قدامي 2 سوبارو بفكر أشتريهم، أرجو المساعدة

[dodz]

السلام عليكم،

أنا حليان باور في العربيات المستعملة، وبفكر جدياً ف ال-subaro. حاليان لقيت عربيتين وحدة impreza 2004 عملة حوالي 110 ألف كيلو. والثانية legacy موديل 1997 عملة تقريباً 50 ألف كيلو وأنا بفكر جدياً في الاثنين وخصوصاً ال-Legacy عشان 2000 cc (ال-1600 في ال impreza ضعيف شوية عل عربية) وماشية أقل.

أنا جديد في ال-subaro ودي أول عربية بتعتي واشتريها (قبل كدا كانت عربية العيلة البسوقها). فإيه نصايحكم ليا من ناحية العربية والكشف والعيشة مع العربية بعد كدا انشاالله؟ (صيانة، توفر قطع الغيار، مكانيكية،،،)

[AlGazar2]

فى الوقت الحالى و الكلام على دعم البنزين يبقى ال 1600 حلوه مفيش كلام

غير كده العربيتين اكيد ممتازين بس 2004 دى ياريت تورينى شكلها

[dodz]

فى الوقت الحالى و الكلام على دعم البنزين يبقى ال 1600 حلوه مفيش كلام

غير كده العربيتين اكيد ممتازين بس 2004 دى ياريت تورينى شكلها

بالنسبالي كدا كدا د هتبقى تاني عربية فل عيلة فا مش هتاخد البنزين المدعم، ومن ناحية الإستهلاك ال-2000 cc بتوع ال-legacy مش بيستهلك أكتر من ال-1600 بفرق كبير فالبنزين مش هو أكبر مشاكلي لأن كدا كدا مش هيتحل :)

طب وإيه رأي حضرتك في ال-legacy عموماً، عربية كويسة، التوكيل بيفهم فيها، قطع غيرها موجودة ومش غالية ؟

[dodz]

أنا لسة مشفتهمش، أما أشوفهم أبقى اوري حضرتك الصور

[mahmoudselim]

الليجاسي في الاساس فئة اعلي اكيد من الامبريزا وفيها اوبشن اكتر, بس انا افضلك الامبريزا علشان توافر القطع الغيار خصوصا ان الليجاسي 97 قليلة جدا في البلد واعتقد نادر ما هاتلاقيلها قطع غيار استيراد بعكس الامبريزا. بس اطمن هاتلاقي التوكيل بيفهم فيها كويس مفيش مشكلة . قطع غيار الاستيراد للامبريزا سعرها عادي جدا في متوسط الياباني يعني . انت محدد ميزانية لنفسك كام؟!

[dodz]

الليجاسي في الاساس فئة اعلي اكيد من الامبريزا وفيها اوبشن اكتر, بس انا افضلك الامبريزا علشان توافر القطع الغيار خصوصا ان الليجاسي 97 قليلة جدا في البلد واعتقد نادر ما هاتلاقيلها قطع غيار استيراد بعكس الامبريزا. بس اطمن هاتلاقي التوكيل بيفهم فيها كويس مفيش مشكلة . قطع غيار الاستيراد للامبريزا سعرها عادي جدا في متوسط الياباني يعني . انت محدد ميزانية لنفسك كام؟!

أنا ميزانيتي ٤٥-٥٠ ألف في شراء العربية وعايذ بعد كدا أما اصرف أبقى بصرف لتحسين أداء العربية مش عشان تصليحها. وأنا انشاالله ناوي اني أعمل بعد كدا كل حاجة فل توكيل عشان مش بحب اتعامل مع ناس برة كتير والتوكيل مهما كان مضمون بردو.

من باب الإحتياط، بنسبة لغير التوكيل هعرف الاقي أماكن أجيب منها قطع غيار بسهولة؟ ومكانيكية متوفرين لو حبيت أغير حاجة سريعة ؟ أنا سكن فل دوقي وبروح المعادي وأكتوبر كتير.

أنا أصلاً كنت ناوي على الامبريزا (كنت بدور على ألفا روميو قبلها وفشلت فل بحث) وبذات كمان إن الليجاسي أقدم منها ب-٧ سنين. بس موضوع إن الامبريزا ال-1.6 ضعيفة ده مضايقني جداً.

هل إعتراض حضرتك الوحيد على ال-legacy عدم توفر قطع الغيار؟

[AlGazar2]

ال 1600 فى الامبريزا مش ضعيفه ولا حاجة
و كمان العربية ال 2 فى العيله مش مقياس للدعم لان دى هتبقى باسمك مش باسم الوالد فالمفروض ليك دعم لوحدك
الامبريزا هتلاقى قطع غيارها متوفره اكتر من الليجاسى لان الموديل بتاع الليجاسى قديم و مش منتشر
بشوف تاجر قطع غيار مستعمل فى الظاهر بتاع سوبارو و عرفته من الفوانيس الخلفيه بتاعتها
و ليها ناس بتفهم فيها صنايعيه يعنى و التوكيل فى فرع فى ابو رواش و فرع فى المعادى
ممكن تتعامل مع السوبارو ال 1600 و يوم ما الماتور يزهقك منه جيب اخره و سقط الاكبر منه

[khalid_adel]

خليك في الامبريزا لتوافر قطع غيارها في التوكيل وعايد في الحرفيين وهشام في الظاهر عنها عن الليجاسي
بص برضه في عضو معانا هنا معاه ليجاسي 97 برضه اسمع منه يمكن يكون ليه سكك فيها وفي قطع غيارها ولو ضمنلك قطع الغيار تبقي الليجاسي طبعا لان دي النقطه الوحيده اللي انا متخوف منها في الليجاسي

[dodz]

ال 1600 فى الامبريزا مش ضعيفه ولا حاجة
و كمان العربية ال 2 فى العيله مش مقياس للدعم لان دى هتبقى باسمك مش باسم الوالد فالمفروض ليك دعم لوحدك
الامبريزا هتلاقى قطع غيارها متوفره اكتر من الليجاسى لان الموديل بتاع الليجاسى قديم و مش منتشر
بشوف تاجر قطع غيار مستعمل فى الظاهر بتاع سوبارو و عرفته من الفوانيس الخلفيه بتاعتها
و ليها ناس بتفهم فيها صنايعيه يعنى و التوكيل فى فرع فى ابو رواش و فرع فى المعادى
ممكن تتعامل مع السوبارو ال 1600 و يوم ما الماتور يزهقك منه جيب اخره و سقط الاكبر منه

كلام منطقي بصراحة، وأنا كنت بفكر في موضوع الموتور ده فعلاً ممكن أقعد بها شوية بعدين أجبلهة موتور 2000 من التوكيل وأبقى مخسرتش حاجة لو جايب العربية حالتها كويسة. والامبريزا فل حالة د أحسن من ال-legacy .

خليك في الامبريزا لتوافر قطع غيارها في التوكيل وعايد في الحرفيين وهشام في الظاهر عنها عن الليجاسي
بص برضه في عضو معانا هنا معاه ليجاسي 97 برضه اسمع منه يمكن يكون ليه سكك فيها وفي قطع غيارها ولو ضمنلك قطع الغيار تبقي الليجاسي طبعا لان دي النقطه الوحيده اللي انا متخوف منها في الليجاسي

حضرتك تفتكر اسمو اه العضو ده؟

أنا عل عموم شكلي بردو ميال للامبريزا نظراً لانها أجدد وهتبقى بنسبالي أسهل فل تعامل عن ال-legacy نظراً لإني هعرف اصرف عليها براحتي واخليهه أحسن انشاالله.

ربنا يسهل عل عموم أنا انشاالله هكلم أصحاب العربية وأنزل أشوفهم، أنا حالياً مش بفكر غير فيها و-alfa و-ford و الهلقيه حلته كويسة هجيبه (أنا الشفتهم فل alfa كانو متبهدلين أوي عشان كدا واحد صاحبي وراني الامبريزا وبدأت اقتنع إن الفلوس المعايا متجبش alfa نضيفة )




شكراً جداً يا جماعة للردود السريعة والمساعدة

[mahmoudselim]

أنا ميزانيتي ٤٥-٥٠ ألف في شراء العربية وعايذ بعد كدا أما اصرف أبقى بصرف لتحسين أداء العربية مش عشان تصليحها. وأنا انشاالله ناوي اني أعمل بعد كدا كل حاجة فل توكيل عشان مش بحب اتعامل مع ناس برة كتير والتوكيل مهما كان مضمون بردو.

من باب الإحتياط، بنسبة لغير التوكيل هعرف الاقي أماكن أجيب منها قطع غيار بسهولة؟ ومكانيكية متوفرين لو حبيت أغير حاجة سريعة ؟ أنا سكن فل دوقي وبروح المعادي وأكتوبر كتير.

أنا أصلاً كنت ناوي على الامبريزا (كنت بدور على ألفا روميو قبلها وفشلت فل بحث) وبذات كمان إن الليجاسي أقدم منها ب-٧ سنين. بس موضوع إن الامبريزا ال-1.6 ضعيفة ده مضايقني جداً.

هل إعتراض حضرتك الوحيد على ال-legacy عدم توفر قطع الغيار؟

شوف لو الليجاسي حالتها توب ومتصاينة صح ومفيهاش مشاكل توكل علي الله واشتريها لان شكلك كدا غاوي عربيات ! اغلب قطع الغيار الميكانيكية هاتلاقيها بتتباع استيراد وجديد لانها مشتركة في حاجات كتير مع الامبريزا. المشكلة اللي هاتقبلك هي الاجزاء الخارجية ودي هتكون نادرة سواء جديد او استيراد والحل التاني عندك تعمل اوردر من برة ذي ناس كتير هنا وفي حاجات بتتجاب من برة ارخص من هنا. بالنسبة للميزانية اللي معاك انا مش متوقع بصراحة انة ممكن يجيبلك امبريزا 04 حالتها نضيفة ومش بعيد تصرف عليها كتير بعد كدا علشان توقفها, بس هو الكلام دا مش قاعدة يعني ممكن ربنا يوفقك وبتوقع واحدة لقطة بالسعر دا. فكر في الامبريزا 98!

[dodz]

شوف لو الليجاسي حالتها توب ومتصاينة صح ومفيهاش مشاكل توكل علي الله واشتريها لان شكلك كدا غاوي عربيات ! اغلب قطع الغيار الميكانيكية هاتلاقيها بتتباع استيراد وجديد لانها مشتركة في حاجات كتير مع الامبريزا. المشكلة اللي هاتقبلك هي الاجزاء الخارجية ودي هتكون نادرة سواء جديد او استيراد والحل التاني عندك تعمل اوردر من برة ذي ناس كتير هنا وفي حاجات بتتجاب من برة ارخص من هنا. بالنسبة للميزانية اللي معاك انا مش متوقع بصراحة انة ممكن يجيبلك امبريزا 04 حالتها نضيفة ومش بعيد تصرف عليها كتير بعد كدا علشان توقفها, بس هو الكلام دا مش قاعدة يعني ممكن ربنا يوفقك وبتوقع واحدة لقطة بالسعر دا. فكر في الامبريزا 98!

شكراً، أنا فعلا غاوي عربيات :D

إنت ضايقتني أما ألت اني مش هعرف أجيب subaru فل سعر ده، عشان موضوع الفلوس المعايا ده هو الخلاني اصرف نظر عن ال-alfa بردو. عل عموم لو الموضوع قفل اني حجيب Lanos مش حجيب وأحوش لحد ما أجيب يا alfa يا subaru انشاالله.

وبنسبة الموضوع الاوردر من برة ف ده عادي بنسبالي و ياما جبت حاجات من برة مش مشكلة

[mahmoudselim]

شكراً، أنا فعلا غاوي عربيات :D

إنت ضايقتني أما ألت اني مش هعرف أجيب subaru فل سعر ده، عشان موضوع الفلوس المعايا ده هو الخلاني اصرف نظر عن ال-alfa بردو. عل عموم لو الموضوع قفل اني حجيب Lanos مش حجيب وأحوش لحد ما أجيب يا alfa يا subaru انشاالله.

وبنسبة الموضوع الاوردر من برة ف ده عادي بنسبالي و ياما جبت حاجات من برة مش مشكلة

المبلغ اللي معاك يجيبلك امبريزا 98 حالتها توب وتحولها awd وتصقتلها موتور 2.0 او 2.2 وهيتبقي فلوس كمان.

[dodz]

المشكلة اني أصلاً مش لاقي امبريزا كويسة معروضة، أنا يادوب شايف 2 واحدة كانت امبريزا وواحدة لجسي. في مكان معين أدوار فيه طيب؟

[mahmoudselim]

اسأل في الجروب بتاعنا ع الفيس ممكن تلاقي حد من الشباب عايز يبيع او يعرف حد بيبيع . لينك الجروب https://www.facebook.com/groups/4729614106/

[khalid_adel]

بص انت بتقول معاك 45 - 50
ممكن تجيب الفا وتجيب سوبارو
قولي بس نفسك في ايه من العربيه (احتياجاتك) وانا ارشحلك انهي واحده
انا كان معايا الاتنين :) وعارف مزايا وعيوب كل واحده بس عامة هما افضل من اللي في السوق (لانوس وفيرنا ونوبيرا)