أسعار قطع الغيار و الصيانات ل أمبريزا 2013

[w_abaza]

ياريت الي جرب الأمبريزا يفيدنا بتجربته لأسعار الصيانه الدوريه و أسعار قطع الغيار .

علشان بس منشتريش العربيه و في الأخر نركنها تحت البيت علشان مش معانا نصلحها ولا ايه .

و لو لقدر الله العربيه أتخبطت و البهايم دولقتي كتير نعمل حسابنا علي كام في البنك .

[m_am]

بص انا بصرحاه لغايه دلوقتي مصرفتش على العربيه غير البنزين و الغسيل فقط , حتى صيانه الألف كانت فري اوف تشارج بس انا حصل معايا موقف مش ولابد ان تاكسي دخل في الرفرف الأمامي شمال عندي و سالت عليه بالتليفون عندهم كان عامل 1000ج ده طبعا من غير التركيب و الرش لكن معنديش فكره اسعار باقي قطع الغيار العاديه ايه و للأسف مظنش هتلاقي حد اشتري امبريزا 2013 عنده فكره عن الأسعار لأن تقريبا لسه العربيه محتاجتش حاجه في قطع الغيار , لو لقيت نفسك مره في زهراء المعادي جرب تدخل التوكيل هناك - الصيانه - و تسأل يمكن تعرف تكون صوره العمليه ماشيه ازي

ربنا يوفقك و تختار العربيه المناسبه ليك ....................

[w_abaza]

بص انا بصرحاه لغايه دلوقتي مصرفتش على العربيه غير البنزين و الغسيل فقط , حتى صيانه الألف كانت فري اوف تشارج بس انا حصل معايا موقف مش ولابد ان تاكسي دخل في الرفرف الأمامي شمال عندي و سالت عليه بالتليفون عندهم كان عامل 1000ج ده طبعا من غير التركيب و الرش لكن معنديش فكره اسعار باقي قطع الغيار العاديه ايه و للأسف مظنش هتلاقي حد اشتري امبريزا 2013 عنده فكره عن الأسعار لأن تقريبا لسه العربيه محتاجتش حاجه في قطع الغيار , لو لقيت نفسك مره في زهراء المعادي جرب تدخل التوكيل هناك - الصيانه - و تسأل يمكن تعرف تكون صوره العمليه ماشيه ازي

ربنا يوفقك و تختار العربيه المناسبه ليك ....................

أنا مشكلتي أني من السويس و معنديش وقت أني أسافر فياريت لو نزلت التوكيل تسألنا علشان الكل يستفيد .
و ربنا يسترها معاك ة تحياتي لك

[m_am]

ان شاء الله في اقرب زياره للتوكيل هحاول اسأل و اقلك الأسعار ايه

[gravedigger]

بالنسبه للخبطات و الحوادث لا قدر الله .. العربيات الجديده كلها لازم يتأمن عليها لان للاسف حتى لو اللي خبطك هو الغلطان مش هتعرف تاخد حقك و كمان ابسط خبطه فيها مثلا فانوس و اكصدام هايكون تمنها اكتر من التأمين السنوي .. امن و ريح بالك
و ربنا يكفيك و يكفينا شر الطريق و الناس

[J A G U A R]

اسعار قطع غيار السوبارو غاليه .. وياريت لو حد يقولنا الاسعار

[Yousef.Kamel]

بس عربيه مش مستهلكه ابدا لقطع الغيار

[bassemali]

متااااااااااابع ......