لعمالقة السوبارو عايز اعرف سعر عربيتى سوبارو 92

[shokrshokr]

السلام عليكم يا احلى منتدى فى الدنيا ......انا لسه شارى عربيه سوبارو جيستى موديل 1992 فابريكه بالكامل من الداخل و فبريكه من الخارج ما عدا الكبوت و الرفرفين الاماميين والاربع قشر بتوع الابواب فقط اما السقف و القوايم و الشنطه وحلقان الابواب فبريكه .....العربيه مكيفه فريون و الصالون من الداخل فابريكه بمعنى الكلمه و كل حاجه فيها شغاله 100% العربيه رفعتها فى مغسله عشان اطمئن عليها من تحت و كانت الحمد لله فابريكه ايضا مفيهاش حاجه اسمها برومه اطلاقا و فلتو بلادها و لونها من تحت بوضع الفابريكه خلاصة الكلام العربيه تعتبر جديده كليا ........ المهم توصلت لرقم تليفون هشام اللى فى الضاهر و كلمتو عليها و سألته على قطع غيارها ........قالى كل حاجه ليها موجوده عندو . وعندو منها عربيات متقطعه مستورده .... وسألته على اسعار بعض قطع غيارها وهيه كالتالى ........
الكابوت ب 400 جنيه
الاربع ابواب ب 800
الكبالن ب 550
الموتور ب 3000
المساعدين الواحد ب 150 سواء امامى او خلفى
الميزان ب 300
...... وقالى ان كل قطع غيارها متوفره عنده واسعارها رخيصه
والعربيه لسه مغيره موتور استيراد من عنده خد الموتور القديم و ركب موتور استيراد و أخذ 2200 جنيه.

انا اسف انى طولت على حضراتكم
بس اتمنى اعرف العربيه دى بالمواصفات دى تعمل كام فلوس مع العلم انى شاريها بعد تغيير الموتور ب 23000

ياريت بكل امانه اعرف سعرها ده مناسب و لا لاء

بمعنى اصح لو حبيت ابيعها دلوقت تعمل كام بالظبط

سؤال اخير السوبارو دى و لا مازدا 323 موديل 82 ؟؟؟؟؟؟؟؟؟؟؟

ولكم منى جزيل الشكر..........

[shokrshokr]

نسيت اقولكم ان فيها رخصه لشهر 12/2014

[shokrshokr]

نسيت اقولكم ان فيها رخصه سنتين
العفشه الاماميه والخلفيه بوضع الخواجه
هاف بور
مفيهاش سنتر ولا زجاج كهرباء ولا انزار
فتح الشنطه من الداخل الموتور 1000 سي سي
فتيس 6 غيار
صالون بلادها سليم
التابلوه فابريكه 100%
كل شىء فى التابلوه شغال 100%
الموتور حالته 99% بس فيه ترشيح زيت بسبب الجوانات او الاويل سيل
اسبراتير اليكترونى
الموتور مفيهوش اى مشاكل اطلاقا فى الدواره فى اى وقت ولا مشاكل فى السحب
وثابته على الطريق
والفرامل على السرعات العاليه بدون ما امسك الدريكسيون ملهاش حل

[shokrshokr]

ايه يا رجاله انا فى صحراء ولوحدى ولا ايه بنادى من بدرى و مش لاقى حد يرد عليا

[AlGazar2]

استنى شويه اكيد حد من القسم هنا هيرد عليك
انا معرفش بصراحة العربيه دى تمنها كام فى السوق
بس طالما جبتها خلاص و العربيه كويسه فا ماتسألش على سعرها عشان ما تتضايقش من الاسعار لان كل واحد بيقيم على حسب الحالة الى شافها قبل كده مش الحالة الى معاك لانه مشافهاش

[shokrshokr]

استنى شويه اكيد حد من القسم هنا هيرد عليك
انا معرفش بصراحة العربيه دى تمنها كام فى السوق
بس طالما جبتها خلاص و العربيه كويسه فا ماتسألش على سعرها عشان ما تتضايقش من الاسعار لان كل واحد بيقيم على حسب الحالة الى شافها قبل كده مش الحالة الى معاك لانه مشافهاش

اخيرا لقيت اسد وسط الصحراء دى يرد عليا ............ شكرا على مرورك الكريم .............
وعلى كل حال الحمد لله انا راضى تماما بنصيبى بس حابب اعرف سوقها عامل كام على المواصفات دى .........
و اللى ميعرفهاش يدخل على جوجل و يكتب سوبارو جيستى 92 ...... ويجيب الصور وساعتها اكيد الخبراء بتوعنا هيعرفوا يقدروها وياترى هيه احسن ولا مازدا 323 موديل 82

[eslamsubaru]

السعر مش هفيدك فيه
بس أكيد احسن 100 مرة من المازدا : ككفاءة انتاج و قوة تحمل و معمرة .. و كفاية فرق سنين الصنع..

[shokrshokr]

السعر مش هفيدك فيه
بس أكيد احسن 100 مرة من المازدا : ككفاءة انتاج و قوة تحمل و معمرة .. و كفاية فرق سنين الصنع..

الف شكر يا جميل على مرورك الكريم ........ وجهة نظر محترمه

[shokrshokr]

محدش ناوى يسعرها برضو ولا ايه يا رجاله؟؟؟؟؟؟؟؟؟؟؟

[khalid_adel]

بص عامه العربيه دي ملهاش سعر سوقي محدد اقدر اقولك عليه
بس من اللي انا شايفه من كلامك انها صفقه رابحه سواء العربيه سليمه ماشاء الله ودي اهم حاجه مش مهم السعر وقطع غيارها رخيصه ومتوافره ودي اهم حاجتين
وربنا يباركلك فيها ويديك خيرها ويكفيك شرها
وحته انها احسن من المازدا اعتقد ان اللي ترد وتقولنا النقطه دي لان انت اللي معاك العربيه بس انا عن نفسي بثق في سوبارو من غير مااشوفها ومن كلامك والسعر شايف انها افضل يكتير

[khalid_adel]

بص عامه العربيه دي ملهاش سعر سوقي محدد اقدر اقولك عليه
بس من اللي انا شايفه من كلامك انها صفقه رابحه سواء العربيه سليمه ماشاء الله ودي اهم حاجه مش مهم السعر وقطع غيارها رخيصه ومتوافره ودي اهم حاجتين
وربنا يباركلك فيها ويديك خيرها ويكفيك شرها
وحته انها احسن من المازدا اعتقد ان اللي ترد وتقولنا النقطه دي لان انت اللي معاك العربيه بس انا عن نفسي بثق في سوبارو من غير مااشوفها ومن كلامك والسعر شايف انها افضل يكتير

[shokrshokr]

بص عامه العربيه دي ملهاش سعر سوقي محدد اقدر اقولك عليه
بس من اللي انا شايفه من كلامك انها صفقه رابحه سواء العربيه سليمه ماشاء الله ودي اهم حاجه مش مهم السعر وقطع غيارها رخيصه ومتوافره ودي اهم حاجتين
وربنا يباركلك فيها ويديك خيرها ويكفيك شرها
وحته انها احسن من المازدا اعتقد ان اللي ترد وتقولنا النقطه دي لان انت اللي معاك العربيه بس انا عن نفسي بثق في سوبارو من غير مااشوفها ومن كلامك والسعر شايف انها افضل يكتير

شكرا على مرورك وحضرتك ريحتنى كتير بكلامك ......... ومن ناحية هيه ولا المازدا ............ هسألك سؤال فيه الاجابه ...
لو معاك عربيه 2013 و معاك مازدا 82 يا ترى انهى احسن؟؟؟؟؟؟؟؟؟

[khalid_adel]

شكرا على مرورك وحضرتك ريحتنى كتير بكلامك ......... ومن ناحية هيه ولا المازدا ............ هسألك سؤال فيه الاجابه ...
لو معاك عربيه 2013 و معاك مازدا 82 يا ترى انهى احسن؟؟؟؟؟؟؟؟؟

بالظبط كده :)

[shokrshokr]

لو انته من القاهره يبقى تعرف عنوان هشام بتاع قطع غيار السوبارو هوه فى الضاهر بس ياريت تعرفنى العنوان بالظبط يعنى من رمسيس اركب ايه لانى من البحيره ومعرفش

[mahmoudselim]

1000 مبروك عليك السوبارو. كلم هشام تاني وخلية يوصفلك عنوان المحل. لما تروح هناك هتلاقي عندة ميكانيكي جدع اسمة هيثم. سلملي علية. ومبروك عليك مرة تانية عربية تستاهل.