بقارن بين امبريزا هاتشباك 2009 والمازدا 3 اجيب ايه

[ahmtahelzain]

ازيكم جميعا الاعضاء الكرام الجدعان .
انا ناوي اغير عربيتي انا معايا دلوقتي تويوتا كرولا 2003 بقالها معايا 11 سنة بالظبط وبصراحة محترمة واصيلة وبفكر اغير في انتوا ايه رايكم انا بفكر في السوبارو 2009 او المازدا 3 بس انا اكتر حابب السوبارو.
فا ممكن تنصحون اجيب ايه.

[HOSSAM99]

أختار منهم الحالة الممتازة
دور في الأتنين العربيتين ممتازتين قوة و ثبات و راحة و فخامه لا يعلي عليهما و السوباروتتفوق علي المازدا في الموتور البوكسر (هدوء و ثبات و تحمل سرعات )و الدفع الرباعي (ثبات و تحكم )
بالتوفيق

[FAR!D]

الله يباركلك و تلاقي اللي انت عايزه
بس سؤال يمكن اساعدك في شي انت واخد بالك انك منقى عربيتين يعتبروا سوقهم تقيل و قطعه غيارهم عاليه و الصنايعيه بتوعهم قليلين او شاحين بمعنى افضل لكن للامانه انا شايف السوبارو محترمه اكتر لكن مع العلم برضوا ان قطع غيارها عاليه و صناعيتها قليلين جدا و العربيه ديه لو بتنزل بماتورها الاصلي ال2500 كان يبقى كلام تاني

[FAR!D]

الله يباركلك و تلاقي اللي انت عايزه
بس سؤال يمكن اساعدك في شي انت واخد بالك انك منقى عربيتين يعتبروا سوقهم تقيل و قطعه غيارهم عاليه و الصنايعيه بتوعهم قليلين او شاحين بمعنى افضل لكن للامانه انا شايف السوبارو محترمه اكتر لكن مع العلم برضوا ان قطع غيارها عاليه و صناعيتها قليلين جدا و العربيه ديه لو بتنزل بماتورها الاصلي ال2500 كان يبقى كلام تاني

[Somsom]

ارشحلك ًالسوبارو. بس مشكلها كالآتي.
١ اعادة البيع زي الزفت
٢ استهلاك بنزين عالي (دفع رباعي)
٣ عدم توافر قطع الغيار الا في التوكيل
غير كدا من اكتر العربيات الرائعة اللي سوقتها في حياتي

[ahmtahelzain]

أختار منهم الحالة الممتازة
دور في الأتنين العربيتين ممتازتين قوة و ثبات و راحة و فخامه لا يعلي عليهما و السوباروتتفوق علي المازدا في الموتور البوكسر (هدوء و ثبات و تحمل سرعات )و الدفع الرباعي (ثبات و تحكم )
بالتوفيق

شكرا يا باشا على التوضيح ده انا فعلا بعد التويوتا اكيد الدنيا هتختلف في كل حاجة قطع غيار وكلوا بس بصراحة السوبارو حكاية.

[ahmtahelzain]

ارشحلك ًالسوبارو. بس مشكلها كالآتي.
١ اعادة البيع زي الزفت
٢ استهلاك بنزين عالي (دفع رباعي)
٣ عدم توافر قطع الغيار الا في التوكيل
غير كدا من اكتر العربيات الرائعة اللي سوقتها في حياتي

تسلم على المعلومات الغالية دي انا فعلا خت بالي من البيع بتعها صعب بس انا بفكر اركب دلوقتي وبالنسبة للبنزين انا اكيد هحس باخالاف شاسع بينها وبين التويوتا بس ده ضريبة التغيير :) وقطع الغيار بقه دي اللي عايز اعرف اسعرها ايه يعني لو حد ممكن يديني مثلا على اي حاجة في السوبارو.

[ahmtahelzain]

الله يباركلك و تلاقي اللي انت عايزه
بس سؤال يمكن اساعدك في شي انت واخد بالك انك منقى عربيتين يعتبروا سوقهم تقيل و قطعه غيارهم عاليه و الصنايعيه بتوعهم قليلين او شاحين بمعنى افضل لكن للامانه انا شايف السوبارو محترمه اكتر لكن مع العلم برضوا ان قطع غيارها عاليه و صناعيتها قليلين جدا و العربيه ديه لو بتنزل بماتورها الاصلي ال2500 كان يبقى كلام تاني

حبيبي تسلم على الرد والاهتمام بس انت رايك يعني اخليني في السوبارو انا عارف اني هصرف بس اكيد هنسها بعد كده وبصراحة انا عايز عربية امان وثبات وامكانيات بس هوه مفيش اي حد شغال فيها بره زي التويوتا مثلا انا سمعت انا ممكن يركب عليها حاجات تويوتا مظبوط الكلام ده ولا.

[Somsom]

تسلم على المعلومات الغالية دي انا فعلا خت بالي من البيع بتعها صعب بس انا بفكر اركب دلوقتي وبالنسبة للبنزين انا اكيد هحس باخالاف شاسع بينها وبين التويوتا بس ده ضريبة التغيير :) وقطع الغيار بقه دي اللي عايز اعرف اسعرها ايه يعني لو حد ممكن يديني مثلا على اي حاجة في السوبارو.

ازاز قدام ب 4000. مرايا ب2500. زجاج خلفي 3000 دا الشكل بتاع 2010 اما الجديد أسعاره معقولة

[FAR!D]

بص انا من النوع اللي بالذات في العربيات احسب الخطوه قبليها بسنه ههههه
العربيه ديه ( الامبريزا) قعدت معششه معايا يجي شهرين واللي سقطها من دماغي ان مثلا في القاهره كلها مالهاش غير اتنين منهم واحد اسمه هاشم او هشام بيبيع استيراد و بيصلح والناس اختلفت عليه و على امانته فامابالك باني من اسكندريه؟ دع انا حعانيييي فانتطرتها من تفكيري و ربنا يوفقك

[J A G U A R]

السوبارو عربيه محترمه بس عيبها فى قطع الغيار وفى اعاده البيع

[king_ayman]

ازيكم جميعا الاعضاء الكرام الجدعان .
انا ناوي اغير عربيتي انا معايا دلوقتي تويوتا كرولا 2003 بقالها معايا 11 سنة بالظبط وبصراحة محترمة واصيلة وبفكر اغير في انتوا ايه رايكم انا بفكر في السوبارو 2009 او المازدا 3 بس انا اكتر حابب السوبارو.
فا ممكن تنصحون اجيب ايه.

شوف .... أنا جبت السويارو و أخويا المازدا ... بجد في الميكانيكا فرق السما و الارض ... السوبارو عربية معمرة جدا و ناشفة حجر ... معلومة أنا غيرت من 2007 ل 2009 و الاتنين كانوا اتوماتيك ..2007 اقوى عربية في فئتها بجد أنا كنت فاشخها في مشاريع في الصحراء .... بجد أسد العربية اللي مستحيل تعملها حاجة غير تغيير زيت و الصيانة العادية بس عيبها ان صالونها كان زفت بجد يعني هما وفروا في الصالون و عملوا ميكانيكا قوية للعربية .... اما 2009 صالونها كويس جدا و كراسيها مريحة ... بس العطل اللي بيجيلها بيرجع للسواق التكييف حلو جدا بس لازم تقفله قبل ما تسيب العربية علشان بيبوظ لو شغلتها و هو على الأوتو او شغال .... غير كده هي أجمل و أريح من القديمة ...... اما المازدا اللي بياخد خيرها اول مشتري اللي بعده بيشيل قرفها اعطال كتير ... غير ان العربية دي تنضم لقائمة العربيات اللي بتعجز مع الوقت حتى لو مبتمشيش كتير .... اتمنى لك التوفيق

[S O P H O S]

راي تدخل سيفيك الجيل الثامن بدل المازدا

[EmadFox]

متابع

[ENG.MaRk]

لو العربية هتقعد معاك كتير زي الكورولا ( 11 سنة ) يبقي توكل علي الله علي طول في السوبارو و انزل اشتريها حالا وماتضيعش وقتك وانت مش راكبها أكتر من كده .... اطلع علي أي طريق و قفل العداد و استمتع بيها ... اعمل زيي أول مرة جربتها ... عربية فشيخة جدا