الحمد لله ,الأمبريزا اتخبطت النهارده

[m_am]

الحمد لله في الأول و في الأخر , النهارده الصبح و انا جي الشغل بعدي التقاطع سواق تكسي حسبي الله و نعم الوكيل فيه قرر يرجع بظهره من غير لا يبص في مرايات ولا حاجه و النتيجه خبطه في الرفر الأمامي شمال - حته منه اطبقت لجوه - , الحمد لله على كل حال , بس انا دلوقتي مش عارف اعمل ايه ؟؟ انا عملت محضر بس مش عارف هل ابلغ التأمين باللي حصل و ممكن في اخر السنه يرفعوا عليا القيمه ؟؟ ولا اتعامل انا مع التوكيل و خلاص ؟؟ طيب و الأسعار في التوكيل ايه ؟؟ يعني لو ردها كده ع البارد من غير رش ولا حاجه عشان الفبريكا ممكن تدخلها في كام ؟؟ ولا الأفضل اصبر عليها شويه و ابقى اجيب رفرف على بعضه فبريكا و يفضل شكل العربيه كويس ؟؟

يا ريت رجاله السوبارو يقلولي احسن حل اعمله ايه دلوقتي ؟؟؟

[teto007]

قدر الله وما شاء فعل الحمد للة انك كويس ومتقلقش ردها سهل ومش حتتكلف كتير ان شاء اللة وربنا يعوض عليك

[Kareem.ElAraby]

سيبها تاخد العين

[Haitham Basha]

لا إله إلا الله ... قدر الله و ما شاء فعل ... ربنا يعوض عليك بسيطة إن شاء الله ... تترض يا باشا و مش هتاخد شغل كتير إن شاء الله تعالى متقلقش و كويس إنها جت على أد كده ...

[mahmoud_afifi]

حسبي الله ونعم الوكيل في استهتار سواقين التاكسي.

المهم, لو اللون الحمدلله لسه موجود. حضرتك هتروح لسمكري كويس يردهالك على البارد وهترجع زي الاول.
ولو سمكري كويس وغالي مش هتكلفك غير 300 جنيه احسن ما الرفرف يترش حرام.
كان في مكان في مدينة نصر اسمه Zero عنده شفط الصاج من غير ما تحتاج ترش. مش عارف لسه شغالين ولا لأ

[Silent~Dream]

قدر الله و ما شاء الله يا ريت حضرتك تروح التوكيل و يردوها من غير رش

[jojojojo]

قدر الله وما شاء فعل يفضل تروح لسمكري شاطر يردها علي البارد وبيرجع الرفرف زي الاول بشرط يكون شاطر وفيه مركز فعلا اسمه زيرو بيعمل الحاجت ديه عن طريق الشفط لو تنفع التوكيل هيقلك هنغير وحرام تغير رفرف والعربيه لسه جديده ومتزعلش ديه بتبقي عين واهم حاجه ان حضرتك بخير

[m_am]

قدر الله وما شاء فعل الحمد لله انك كويس ومتقلقش ردها سهل ومش حتتكلف كتير ان شاء الله وربنا يعوض عليك

الحمد لله قدر و لطف , انا بخير و الحمد لله اوي جت في الرفرف مش في حاجه في جسم العربيه , متشكر اوي لحضرتك

[m_am]

سيبها تاخد العين

ما انا ناوي اردها بحالها كده و اسبها شويه , يلا الحمد لله جت في حاجه بسيطه , متشكر يا كريم

[m_am]

لا إله إلا الله ... قدر الله و ما شاء فعل ... ربنا يعوض عليك بسيطة إن شاء الله ... تترض يا باشا و مش هتاخد شغل كتير إن شاء الله تعالى متقلقش و كويس إنها جت على أد كده ...

الحمد لله جدا كل ما بفكر انها كان ممكن سنه و تيجي في الباب ولا في قايم بقول اللهم لك الف حمد و شكر , متشكر اوي يا هيثم ربنا يبارك فيك

[m_am]

حسبي الله ونعم الوكيل في استهتار سواقين التاكسي.

المهم, لو اللون الحمدلله لسه موجود. حضرتك هتروح لسمكري كويس يردهالك على البارد وهترجع زي الاول.
ولو سمكري كويس وغالي مش هتكلفك غير 300 جنيه احسن ما الرفرف يترش حرام.
كان في مكان في مدينة نصر اسمه zero عنده شفط الصاج من غير ما تحتاج ترش. مش عارف لسه شغالين ولا لأ

هو الحمد لله اللون لسه موجود عدى خربشايه صغيره كده , انا فعلا عايز اردها ع البارد و من غير لا تخبيط و لا دقدقه عشان التشوهات متزدهش , طيب بالله عليك يا محمود ما تدلني على زيرو ده مكانه فين في مدينه نصر انا شغلي هناك هيبقي جنب شغلي و اعرف افوت عليه بكره ان شاء الله اشوف ايه القصه ؟؟

[m_am]

قدر الله و ما شاء الله يا ريت حضرتك تروح التوكيل و يردوها من غير رش

الحمد لله على كل حال قدر و لطف , انا ناوي المها كده مؤقتا و كده كده كنت ناوي قدام ابقى ازود من الوكيل شاشه للعربيه و كميرا و كام حاجه فقلت وقتها اروح جايب رفرف كمان و ربنا يسهل الحال متشكر ليك اوي ربنا يبارك فيك

[m_am]

قدر الله وما شاء فعل يفضل تروح لسمكري شاطر يردها علي البارد وبيرجع الرفرف زي الاول بشرط يكون شاطر وفيه مركز فعلا اسمه زيرو بيعمل الحاجت ديه عن طريق الشفط لو تنفع التوكيل هيقلك هنغير وحرام تغير رفرف والعربيه لسه جديده ومتزعلش ديه بتبقي عين واهم حاجه ان حضرتك بخير

الحمد لله على كل حال , ما انا فعلا بدور على حد شاطر في منطقه الشغل - مدينه نصر - انزل بكره من الشغل اروحله و اقف على ايده يعملها, يا ريت لو حضرتك تعرف عنوان زيرو ده تقلي فين ؟؟ و هل هو كويس و شاطر ولا ممكن يبهدلي العربيه ؟؟ او لو حضرتك تعرف سمكري كويس تقلي عليه يبقي جزاك الله خيرا

[eslamsubaru]

أولا الف سلامة عليك و الحمد لله انك بخير
ثانيا :
من كلامك انا فهمت انك مأمن على العربية .. صح و لا غلط؟
لأنك لو مأمن و انت عملت المحضر يبقى تبلغ التأمين علطول و المفروض العربية تتعمل بالتوكيل من غير ما تدفع و لا مليم حسب التأمين و ده فى رأى أفضل حل علشان العربية متخرجش من الضمان ( ضمان لون العربية). و انت عامل التأمين و بتدفع فلوس علشان أيه مهو علشان حاجة زى كده. و انت الأعلم بالتأمين اللى متعاقد معاه.

لو مفيش تأمين يبقى توديها التوكيل برضه و همة ناس محترمين جدا اسأل هناك على المهندس محمد صلاح فى فرع العبور هو راجل محترم جدا و هيظبطلك سعر جميل جدا .. و شغل التوكيل عن تجربة اساتذة فى السمكرة و الدوكو.

[mahmoud_afifi]

هو الحمد لله اللون لسه موجود عدى خربشايه صغيره كده , انا فعلا عايز اردها ع البارد و من غير لا تخبيط و لا دقدقه عشان التشوهات متزدهش , طيب بالله عليك يا محمود ما تدلني على زيرو ده مكانه فين في مدينه نصر انا شغلي هناك هيبقي جنب شغلي و اعرف افوت عليه بكره ان شاء الله اشوف ايه القصه ؟؟

عنيا ليك يا كبير. ومعلش على الرد المتأخر

ده عنوانهم 21 Fareek Awel Ali Amer Street, Nasr City, Cairo, Cairo, Egypt
ودي صفحتهم

https://www.facebook.com/ZeroEgypt

وده مكانهم على الخريطه عشان مش تتوه :)



ربنا معاك ان شاء الله