اسمعوا اللي حصل

[ouba2]

بعد بسم الله من ثلاث ايام اخدت عربية عمي الكوروللا (مع العلم انها 1300 اوتوماتيك ) وكنت رايح المطار اجيب واحد قريبي المهم استنيت لما اختفيت عن مرمي بصر عمي وقلت اجرب احوال الكورولا و جبت الدواسة علي اخرها لقيت التسارع زفت بالنسبة للسوبارو 1982 واتضح ان الموتور البوكسر عامل شغل جامد مع انة 1300 سي سي هو كمان بس العربية بتاعتي مانيوال وبعدين انتقلت لطريق المطار والكورولا بعد ما عدت 120 لقيتها بتنقل الحارات لوحدها مع ان السوبارو القديمة بتمشي علي 180 وماتحسش بان هيا ماشية اصلا ما شاء اللة الثبات جامد اوي انا بقي مش عارف هي الكورولا مش ثابتة عشان خفيفة ولا عالية اوي عن الارض بس برضة عربية محترمة جدا والمشكلة عني في السوبارو ان مفيش قطع غيار خالص ودا اللي مخليني متردد في حكاية شراء ال2008 لو حد عندة حل لقطع الغيار ياريت يرد عشان انا لايص والعربية مركونة بقالها كام يوم عشان سلك الدبراج قطع ياريت حد يساعدني

=========
يرجى تحري كتابة لفظ الجلالة بطريقه صحيحه
الله وليس اللة
وشكرا

الادارة 3

[sharaf]

بخصوص سلك الدبرياج ممكن تاخد القديم و تنزل شارع شمبليون بوسط البلد فى هناك ورش بتصلحة

و فى ورشة تانية فى فيصل عند مكرونة الانسجام

[Ahmed Hassan]

هل روحت التوكيل و ملاقيتش قطع الغيار؟؟؟ انا بشو هناك عربيات موديلات تسعينات بتعمل صيانه

[ouba2]

انا ما روحتش التوكيل وبعدين سلك الدبرياج دة ابسط حاجة بايظة انا عندي الكبالن ضاربة والبوجيهات خربانة و كهربة العربية مش مظبوطة والموتور كل ما اروح لميكانيكي اول ما يفتح الكبوت و يشوف الموتور ينخض و يقولي مابشتغلش فية بس بالرغم من كل دة بحب العربية جدا وعمري ما استغني عنها حتي لو جبت sti (في المشمش) عشان كدة ياريت حد يقولي اتصرف ازاي

[vet mitcho]

روح لعايد في الحرفيين بيشتفل في سوبارو
غالي شوية عن الباقي
واكيد ممكن يتصرفلك في الحاجات اللي بايظة
بالنسبة للبوجيهات الطقم من التوكيل ب 66 جنيه شامل الضريبة
وبعدين اظن الكبالن ممكن تتغيربحاجة تناسبها مش شرط سوبارو
روح لعايد واعرف منه

[ouba2]

انا اتصلت بالتوكيل امبارح كنت بسألة علي الامبريزا الجديدة وبعدين بقولة اني عندي قديمة قالي عايز اشتريها منك فقولتلة البلاوي اللي فيةا قلي علي عابد في الحرفيين وانة هايساعدني كتير بس المشكلة اني مش هاقر اسافر مصر والعربية بالحالة دي ارجوكم خليكم معايا في المشكلة دي