عايز حد يشرحلى عيب "الرعشة" اللى فى امبريزا 2008 هاتش .... من ملاك العربية

[ahmad7610]

من العربيات اللى فكرت فيها امبريزا 2008 هاتش خاصة بعد سعر السيدان المبالغ فيه :( وكماليتها الأأقل
-
واضح ان مشكلة الرعشة دى منتشرة فى أكتر من عربية
-
ياريت حد يوضحها لى بشرح اكتر وهل هى فى الأوتوماتيك ولا المانوال كمان ...
-
ياريت لو مش فيها تقل منى أأقابل حد معاه 2008 وياسلام لو المانوال .. علشان أتأكد من الموضوع ده .. واهو
نتعرف .. نفسى نعمل مقابلات للسوبارو تظهر فيها داخل القاهرة بعدد كبير ...
-
المهم فى انتظار الرد من ملاك العربية .. ياريت يشرحلى المشكلة باستفاضة أكتر

[maboeid]

اه يا جماعة ياريت فعلا عشان ال همو على 2008 ماموال بس اترعبت من الكلام بتاع الرعشة والطنابير والتيل
و السحب طبعا
انا حاجز واحدة مانوال
بس الكلام دة مايطمنش
يا ريت ملاك المانوا يفهمونا

[adelmagdy]

يا جماعة اوك نلم بعض ونتقابل بس يا ريت كل اللي معاهم 2008 ييجو

[adelmagdy]

الموضوع حصل معايا او ابتديت الاحظو لما كنت ماشي علي طريق العين السخنة لما بفرمل من 180 تحس بالدركسيون اكنك ماشي علي طريق مش ممهد بعد ال5000 لما تيجي تفرمل من ال120 تحسهااما بعد ال10000 تيجي تفرمل عند ال80 تحسها يا خوفي بعد ال15000 تيجي تفرمل عند ال20 تحسها

[adelmagdy]

ويظهر العيب مش عندنا بس ده رد لقته في موقع من بره
Purchased an '08 Impreza Outback Sport in August. Love it but brakes feel like they're pulsating especially coming down a hill. Feels like bad rotors but I've heard this may be common with Subarus. Anyone else experiencing this?

وادي اللنك

http://townhall-talk.edmunds.com/direct/view/.f0ffbe2/140

[ahmad7610]

تمام كده انا فهمت المشكلة بالضبط .... فى عضو معانا اسمه vetMetcho
ومعاه 2008 مانوال .. نفسى اسمع رأيه فى المانوال .. وهل عنده المشكلة ام انها فى الاوتوماتيك .. واعتقد لازم التوكيل يعرف ويحاول يحلها
-
الف شكر ليك عادل باشا

[maboeid]

يا جماعة
ماحدش حتى عارف حد مهاه مانوال 2008

[hanystars]

يا جماعه ده مش عيب ده بس بيرجع ليك لما تكون ماشى على طريق والطنابير سخنه جدا و تخش فى المياه ده طبعا بيخلى الطنابير تعمل رعشه ودى حلها سهل جداااااااااااااااااا
هانى فنى سوبارو

[ahmad7610]

يا جماعه ده مش عيب ده بس بيرجع ليك لما تكون ماشى على طريق والطنابير سخنه جدا و تخش فى المياه ده طبعا بيخلى الطنابير تعمل رعشه ودى حلها سهل جداااااااااااااااااا
هانى فنى سوبارو

ألف شكر ليك مهندس هانى ... وياريت تتابع معانا المنتدى باستمرار ......... احنا هنا حوالى 10 من ملاك الامبريزا وبنزيد يوم عن يوم
-------
ياريت تقولنا ماهو الحل وهل هو تغيير الطنابير والتيل ام تعديل يتم فى الطنابير ... ياريت تشرحلنا بحكم خبرتك

[hanystars]

التغير عموما بيكون افضل من خرط الطنابير للاسباب التاليه
1_لان الطنابير الاصلى بتكون مع السياره فى المينا من اليابان ودا طبعا بيخليها
تفقد بعض خواصها بسبب الرطوبه فى البحر
2_بداية التعامل بين العميل و السياره بتكون غير صحيحه بمعنى انه بيستلمها وبيفكر ان لازم يطبع التيل ومع الفرمله القويه عدد مرات بيخلى الطنابير تسخن قوى والمعروف ان المعدن كل ما بيسخن بيفقد بعض خواصه
3_ وخلو بالكو من المياه والطنابير ساخنه دى اكتر حاجه تخلى الطنابر ترررررررررررررررررعش

[adelmagdy]

يا باشا ماحنا عارفين الموضوع بتاع المية والطنابير لكن لو المية جت علي الطنابير وهية سخنة تعمل فقفقة لكن لو عيب من الطنابير تعمل خطوط دائرية وده اللي عندي اما بالنسبة لتتطبيع الفرامل ماظنش حد هيبقي جايب عربية زيرو ويقول اطبع التيل بتاعها ولا ايه؟

[ahmad7610]

العيب موجود فى أكتر من عربية .. وأنا لوحدى شفت 5 عربيات هاتشباك فى التوكيل بيشتكوا من نفس العيب .. 4 منهم من القاهرة وواحد من اسكندرية ... أعتقد صعب نقول سوء استخدام .. أكيد فى حاجة فى الطنابير .. ولا أنا غلطان؟

[adelmagdy]

يا جماعة التوكييل اصلا عارف العيب من بدري علشان ناس كتير اشتكت يكفي اني لما رحت بقوللو قاللي حتغيرها في ال15000 لما تغير التيل يعني بالمعني هما عارفين

[ouba2]

هي الرغشة دي في الاوتو بس؟

[ahmad7610]

كله ............... مانوال و أوتو