuse

Rgds،

[mahmoudselim]

لو عـ الجرى
- الإمبريزا 2006-2007 (اللى هى 2nd gen. facelit) أنا جبت بيها 190 كم/س - موتورها1600cc
- والإمبريزا 2008-2009 (اللى هى 3rd gen الشيب اللى فات) ركبتها وصاحبها جاب 185 كم/س - موتورها 1500cc

وفيه ناس بتقفل بيها الـ200 عادى (الـ1.6 boxer أوتو 4-سرعات)؟!!!

موضوع الـ AT Oil Temp
دى شوفته فـ الأمارات فـ إمبريزا WRX وبردو فـ ليجاسى 2.5:

فيه حاجة إسمها Duty Solenoid-C، ده Valve بيبقى راكب ورا الجيربوكس.. (بينه وبين الكارونة) اللى بتنقل الحركة للعجل،
وهو اللى بيتحكم فـ الـClutch اللى بيحول العزم للـAWD.. ده كان بيبوظ ويخلى الـfault ده ينور فـ التابلوه، وكمان العربية فـ الملفات مكانتش مظبوطة؟؟!!!
الصراحة ده كان common fault عيب مشهور أوى فـ السوبارو كلها؟!!
بس فيه حاجة:
الكلام ده مكانش بيحصل اللى لما العربية تعدى 120,000 كم أو أكثر فـ الـWRX
(و الليجاسى دى كان عدادها بالميل ومعدية 100,000 ميل)
وكمان كان بيحصل فـ العربيات الـhigh-powered (يعنى بوكسر-تربو زى الـSTi مثلا)..
مش فـ 1.6 boxer N/A
ولا فـ عربية جديدة 2012؟؟!!!

حاجة كمان
بردو محدش يقدر يقول ان دى مشكلة CVT الجديد الـLineartronic
لسبب بسيط جدا: ان حتى الأوتو القديم 4-سرعات كان بيحصل فيهم الـfault ده؟!!!

هى غريبة الصراحة..
أنا رأيى يروح التوكيل يقروا الـError-code بتاع الـtransmission
أكواد الفتيس والـdrivetrain فـ السوبارو كتييييييييير، وكل واحد ليه كود مختلف (بيقروا فـ التابلوه كلهم نفس الـflash بتاع AT Oil Temp)!!

وأعتقد هتطلع حاجة بسيطة -لو فيه صلا- زيت ATF أو fuse

Rgds،

الله ينور ياباشا ياريت تكتب الموضوع دا في الجروب ع الفيس http://www.facebook.com/groups/4729614106/
علشان صاحب المشكلة يستفيد

[abdulkhaleq]

اه حاجه كمان

لو المشكله في الجري بتعمل كده
كانوا قفلوا العداد اليكترونيا عند سرعه معينه

المازدا الشكل الجديد عدادها مقفول على 180 والشركه في اليابان مفهمه الوكلاء, انها مش هتقوللهم يتفك ازاي وياتخدها كده يابلاش

رأيي فعلا تتحط على سكانر

[elgallad_705]

طب أيه هدفك أنك تعمل الموضوع ده عشان تسخن الناس
طب انا هخلي الناس الي انت عايز تسخنهم تسخن عليك وأدي الدليل فين الفيل الهندي بتاعك يامحترم
ولا الفيس بوك الي عندك غير ال عندي



الأستاذ محمد الجلاد كاتب أن ده مشاركه من واحد علي الفيس بوك والله أنا قراءة كل المشاركات لحد شهر يونيو
لحد لما الناس كانت بتسأل امتي الأمبيرازا هتنزل مصر ملقتش غير الي انتوا شيفينوا

أنا عايز أعرف التمثليه و العربيتن المشين مع مبعض جات منين والفلم الهندي ده جه منين
طب ليه أيه هدفك والله لأنت قايل ده انت لاصاحب توكيل منافس ولا لك مصلحه أن العربيه تتباع أو ماتتبعش
و لا أنت خايف ناس تجبها وانت لأه و لا شايفها كتيره علي الناس تركبها دول حتي ياخي خواتك المصرين الغلابه
الغبور وأمثاله عمال يسرقهم ماتسبهم يركبوا حاجه نظيفه

في نقطه مهمه (محمد فوزي) اللي رد عليك ده زميل دراسه زي مردة عليك ردية عليه و تقدر تكلمه وتتأكد أذا كنت أعرفه ولاء
واضح من كلام محمد فوزي أنه لا يمتلك سوبارو
وواضح من كلامك أنك عايز تجيب سوباروا فتقوم تعمل حوار من مفيش عشان تتأكد أن المشكله ده موجوده ولا لأ
بس مش هو ده الأسلوب الصحيح يا محمد الأسلوب الصحيح كتبه ليك أدمن subaru egypt أنك تعمل تست دريف وتشرح له أيه مشكلك و هو من و ظفته أنه يركب معاك العربيه وتجربها و بالنسبه دول ناس في قمة الأحترام والأدب

وإن شاء الله أنا بكره هكلم زميل ليه معاه subaru xv أسمه هشام حامد وهو زميل عمل و هاتأكد وكمان ها صورك العداد و هاخليه يشترك في المنتدي عشان خاطر المضوع ده

ده لينك الجروب اللي بتكلم عليه و ادخل و شوف بنفسك الراجل كاتب ايه و الناس راده عليه ب ايه : http://www.facebook.com/groups/4729614106/

و بالنسبة لاتهاماتك و الكلام الكتير اللي بتقوله دا ، مش هرد عليك فيه بس هستنى ردك بعد ما عرفت الحقيقة

و فعلا أنا كنت عايز أشتري العربية و سألت كذا واحد هنا على المنتدي و ليا مشاركة قبل دي : http://www.nilemotors.net/Nile/321352-2012.html
و البوست اللي انت جبته على صفحة سوبارو بتاعي فعلا , و أعتقد مش عيب أبدا اني أسأل كويس على عربية أنا عايز أشتريها و خصوصا لما تبقى ب 160,000
و أنا لما حطيت بوست الراجل هنا أنا حاطه عشان أشوف الناس اللي معاها العربية دي هنا رأيهم ايه في الكلام دا , و المشكلة دي في العربيتين دول بس ولا في كل العربيات و ليها حل ولا لأ , زي ما formulator رد كدا ، و أعتقد دي هي فايدة المنتدى ان الجميع يستفيد و يفيد , لأن التوكيل عايز يبيع و خلاص عمر ما توكيل هيقوولك العربية فيها عيب أو لأ , و التيست درايف مش بيوريك المشاكل الي بتحصل على المدى الطويل في العربية

عيب أوي لما نعد نتهم الناس كتير كدا بدون أي دليل

[mahmoudselim]

ده لينك الجروب اللي بتكلم عليه و ادخل و شوف بنفسك الراجل كاتب ايه و الناس راده عليه ب ايه : http://www.facebook.com/groups/4729614106/

و بالنسبة لاتهاماتك و الكلام الكتير اللي بتقوله دا ، مش هرد عليك فيه بس هستنى ردك بعد ما عرفت الحقيقة

و فعلا أنا كنت عايز أشتري العربية و سألت كذا واحد هنا على المنتدي و ليا مشاركة قبل دي : http://www.nilemotors.net/nile/321352-2012.html
و البوست اللي انت جبته على صفحة سوبارو بتاعي فعلا , و أعتقد مش عيب أبدا اني أسأل كويس على عربية أنا عايز أشتريها و خصوصا لما تبقى ب 160,000
و أنا لما حطيت بوست الراجل هنا أنا حاطه عشان أشوف الناس اللي معاها العربية دي هنا رأيهم ايه في الكلام دا , و المشكلة دي في العربيتين دول بس ولا في كل العربيات و ليها حل ولا لأ , زي ما formulator رد كدا ، و أعتقد دي هي فايدة المنتدى ان الجميع يستفيد و يفيد , لأن التوكيل عايز يبيع و خلاص عمر ما توكيل هيقوولك العربية فيها عيب أو لأ , و التيست درايف مش بيوريك المشاكل الي بتحصل على المدى الطويل في العربية

عيب أوي لما نعد نتهم الناس كتير كدا بدون أي دليل

ياباشا المشكلة كانت في اسلوب عرضك للموضوع. عنوان الموضوع مصيبة في الامبريزا!! جوا الموضوع حضرتك كنت حاطط المشاركة بخط كبير وباللون الاحمر! يعني اقرا العنوان واخش اشوف الموضوع اتقفل من حاجة اسمها سوبارو. مع ان الموضوع مش كدا خالص

[msalah00]

كل سنة وانتم طيبين .. أنا صاحب المشكلة اللي على الجروب ..قبل ما أرد بس أنا مذهول من الهجوم والتكذيب للرجل اللي نقل الموضوع .. هو فعلا غلطان في إنه خلى اسم الموضوع مصيبة والكلام ده ..بس ده مايمنعش إن الراجل يشكرانه بيساعد أو بيحاول يفهم وده حقه . فـملوش داعي الاسلوب اللي اتعمل معاه ده.

بالنسبة لموضوع العربية هما عربيتين مش عربية واحدة احنا إتنين صحاب استلمنا مع بعض في نفس اليوم نفس العربية وللاسف نفس الللون :) .. هو عمل 4000 كل وأنا عمل حوالي . 2500

على طريق اسكندرية الصحراوي واحنا رايحين من القاهرة لما العربية عدت 180 اللمبة نورت بعد حوالي 5 دقائق .. كان هو سابقني بعربيته كلمته اسأله قلي إنها منورة عنده هو كمان .. معرفناش طبعا معناها وقلنا طالما إنها بـالاحمر تبقى أكيد حاجة غلط .. كلمت مدير الصيانة وقلي اللي مكتوب في أول صفحة .. وأنا راجع في الطريق قلت اجرب يمكن كانت حاجة طارقة عديت 190 بعدين ظهرت برده بعد حوالي 5 دقائق ولما هديت لل140 طفت بعد شوية .

لما قعدت ادور جامد في القصة لقيت ناس بره كمان حصلتلهم نفس المشكلة .. وغالبا سببها إن زيت الفتيس مش قد حرارة إن الواحد يعدي ال180 .. فبدور على نوع زيت يتحمل الكلام ده ..

المهم إن العربية استجابتها كويسة قوي وينفع ازود بيها عن 190 لكن قلقان جدا من موضوع اللمبة دي .وغيرالمشكلة دي العربية ما شاء الله ممتعة وانصح بيها أي حد بعد ما أحل المشكلة إن شاء الله

[elgallad_705]

ياباشا المشكلة كانت في اسلوب عرضك للموضوع. عنوان الموضوع مصيبة في الامبريزا!! جوا الموضوع حضرتك كنت حاطط المشاركة بخط كبير وباللون الاحمر! يعني اقرا العنوان واخش اشوف الموضوع اتقفل من حاجة اسمها سوبارو. مع ان الموضوع مش كدا خالص

ممكن فعلا أكون خاني التعبير و حطيته باسلوب غلط , بس دا مش معناه أكيد اني عايز أهول الموضوع و ان أنا بألف حجات مش موجودة ليا مصلحة في ان العربية ما تتباعش و الكلام دا ، و اعتقد ان الناس عارفه يعني ايه سوبارو كويس , و مش مشاركة هي اللي هتقفل الناس !

[msalah00]

نسيت بس أقول على موضوع البنزين هي عادي جدا تمشي ببنزين 92 وفي اخر الكتالوج مكتوب كده .. لو ينفع يا جلا د تعدل الموضوع وتشيل موضوع البنزين يكون أحسن عشان مانديش الناس معلومات غلط ..أو امسح الموضوع كله واكتبه من الاول بطريقة أحسن

[elgallad_705]

انا فعلا بدور أهو على طريقة أغير بيها العنوان بتاع الموضوع
و بالنسبة للبنزين , أنا نقلت البوست زي ما انت كاتبه بالظبط

[mnasr]

تنبيه بمخالفة القاعدة رقم 6 بند ب

ممنوع كتابة اللغة العربية بحروف إنجليزية

الرجاء مراجعة قوانين المنتدى

م ع 3

[lanos2004]

عن نفسى عمرى ما سوقت امبريزا ولا حتى قعدت فيها ولا اى حد من اصحابى اشتراها--انا جريت معاها مرات قليله جدا ودة الى خلانى احكم على تسارعها انه مش كويس بالنسبه 1600 سى سى--وممكن اكون مخطىء عادى يعنى
بس معرفش ليه دايما بحس ان الى راكبينها عصبيين شويه