سؤال لملاك امبريزا ٢٠١٣

[tefafathy1]

شباب لو حد عنده معلومة مؤكدة عن فتيس السوبارو امبريزا ٢٠١٣، عدد النقلات ٥ نقلات وللا ٦ نقلات ؟؟
و استهلاك البنزين تقريبا كام ؟؟ و صوت الموتور في السرعات العالية ايه النظام ؟؟

شكرا.

[sameh_ahm]

فتية الإمبريزا lineartronic - CVT

[teto007]

شوف ياباشا

المانيوال 5 نقلات وواحده ريفيرس

الاوتوماتبك 4 سرعات وواحده ريفيرس دة فى ال 1600 انما ال 2000 6 او 7 مش فاكر و فيه شيفتات

[tefafathy1]

ايه ده ؟ معقول ؟ الاوتوماتيك أربع نقلات فقط في موديل 2013 ؟؟
ده سئ جدا في صوت الموتور في السرعات العالية و استهلاك البنزين.

[Hosam_Optrawy]

الفتيس Lineartronic CVT مابتحسش بالنقلات نهائى طول مانت ماشى على ال D , لو سوقت أى عربيه CVT قبل كدا هاتفهم قصدى ( مثلا اللانسر البومه لحد 2009 )

ولو جبته على التيبترونيك هايكون 6 نقلات

The transmission can also be manually controlled by the driver by providing the ability to select 6 different "virtual" gears, where the transmission will hold a particular ratio.

[teto007]

الفتيس lineartronic cvt مابتحسش بالنقلات نهائى طول مانت ماشى على ال d , لو سوقت أى عربيه cvt قبل كدا هاتفهم قصدى ( مثلا اللانسر البومه لحد 2009 )

ولو جبته على التيبترونيك هايكون 6 نقلات

كلامك مظبوط 100 فى 100 بس فى معلومه صغيره ان اللامبريزا اللى بتنزل مصر 1600 سي سي وديه مفيهاش موضوع المانيوال درايف ده بينزل فى ال 2000 سي سي بس

[m_am]

اللي اعرفه ان الأمبريزا الأوتو اربع سرعات فقط , افتكر لما كنت بقارن بينها و بين الفوردناس قالولي خليك في الفورد عشان 6 سرعات للفتيس, استهلاك البنزين لسه مقدرش احكم لأني موصلتش ل 500 كيلو حتى , الصوت بحس انه بيعلي شويه في السرعات بس مش قادر احكم اوي محتاج اقارن مع حد اوتو من اي نوع اخر على نفس رنج السرعه و اشوف لكنه الأكيد انه مش لدرجه الأزعاج يعني

[m_am]

الفتيس lineartronic cvt مابتحسش بالنقلات نهائى طول مانت ماشى على ال d , لو سوقت أى عربيه cvt قبل كدا هاتفهم قصدى ( مثلا اللانسر البومه لحد 2009 )

ولو جبته على التيبترونيك هايكون 6 نقلات

فعلا انا حتى الأن الحمد لله مش بحس بالنقلات خالص و انا سايق مع ان الموضوع ده كان مقلقاني لأن ناس كثير اوتو كنت بلاقيهم بيشتكوا من موضوع انهم بيحسوا بالنقله ده

[Thebutcherr]

القصة ان الفتيس ال6 نقلات بيبقى اكثر سلاسة و استجابة
الفرق بيكون كبير جدا علي السرعات العالية بعد 140-160 لان طبعا بيكون صعب اوى تكيك داون و ينقل من ال 4 لل 3 و حتي لو حولت ستبترونيك بعد ال160-170 ممكن كومبيوتر الفتيس اصلا ميقبلش تسقيطة النقلة + ان طبعا لو في 6 نقلات بيريح الموتور فوق (سرعة عالية اوى) من حيث عدد لفاته و استهلاك البنزين و عمر الموتور ككل
الكلام بيفرق اوى يا جماعة عن تجربة

[teto007]

القصة ان الفتيس ال6 نقلات بيبقى اكثر سلاسة و استجابة
الفرق بيكون كبير جدا علي السرعات العالية بعد 140-160 لان طبعا بيكون صعب اوى تكيك داون و ينقل من ال 4 لل 3 و حتي لو حولت ستبترونيك بعد ال160-170 ممكن كومبيوتر الفتيس اصلا ميقبلش تسقيطة النقلة + ان طبعا لو في 6 نقلات بيريح الموتور فوق (سرعة عالية اوى) من حيث عدد لفاته و استهلاك البنزين و عمر الموتور ككل
الكلام بيفرق اوى يا جماعة عن تجربة

الكلام دة فى الفتيس الاوتو العادى اللى بينقل على تروس انما ال CVT مفيش تروس ومفيش اى احساس بالنقلات خالص وعلى العكس ال CVT من مميزاته انه مش بيجهد الموتور بدليل انو على السرعات العاليه بيكون ال ار بى ام قليل ودى من مميزات ال CVT ومن مميزاته برضو انو موفر جداً فى البنزين

اعتقد ان حضرتك اكيد كنت تقصد الفتيس الاوتوماتيك العادى مش ال CVT

ده فيديو بيوضح ال CVT

[youtube]http://www.youtube.com/watch?v=5N8Ml_j3CUg[/youtube]

[teto007]

بالنسبه لاستهلاك الوقود 7لتر لكل 100 كيلو متر و اعتقد ان ده كويس قوى بالنسبه لعربيه AWD
وعلى فكره الموديل ده خد Most fuel efficient AWD in USA

وده استهلاك الوقود من البورشور بتاع ابو غالى

[tefafathy1]

بالنسبه لاستهلاك الوقود 7لتر لكل 100 كيلو متر و اعتقد ان ده كويس قوى بالنسبه لعربيه awd
وعلى فكره الموديل ده خد most fuel efficient awd in usa

وده استهلاك الوقود من البورشور بتاع ابو غالى

أنا متشكر جدا لكل مشاركاتك و ردودكم بجد فادتتي جدا و القرار قرب جدا ان شاء الله :)