أرتفاع سوبارو أمبيريزا

[w_abaza]

السلام عليكم و رحمه الله و بركاتة
أنا أن شاء الله ناوى أشتري أمبيريزا 2013 بس شاغلني جدا موضوع أرتفاعها عن الأرض . فياريت لو حد عندو معلومات كافيه عنها يفيدني .

و كمان لو حد يعرف ميعاد نزول موديل 2014 .

و شكرا جزيلا مقدما ....

[Land_Cruiser]

و عليكم السلام ،

ال ground clearence بتاعها 145 mm

بصراحه اختيار جميل و عملي و ان كان المأخذ الوحيد عليها للامانه سعر اعاده البيع بتاعها لانه مع الاسف و الحيره في نفس الوقت مش كويس حتي الان انما هي مع الاسعار الحاليه للسيارات بقت سعرها منافس بالنسبه لامكانياتها و اسم سوبارو و جوده الماركه المعروفه و الأمل في ان ده يظبط انتشارها و يحسن من سعر اعاده بيعها في القريب العاجل

بالنسبه لميعاد نزول موديل 2014 حضرتك ممكن تكلم الوكيل علي 19570 و تسألهم علي المعلومه دي و الف مبروك مقدما

[teto007]

خالى بالك ال 145 mm ارتفاع دول متقاسه من اوطى نقطة فى العربيه لكن كا توتال هى اعلى و فى ناس كتير جربتها و مشتكتش من موضوع الارتفاع وعلى فكرة التويوتا كورولا الجديدة 125 mm من اوطى نقطه

توكل على الله العربيه سعرها ممتاز بالنسبة للامكانيات ولاسم سوبارو انا كمان ناوى بس مستنى 2014 بس مش عارف نازله امتى وفيها اى تغيير فى الاوبشنز ولا لاء ياريت لو عرفت اى معلومه تعرفنى وانا لو عرفت حقولك

[sameh_ahm]

كنت سالت في ابو غالي قالي ٢٠١٤ هتنزل في مارس ٢٠١٤
مش عارف ده حقيقي ولا كان بيقول كده علشان اشتري ٢٠١٣ الموجودة حاليا

[teto007]

كنت سالت في ابو غالي قالي ٢٠١٤ هتنزل في مارس ٢٠١٤
مش عارف ده حقيقي ولا كان بيقول كده علشان اشتري ٢٠١٣ الموجودة حاليا

اكيد لان هو يهمه يخلص من القديم

انا عن نفسى حستنى حتى لو مارس مجاتش على الكام شهر دول بس محدش يعرف اذا كان ينفع نحجز من دلوقتى ولا لاء

[w_abaza]

أنا شاكر جدا ليكم و أن شاء الله هشتريها
أنتم حببتوني أكتر في العربيه

[teto007]

أنا شاكر جدا ليكم و أن شاء الله هشتريها
أنتم حببتوني أكتر في العربيه

ان شاء الله مش حتندم

حتجيب انهى فئة؟

[w_abaza]

ان شاء الله مش حتندم

حتجيب انهى فئة؟

أن شاء الله أمبريزا هاي لاين .... لكن مستني 2014 لما تنزل

[teto007]

أن شاء الله أمبريزا هاي لاين .... لكن مستني 2014 لما تنزل

الى ب ١٧٥٠٠٠
أنصحك تفكر فى الأسدي شيال اي يشن و خصوصا ان الفرق ١٠٠٠٠ بس حتأخد فرش جلد فتحه سقف و ٨ اير باج

[tefafathy1]

الأرتفاع مافيش فيه معايا اى مشكلة الحمدلله , غير ان لما العربية كان راكب فيها خمسة و عديت بيها بصراحه فوق مطب ( جبل ) , حكت .. غير كده و المطبات العادية ولا اى حاجة الحمدلله.

بالنسبة للموديل بصراحة مش عارف هينزل امتى بس لما سالت قاولى مارس 2014 و انها هتكون نفس الشكل و الأوبشنز فا توكلت على الله.. بس والله عربية بمعنى كلمة عربية ما شاء الله .
ربنا يوفقك إن شاء الله و مبروك مقدما ..