أنا حجزت سوبارو xv

[MahmoudYasser]

بعد إذن حضراتكم كان عندي استفسار صغير أنا شوفت السوبارو xv وأعجبتني جداً بس أنا قلقان جداً من موضوع عدم انتشار العربية مع العلم أني كونت هحجز هيونداي ix35 فكونت عايز اعرف من حضرتكم لو حد ليه تجربه سابقه للعربية او نعدو معلومات ممكن تفدني يا رييت وجزاكم الله خيرا

[Ahmed.Essam]

السوبارو عربية منعرفش قيمتها هنا في مصر لو يهمك المتعة والركوبة والدلع خليك فيها
لو هامك بقا اعادة بيع وانتشار وما الى ذلك مش هتلاقيه مع السوبارو

عموما الف مبروك مقدما ايا كان اختيارك

[MahmoudYasser]

السوبارو عربية منعرفش قيمتها هنا في مصر لو يهمك المتعة والركوبة والدلع خليك فيها
لو هامك بقا اعادة بيع وانتشار وما الى ذلك مش هتلاقيه مع السوبارو

عموما الف مبروك مقدما ايا كان اختيارك

الف شكر علي الاهتمام يا باشا بس أنا فعلا مش هم مني أعاده البيع أنا عايز عربيه تستأهل الفلوس اليه دفعها فيها وحضرتك عارف ان الاوبشنز بتاع الكوري اعلي من الياباني وبجانب ذلك ان xv مش رخيصه وبصراحه بعد ما شوفت ال ix35 عجبني شكلها جداً فكنت عايز حد بس بقولي اي عيوب في السوبارو غير موضوع أعاده البيع وألف شكر علي اهتمامك

[Ahmed.Essam]

ربنا يوفقك للاصلح يارب
انا بصراحة معنديش خبرة خالص في السوبارو غير انها دفع رباعي وثباتها جبار ما شاء الله ههههه
انا اسف لو معرفتش افيدك

[hardmind_doc]

السوبارو لا تقارن ب 35 بصراحة اختيار صح جدا زى ماقال استاذ احمد بس المشكلة فى اعادة البيع

[ENG.MaRk]

السوبارو أفضل في كل حاجة إلا العتمادية و إعادة البيع و أنا رأيي إنها أفضل عربية في فئتها

[J A G U A R]

اعتقد مفيش حد اشتكى منها

[mando2002m]

عربية محترمة جدا بس ملهاش سوق والتوكيل اسعارة نااااااااااااااااااااااار فى قطع الغيار

[MahmoudYasser]

الف شكر ليكم جميعا بس أنا سالت علي موضوع قطع الغيار مناسبه جدا مقارنه بالكوري في حاجات أرخص وحاجات أغلي لكن غالبا المتوسط واحد أنا بس عايز اعرف هل توكيل الصفوه الي هو في اسكندريه كويس ولا لا لإني عارف ان توكيل السوبارو في القاهرة ممتاز وسالت اكتر من حد عايز حد يفدني بالنسبه للمعامله هناك والاهتمام بالعميل

[eslamsubaru]

السوبارو أفضل في كل حاجة إلا العتمادية و إعادة البيع و أنا رأيي إنها أفضل عربية في فئتها

!!!! السوبارو مش اعتمادية ؟؟ ازاى يعنى ؟؟ ده السوبارو الميزة اللى فيها انها اكتر عربية اعتمادية على مستوى العالم مش مصر .. عربية اعطالها نادرة , قطع غيارها معمرة جدا عمر قطعة الغيار من 3-4 مرات اكتر من الكورى و عربية عفشتها تستحمل أى بهدلة و مصممة للطرق الغير ممهدة .. فحتة انها مش اعتمادية كلامك فيها مش صح .. موضوع اعادة البيع فعلا ده اللى كلامك صح فيه .

عربية محترمة جدا بس ملهاش سوق والتوكيل اسعارة نااااااااااااااااااااااار فى قطع الغيار

معلش ادخل شوف اسعار قطع غيار السيراتو فالموضوع ده و اعتقد مش هترجع تقول نااااااااااااااار دى تانى عن السوبارو خصوصا لما تعرف ان قطع غيار سوبارو ارخص من الموضوعين بتوع السيراتو و ارخص من البيكانتو كمان ..
شوف الرد رقم 4 فالموضوع ده :

http://www.nilemotors.net/Nile/413908-a.html

و ده للبيكانتو :

http://www.nilemotors.net/Nile/419046-2013.html

الناس لما تيجى تقارن اسعار قطع السوبارو اللى هى من التوكيل بتقارنها بالقطع الكورى اللى فالسوق استيراد مش من التوكيل و طبعا الاستيراد ده مبيكونش اصلى و معلهوش ضمان و لا متأكد من مصدره .

ففعليا مفيش حاجة اسمها قطع غيار السوبارو غالية .. شوف الباقى و بعدين احكم ..

الف شكر ليكم جميعا بس أنا سالت علي موضوع قطع الغيار مناسبه جدا مقارنه بالكوري في حاجات أرخص وحاجات أغلي لكن غالبا المتوسط واحد أنا بس عايز اعرف هل توكيل الصفوه الي هو في اسكندريه كويس ولا لا لإني عارف ان توكيل السوبارو في القاهرة ممتاز وسالت اكتر من حد عايز حد يفدني بالنسبه للمعامله هناك والاهتمام بالعميل

بالنسبة لفرع اسكندرية مش قد كده فى كذا شكوة جت من المعاملة بس من اسبوع تم كتابة شكوى على صفحتنا egyptian's subaru club و استجاب على الفور مهندس ايهاب (مهندس رقم 1 فى سوبارو ابو غالى) و تم التعامل مع المركز و حاليا الناس بتقول ان الدنيا اتغيرت و بقت افضل , و هناك وعد منه انه سيتم تطوير المركز ليصبح فرع صيانة متكامل للسوبارو فقط خلال الشهرين القادمين.

[ashouhdy]

انا لما كنت برخص عربيتي كان في اتنين xv بيرخصوا معايا. غير في واحدة في الجراج معايا
والعربية وحش بمعني الكلمة يعيبها فقط قلة الكماليات وحجمها مش ضخم ودة مش مهم قصاد انك بتاخد دبابة صغيرة

بس هي سعرها وصل كام دلوقتي؟

[MahmoudYasser]

الف شكر ليك يا أستاذ اسلام أنا فعلا سمعت موضوع ان هيبقي في تغيير خلال أشهر بس يا ريت يكونو شهرين. بس وانا انشاء الله هتوكل علي الله ومستني العربيه أنا حجزت الحمد الله

[MahmoudYasser]

انا لما كنت برخص عربيتي كان في اتنين xv بيرخصوا معايا. غير في واحدة في الجراج معايا
والعربية وحش بمعني الكلمة يعيبها فقط قلة الكماليات وحجمها مش ضخم ودة مش مهم قصاد انك بتاخد دبابة صغيرة

بس هي سعرها وصل كام دلوقتي؟

سعرها دلوقتي ٢٠٠الف فول أبسن ٢٢٥ الف هاي لاين

[elwan]

توكيل ابو غالى بيعرض اعادة بيع العربية من خلاله سواء نقدى او بالبدل...

[S O P H O S]

بصراحة عربية تحفه
لكن معنديش معرفة بأسعار وخدمات ما بعد البيع