اسعار السوبارو غلية

[dj_bex]

انهرده عديت على توكيل سوبارو الي في شارع النزهه و قابلت مدير المبيعات شخصيه محترمه جداا ... المهم سعر ال xv زاد 5000 جنيه في موديلات 2014 و امبريزا زادت 10000 جنيه لي موديلات 2014 و التسليم في خلال شهرين ... المهم سألته عن سبب الزياده قالي بمنتهى الصراحه عشان دي العربيه الوحيده الياباني 100 % في مصر كنت عاوز اقوله امال السيفك و الميتسوبيشي مسنعتش عنهم ولا اييه
بس المهم اتكلمت معاه في حكاية الصيانه و لو ظهر عيب في العربيه و التوكيل معملش المفروض يعمله .. قالي يا باشا دلوقتي السوبارو ابتدت تسمع في الشارع اوي و مبعيات سوبارو في الفتره الي فاتت اكبر من اي وقت كات وده ميزه و التوكيل عمره ما هيقصر في سمعة السوبارو عشان هي مش ناقصه اشاعات ... وبس دي الحكايه

[hossam_elwani]

اعتقد انها الوحيده الى مرفعتش الاسعار فى هوج ارتفاع الاسعار الاخيره

[eslamsubaru]

انهرده عديت على توكيل سوبارو الي في شارع النزهه و قابلت مدير المبيعات شخصيه محترمه جداا ... المهم سعر ال xv زاد 5000 جنيه في موديلات 2014 و امبريزا زادت 10000 جنيه لي موديلات 2014 و التسليم في خلال شهرين ... المهم سألته عن سبب الزياده قالي بمنتهى الصراحه عشان دي العربيه الوحيده الياباني 100 % في مصر كنت عاوز اقوله امال السيفك و الميتسوبيشي مسنعتش عنهم ولا اييه
بس المهم اتكلمت معاه في حكاية الصيانه و لو ظهر عيب في العربيه و التوكيل معملش المفروض يعمله .. قالي يا باشا دلوقتي السوبارو ابتدت تسمع في الشارع اوي و مبعيات سوبارو في الفتره الي فاتت اكبر من اي وقت كات وده ميزه و التوكيل عمره ما هيقصر في سمعة السوبارو عشان هي مش ناقصه اشاعات ... وبس دي الحكايه

اعتقد انها الوحيده الى مرفعتش الاسعار فى هوج ارتفاع الاسعار الاخيره

بالنسبة لموضوع السعر : حسام رده تمام . السوبارو العربية الوحيدة اللى سعرها فضل ثابت أيام ارتفاع سعر الدولار.. و ده راجع لأن التوكيل محترم ( لأن الدولار غلى أه بس هو العربيات كانت عنده بالفعل فبالتالى مرفعش سعرها عكس باقى التوكيلات اللى مصدقت الدولار غلى راحوا رفعين سعر العربيات 10000 و 15000 و اكثر من كده و العربيات فالمخازن اصلا) .. فطبيعى سعر العربية ال 2014 تلاقيه اغلى من القديم لأنه لسه هيشتريه...
ثانيا : موضوع انها اليابانى الوحيدة : المقصود بيها مش بلد المنشأ .. المقصود بيها المصنع و التجميع و كل مسمار بالعربية مصنوع باليابان ... انما ميتسوبيشى و هوندا المنشأ يابانى أه بس لها مصانع فى دول ثانية بتزودها بقطع فيها غير الموتور و بتكون مصنوعة فالبلد الثانية مش فاليابان... ( العربية الوحيدة اللى برضه حاجتها كلها من اليابان هى النيسان تيدا و مبقتش تنزل)...
و فعلا الناس اللى فالمبيعات على قدهم .... مبيعرفوش يقولوا كل حاجة عن العربية اصلا.... التوكيل و عن تجربة بجد : محترم لأبعد الحدود ( أمانة فالشغل : يعنى فعلا مبيقلكش على الحاجة اللى عايزة تتغير الا لما فعلا تكون لازم تتغير ... و بالنسبة للأسعار : اسعار الصيانات بالتوكيل ارخص بجد من الهوندا و المتشوبيشى و المازدا بتوكيلاتها ... و حاليا تساوى و قد تقل عن بعض الكورى بتوكيلاته)
و موضوع الضمان : التوكيل بيحترم الضمان و فعلا كذا واحد اعرفه و منهم انا حصلهم مشاكل بالضمان و تم التعامل و تغير المطلوب بدون أيه رسوم..

و عموما لو محتاج تسأل عن السوبارو نصيحة اسأل هنا أو ادخل على الصفحة دى و هتلاقى كل حاجة:

https://www.facebook.com/groups/4729614106/

[saddam]

صديقي المواطن
نشكرك لنقل تجربتك الثرية التنويرية لخدمة أعضاء المنتدى الكرام وتزويدهم بآخر المعلومات واﻷسعار والتطورات الجديدة ولا تحرمنا من كل جديد
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[Ahmed TRAVCO]

الميتسوبيشي برضه ما زودتش الأسعار مع زيادة الدولار... بس المضحك هنا ان مندوب المبيعات قاله احنا زودناها علشان هي ياباني!!!!!!! يا سلام... يعني هم قرروا انها طالما ياباني بالكامل فلازم يزودوا السعر؟؟؟؟؟؟ وهم اتفاجئوا يعني انها ياباني بالكامل؟؟؟؟؟

انما للأمانة الشديدة اللي يخلي الكورولا والسيفيك يعدوا الـ200 ألف يبقى حرام السوبارو تفضل بـ180 ودي اهانة للعربية دي... يلا زيادة بزيادة بقى ومش مهم الشعب الغلبان!!!

أسعار العربيات عندنا فيها حاجة غلط!!

[blazer]

فى نظرى هى العربيه الوحيده لى تستحق سعرها