سر الاكسدام الخلفى لامبريزا 2007

[vivalamoza]

السلام عليكم,
النهاردة العربية اتخبطت و انا رايح الشغل على الدائرى (الحمد لله على كل شئ)
كنت ماشى حوالى 100 عند بنزينة وطنية الى قرب كرفور المعادى و العربية الى قدامى هدت السرعة فجأة و انا هديت وراها بس العربية الى ورايا كانت نص نقل محملة خضار و ملحقش يقف و دخل فى ضهر عربيتى
طبعا سمعت صوت رزعة مرعبة و ببص فى المرايا لقيت الشبكة بتاعة الدبابة وقعت و الكسدام بتاع الدبابة اتفك !
طبعا انا اترعبت قولت هنزل الاقى الكسدام بتاعى فى الكنافة .. الحمد لله لقيت حتة صغيرة من البويا اتقشرت و شوية خرابيش جمب النمر, بس !

دى تانى مره تحصل معايا الخبطة دى المرة الاولى كنت لسا خارج من التوكيل فى العبور راشش الاكسادمين تبع التأمين للنضافة و كان معايا اخويا و واحد صحبى .. صحبى قالى عايز اجرب العربية دى بفكر اشترى زيها .. ساق هو السوبارو و اخويا ورانا باللانسر بتاعتة صاحبى جاى بيجرب الفرامل راح كابس فرامل على الاخر على سرعة 120 طبعا السوبارو وقفت فى ساعتها و لكن للاسف اخويا الى كان ورانا باللانسر ملحقش يقف مش عايز احكلكم على قهرتى و العربية لسا خارجة من التوكيل :(, السوبارو الاكسدام اتخربش خربوش حوالى 5 سم .. اللانسر الاكسدام اتكسر و الفوانيس اتفكت و السدر بتاع العربية اتنى !
صاحبى بعديها ب اسبوعين كان شارى سوبارو اخت عربيتى و كان بيقلى العربية الى تعمل كده فى اللانسر لازم اشتريها :)

السر فى الكسدام الخلفى للعربية هو بار من الصلب خلف الكسدام مباشرة .. البار ده معمول للحماية من الخبطات من ورا .. فى زية من قدام و من جنبين العربية
البار الى عند الكسدام الخلفى ده مفيش اى مسافة بينة و بين الكسدام و بالتالى لما العربية بتتخبط الاكسدام مش بيكون فى مسافة انو يتنى لانو بيخبط فى البار ده على طول
البار الامامى للاسف مش كده لان الاكسدام الامامى سبور جدا و فى مسافة بينة و بين الحماية

المهم طولت عليكم بس حبيت احكلم قصتى من خبطات الاكسدام الخلفى فى حبيبتى السوبارو و ربنا يسترها علينا

[kokowasfy]

الخبطات دى نصيب قول الحمد للة واللة اعرف واحد عربيتة ريحت على الى وراها ريحت مش خبطت و الاكصدام راح خالص فخلى بالك و الحمد للة على كل حاجة

[Ahmed Saad]

ربنا يبارلك فيها ويكفيك شرها وداري على شمعتك تقييد

[eslam.maghawry]

بهدلتوا عربية أخوك يعني :d

[omaranes77]

طب واخوك عاملك اية