بشري لملاك الامبريزا 2012 (الشكل الجديد)ء

[khalid_adel]

وصلنا خبر اكيد من المهندس ايهاب مدير مركز ابوغالي جسر السويس
انه بعد شكوي البعض من موضوع لمبه التحذير التي تظهر بالتابلوه عند سرعه 180
تم ارسال تلك الشكوي لليابان وتم الرد عليهم بانه يوجد سوفت وير جديد لموديلات 2012 لمعالجه بعض الايرورز (bugs errors fixed and other improvements) ده غير التحسينات الاخري للعربيه وتقدر تحجز في اي وقت لتعديل وتحديث السوفت وير في اي وقت مجانا
وبكده اقدر اقول لكل السوبارجيه وخاصه سوبارجيه 2012
مبروك عليكو ال 220 :) بهزر طبعا وبلاش سرعه اصلا بس حتي يطمئن قلب كل مالك لسوبارو ان معاه عربيه محترمه والحمد لله توكيل محترم بيعرف يخدم العملاء بتوعه كويس
واخص بالشكر المهندس ايهاب اللي الصراحه مفيش مره احتاجته في اي مشكله الا وحلها وده المعتاد عليه منه من زمان

[msalah00]

كلام سليم أنا ظهرتلي المشكلة ورحت عملت التحديث والحمد لله المشكلة اختفت :)

[khalid_adel]

كلام سليم أنا ظهرتلي المشكلة ورحت عملت التحديث والحمد لله المشكلة اختفت :)

طب تمام الحمد لله
ياجماعه لازم زي مابنقول المشاكل اللي بتحصل والعيوب برضه نذكر المزايا والحاجات الكويسه عشان كله يبقي عنده علم ونستفيد من بعض عشان ممكن كان واحد ناوي يشتري العربيه شاف الموضوع ده قلق وقال لا ياعم مش حاجيبها
وزي مابنقول التوكيل قصر في كذا وكذا وده صح جدا وصحي كمان برضه نقول التوكيل كويس في كذا وكذا وده الحق اللي علينا زي مالينا

[Land_Cruiser]

الف مبروك و خطوة ايجابيه ممتازه من التوكيل و الملاك ودة دور ملاك العربيه أنهم يوصلوا اى مشاكل للتوكيل و يتابعوا معاه الموضوع الى ان يحل و بعد كده التوكيل و ممكن الملاك يساعدوه فى نشر المعلومة و تتصلح فى اى عربيه رايحه تعمل صيانه و مع الوقت و بالتدريج سوف تتم حل معظم المشاكل و بالتالى الناس تبدأ تقبل على شرائها لان أعطالها قليله و امكانياتها كويسه و بكده تتوافر قطع الغيار و ينخفض سعرها و كمان تبدأ ناس كتير تشتغل فيها خارج التوكيل و يتحسن سعر اعاده البيع و العربيه تاخد مكانتها فى السوق

[Kareem.ElAraby]

و لو انني مش من ملاكها
بس مبروك لكل السوبارويه
ربنا يباركلكم فيها و يكفيكم شرها و يحفظهالكم من كل شر

[msalah00]

عاوز بس اوضح حاجة بالنسبة لمشكلة لمبة الفتيس في الامبريزا 2012 .. أنا كان حصلي من اسبوعين وأنا مسافر لاول مرة بالعربية إن نورت لمبة at oil temp في التابلوه بعد ماعديت سرعة 170 ..وعلى الإنترنت لقيت ناس في امريكا عندهم نفس المشكلة ..وبعدها اضايقت جدا لأن حسيت إن ده عيب جامد في العربية وإن حتى لو ليه حل علبال ماتوكيل مصر يقتنع إن ده عيب عربية مش عيب سواقة لانه بيظهر عند السبيد ليميت هكون اتخنقت منها وبعتها .. وكنت على اتصال بـ4 كمان عندهم نفس الموديل عشان نتصرف سوا.

المهم إن حصل عكس اللي كنت متوقعه خالص :)) .. التوكيل بعت المشكلة لليابان وردوا عليه بعدها بكام يوم بسوفت وير للفتيس .. وبعدها مدير التوكيل كلمني عشان أروح انزله .. ورحت النهاردة عشان انزله أنا واحد صاحبي حصلتله نفس المشكلة ..
والصراحة المعاملة كانت احترافية والناس كانت متعاونة جدا ومهتة.
أنا عارف كويس إن ده شغلهم وإن ده حقي وإن لازم يعملوا كده .. بس في مصر ده مابيحصلش إلا إذا معاك واسطة أو فاهم كويس وتبذل مجهود جامد قوي عشان تاخد الحق ده . وأنا كل اللي عملته إن اشتكلهم بس .
الناس نزلت السوفت وير وغسلوا العربية بره وجوا وركبولي وصلة USB تشغل الUSB الفبريكة اللي في الكنصول على الكاسيت البايونير اللي كنت لسه مركبة ومخدوش عليها فلوس مع إن مش شاري الكاسيت بتاعهم وشاري بايونير من بره
بعد مانزلت السوفت وير قالولي جرب لو ظهر تاني هنبعت معاك حد في طريق بجهاز الاعطال عشان ناخد كود المشكلة .. ونبعت لليابان تاني
بعدهـا طلعنا جربنا في طريق السخنة والحمد لله المشكلة ماطلعتش خالص ومشينا على 200 بدون أي مشاكل :)
وقلت لازم انقلكم اللي حصل كله عشان ندي الناس دي حقها

[yasserit]

الصراحة يا جماعة انا بشكر القائمين على توكيل سوبارو في مصر وذلك على الرغم من اني لا امتلك الامبريزا الجديدة(٢٠١٢) الا انني بصفتي اتشرف بعضوية السوبارو منذ العام ٢٠٠٦ وحتى الان حيث اعتبر من أوائل من ركبوا السوبارو في مصر ونظرا لما القاه من معاملة طيبة و سرعة انجاز العمل مع اتقانه فتحية شكر واجبة لكل العاملين في توكيل سوبارو مصر مع شكر خاص للمهندس ايهاب

[yasserit]

عاوز بس اوضح حاجة بالنسبة لمشكلة لمبة الفتيس في الامبريزا 2012 .. أنا كان حصلي من اسبوعين وأنا مسافر لاول مرة بالعربية إن نورت لمبة at oil temp في التابلوه بعد ماعديت سرعة 170 ..وعلى الإنترنت لقيت ناس في امريكا عندهم نفس المشكلة ..وبعدها اضايقت جدا لأن حسيت إن ده عيب جامد في العربية وإن حتى لو ليه حل علبال ماتوكيل مصر يقتنع إن ده عيب عربية مش عيب سواقة لانه بيظهر عند السبيد ليميت هكون اتخنقت منها وبعتها .. وكنت على اتصال بـ4 كمان عندهم نفس الموديل عشان نتصرف سوا.

المهم إن حصل عكس اللي كنت متوقعه خالص :)) .. التوكيل بعت المشكلة لليابان وردوا عليه بعدها بكام يوم بسوفت وير للفتيس .. وبعدها مدير التوكيل كلمني عشان أروح انزله .. ورحت النهاردة عشان انزله أنا واحد صاحبي حصلتله نفس المشكلة ..
والصراحة المعاملة كانت احترافية والناس كانت متعاونة جدا ومهتة.
أنا عارف كويس إن ده شغلهم وإن ده حقي وإن لازم يعملوا كده .. بس في مصر ده مابيحصلش إلا إذا معاك واسطة أو فاهم كويس وتبذل مجهود جامد قوي عشان تاخد الحق ده . وأنا كل اللي عملته إن اشتكلهم بس .
الناس نزلت السوفت وير وغسلوا العربية بره وجوا وركبولي وصلة usb تشغل الusb الفبريكة اللي في الكنصول على الكاسيت البايونير اللي كنت لسه مركبة ومخدوش عليها فلوس مع إن مش شاري الكاسيت بتاعهم وشاري بايونير من بره
بعد مانزلت السوفت وير قالولي جرب لو ظهر تاني هنبعت معاك حد في طريق بجهاز الاعطال عشان ناخد كود المشكلة .. ونبعت لليابان تاني
بعدهـا طلعنا جربنا في طريق السخنة والحمد لله المشكلة ماطلعتش خالص ومشينا على 200 بدون أي مشاكل :)
وقلت لازم انقلكم اللي حصل كله عشان ندي الناس دي حقها

وهوا انا اللي انا كنت بتكلم عليه واللي اتعودت منهم عليه على مدار ال ٧ سنوات الماضية و الى الامام

[S O P H O S]

جزاك الله خيرا
عالخبر ..

[ahze]

انا ممكن اخد رأيكم في حاجة ؟؟؟

أنا كان نفسي اشتري السوبارو 2012 هاي لاين ال ب 160000 جم وفعلا رحت شوفتها وكنت خلاص هحجزها لكن كان معايا واحد خوفني من قطع الغيار ومن ان العربية واطيه شويه على الارض وان لو حد ركب ورا العربية هتحك في المطبات !!!

فبصراحة صرفت نظر وللأسف رحت حجزت فعلا النيسان الجوك ودفعت 50000 جم عشان اسبت سعر طبقا للنظام عندهم وبعد كده للأسف زودوا السعر عليا ... المهم انا ممكن اسحب فلوسي وارجع احجز السوبارو بس ياريت حد يجاوبني على اسألتي دي:
1- اسعار قطع الغيار
2- هل العربية واطيه على الارض
3- الصيانه اخبارها ايه
وهل ستكون احسن من الجوك

ولكم جزيل الشكر واسف على الازعاج

[eslamsubaru]

انا ممكن اخد رأيكم في حاجة ؟؟؟

أنا كان نفسي اشتري السوبارو 2012 هاي لاين ال ب 160000 جم وفعلا رحت شوفتها وكنت خلاص هحجزها لكن كان معايا واحد خوفني من قطع الغيار ومن ان العربية واطيه شويه على الارض وان لو حد ركب ورا العربية هتحك في المطبات !!!

فبصراحة صرفت نظر وللأسف رحت حجزت فعلا النيسان الجوك ودفعت 50000 جم عشان اسبت سعر طبقا للنظام عندهم وبعد كده للأسف زودوا السعر عليا ... المهم انا ممكن اسحب فلوسي وارجع احجز السوبارو بس ياريت حد يجاوبني على اسألتي دي:
1- اسعار قطع الغيار
2- هل العربية واطيه على الارض
3- الصيانه اخبارها ايه
وهل ستكون احسن من الجوك

ولكم جزيل الشكر واسف على الازعاج

الأول ربنا معاك فى حوار النيسان ده لان اخويا معاه نفس مشكلتك بس مع الكيا سبورتاج دفع حجز و المفروض مثبت السعر من شهرين و رجعوا دلوقتى يغلوا 35000 !!!! استهبال طبعا و هو رايح بكره ياخد فلوسه علشان دى ناس مبتحترمش كلامها..
ثانيا:
السوبارو قطع الغيار ارخص اسعار فاليابانى كله فى توكيلاته .. القطع اللى ممكن تكون غالية شوية هى القطع الخارجية زى الباب الرفرف ,, انما القطع الميكايكية مش غالية و معمرة جدا .. فى هنا موضوع عن ال 2012 مكتوب فيه تقرير عنها و عن صياناتها : تقريبا مش هتعمل اى صيانة غير تغير زيت و فلاتر و تيل حتى 90000 كم .... اعتقد ده قمة التوفير.
2- العربية ارتفاعها حلو 15 سم عن الارض و ده اعلى من السيفيك.. تاخد حرصك لما تكون مركب 5 فالعربية انما لو انت او 3 مفيش اى مشكلة.
اكيد احسن من الجوك : عربية معمرة , دفع رباعى , موتور بوكسر .. جرب التيست درايف بتاعها مجانا و انشاء الله تنضم لعائلة سوبارو اللى لو جربتها مش هتعرف تركب غيرها انشاء الله.

[mahmoudselim]

انا ممكن اخد رأيكم في حاجة ؟؟؟

أنا كان نفسي اشتري السوبارو 2012 هاي لاين ال ب 160000 جم وفعلا رحت شوفتها وكنت خلاص هحجزها لكن كان معايا واحد خوفني من قطع الغيار ومن ان العربية واطيه شويه على الارض وان لو حد ركب ورا العربية هتحك في المطبات !!!

فبصراحة صرفت نظر وللأسف رحت حجزت فعلا النيسان الجوك ودفعت 50000 جم عشان اسبت سعر طبقا للنظام عندهم وبعد كده للأسف زودوا السعر عليا ... المهم انا ممكن اسحب فلوسي وارجع احجز السوبارو بس ياريت حد يجاوبني على اسألتي دي:
1- اسعار قطع الغيار
2- هل العربية واطيه على الارض
3- الصيانه اخبارها ايه
وهل ستكون احسن من الجوك

ولكم جزيل الشكر واسف على الازعاج

علشان تبقي مطمن أكتر افضي يوم وانزل بنفسك التوكيل"الصيانة" واسأل بنفسك رأي اصحابها هناك واعرف منهم مميزات وعيوب العربية واسأل كمان المهندسن هناك عن اسعار قطع الغيار وعن جدول الصيانة وكل الكلام دا وشوف معاملتهم كمان مع الملاك واحكم بنفسك. بس انا اقدر اقولك ان النظام هناك هيعجبك جدا. عامتا عندك مركزين ممكن تشوف الاقرب وتروحلة, الرئيسي في جسر السويس عند سوق القنال والتاني في المعادي قريب من وادي دجلة تقريبا

[ahze]

[انا شاكر جدا ليكم يا جماعة استاذ اسلام واستاذ محمود على اهتمامكم وردكم السريع
وانا متأكد انها عربيه تحفة بس كان خوفي كله من قطع الغيار ب،انا امبارح رحت معرض أوتوماك وفورميولا اشوفها تاني بس للأسف لقيت العربيه غليت 10000 جم !!!! يعني الهاي لاين بقيت ب 170000 والاستلام في نص فبراير ومش بثبت سعر كمان !!!! فاتصدمت طبعا بس كل العربيات كده مش هي بس !!! مش عارف والله احنا رايحين على فين والناس هتعمل ايه.
عموما انا استخرت ربنا وانشاء الله ربنا يعمل الفيه الخر ويلهم الواحد الصواب..
انا شاكر ليكم جدا ياجماعة تاني

[khalid_adel]

متقلقش اللي خلي السيراتو ب 184
يبقي كتر خيرهم الصراحه :)

[akmm]

ايا كان .... هى عربيه يابانى اصلى .. وربنا يبارك للى معاه منها .