هزة خفيفة فى الدريكسيون

[YAAHMED1881]

مشكلة مش لاقيلها حل أنا معايا سوبارو أمبريزا 2007 أوتوماتك من حوالى شهر غيرت الكاوتش بالكامل و أشتريت بريدج ستون تورنازا جى أر 90 من FIT&FIX فرع الرحاب يابانى نفس مقاسات كاوتش العربية 15بوصه و بعد الترصيص و النتروجين لقيت العربية فيها Vibrator رجة بسيطة بالدريسكون فى السرعة من 110 إلى 120 و ما فوق و ظابط النيتروجين على ما هو مكتوب 31 أمامى و 30 خلفى بعدها كشفت على العفشة فى التوكيل لقيت أنها محتاجة شوية حاجات غيرتلها مسمارين أستبليزر جلبة مقص شمال كاوتشة مساعد شمال لاكن الرجة برضه موجودة حتى بعد ضبط الزوايا فى التوكيل موجودة مع العلم أنى رجعت ل FIT&FIX و عادوا على الترصيص أكثر من 7 مرات و غيروا النيتروجين لكن المشكلة ما زالت موجودة ، أفيدونى بالله عليكم لأنى أجننت خلاص

[ahmed salah90]

للاسف كنت هكتب اللي حضرتك عملته عموما ربنا معاك

[yaahmed]

للاسف كنت هكتب اللي حضرتك عملته عموما ربنا معاك

و لا يهمك بقينا أثنين يمكن حد تانى عدا عليه نفس المشكلة

[vivalamoza]

بص على الجنوط نفسها .. اتأكد ان مفيش جنط مخبوط او معووج .. انا عارف انك معملتش حاجة فى الجنوط و غيرت كاوتش بس .. بس اصل ايه تانى هيسبب رجة غير كده .. انا كان عندى المشكله دى فى الميجان بس ده كان بسبب جنط معووج و استعدلته و المشكله راحت

[mostafa afifi]

انا كان عندي نفس المشكله في بيجو 406 و المشكله طلعت في الكبالن و غيرتها و الرعشه راحت خالص مع اني مش عامل ترصيص ولا ظبط زوايا ولا تربيط عفشه ولا اي حاجه

[Thebutcherr]

رعشة الكبالن بتكون علي السرعة البطيئة مش بعد ال 80 ابدا
المشكلة ترصيص و ترصىص العجل الخلفي علي الخصوص لان المامي بيعمل رعشة من 80-90 الخلفي فوق ال 100
المهم انك تراجع ترصيص الكاوتش و ممكن يكون في عوجة خفيفة فى جنط هي المسببة لكده و هتحتاج استعدال لكن ابعد تفكيرك عن العفشة تماما
انصحك ترصص عن حد عنده ترصيص حصات اللي بيرصص و العجلة راكبة بس مرفوعة هو اللي بيجيب الحاجات البسيطة دى

[ahmedfouad]

ما دام المشكلة ظهرت بعد تغيير الكاوتش يبقى فى فردة ملووحة او اتلوحت من سوء التخزين مثلا ..
وكلامى ده بناءاً على التحليل المنطقى لظهور المشكلة بعد تغيير الكاوتش على طول

[YAAHMED1881]

بعد ما جربت الترصيص بجهاز الحصان و العجلة راكبه فى مكانها لقيت الموضوع زى ما هوه و طبعاً فيه جنط كان الشفه بتاعتة معوجة و تم إستعداله من زمان قبل تغيير الكاوتش .
الرجة فعلاً بتبدى من 110 إلى 120 و الكاوتش أنتاجه فى 7/2013 فلو فيه عيب فى الكاوتش أتأكد إزاى يا أستاذ / أحمد فؤاد

[ahmedfouad]

يا باشا بتاع الكاوتش بيكشف عليها وبيقولك .. بيبقى عيب صناعة من المصنع نفسه .. وممكن تمون طالعة سليمة من المصنع وتترص علط اثناء العخزين ..
بتاع الكاوتش بيحطها على جهاز الترصيص ويشغل الجعاز ولو فى الفردة لوحة بيقولك .. ولو فيها عالى وواطى بيعرف لما بيحط ايده عليها وهى بتلف على الجهاز .. بسحس على طول بس المهم يبقى فاهم وربنا يعينك على مشكلة الهزة دى ﻷنها رخمة بتكره الواحد فى العربية