عن شراء سوبارو

[Ahmed Raafat]

ألف مبروك و ربنا يباركلك فيها و يرزقك خيرها و يكفيك شرها..
استمتع بالعربية و موضوع التوكيل ده حاجات بسيطة لا تعتبر غلاسه خالص..
فيه موضوع هكتبه قريب عن موقف كبير جدا مع التوكيل يثبتلك مدى احترام و التزام وكيل سوبارو.
مبروك مرة تانية :)

الله يبارك فيك :).

ما هو انا عارف انه وكيل محترم أكثر من الوكلاء اللي موجودين ومن اللي بسمعه عنهم يعني، وحتى الناس اللي شغالة في معرض السوبارو باسكندرية قمة في الاحترام والالتزام.

لكن على جانب آخر، والدي كان نفسه ان حاجتها تبقى موجودة، ممكن تكون حاجات تافهة، بس زي ما قلت الزبون دايماً على حق برضه، ومن حقه يتأكد انه حاطط فلوسه في المكان المظبوط!.

[scientist9508]

مبروك

[Ahmad Shawky]

هوه فعلا ال XV بيركبلها Cruise control مش بينزل معاها ؟؟

وهل بيركبو اصلى يابانى وله ايه ؟

[Ahmed Raafat]

هوه فعلا ال xv بيركبلها cruise control مش بينزل معاها ؟؟

وهل بيركبو اصلى يابانى وله ايه ؟

والله انا لما سألت، قالوا لي انه مبينزلش معاها، وإنه بيركب بـ 1800 جنيه.
والحقيقة معرفش إذا كان أصلي ولا لأ.

بس هو غالباً مبينزلش معاها، لأن اللي كان واقف في المعرض (معظمه) مش (كله) راكب له كروز كونترول بطلبات!

الكلام ده اتأكدت منه يمكن لما سألت قبل ما ادخل على الامبريزا، الكروز بيركب مش بييجي جاهز مع الهاي لاين للأسف!

[عماد الدين عزت]

مبروك وفى جديد

[Ahmed Raafat]

سؤال صغير ولخبراء السوبارو:

- هل الامبريزا بالفعل متصفحة من تحت؟ ولا من نحية الموتور بس؟ (اللي انا شفته تصفيح الموتور، بالرغم ان فيه منطقة فاضية جنبه، انا فهمت انها زي فراغ بحيث لو العربية عملت حادثة لاقدر الله، الموتور بينزلق لتحت من عند الفراغ ده).

بالرغم من سؤالي لمدير المبيعات في فرع اسكندرية، وأكد انها متصفحة من تحت تماماً (وعلى هذا الأساس قلت ان حكة المطب كانت في المصفحة)، لكن سمعت انها مش متصفحة بطول العربية، يعني مناطق مهمة بس، وعلشان تتصفح من تحت بالكامل بـ 1800 جنيه، وتصفيح الكورونة 1100 جنيه.

الموضوع ده مهم جداً، لأن كده (مع تقديري لاحترام الوكيل) لكن في اساسيات المفروض تكون موجودة في العربية وبالتمن ده!! يعني كماليات (غطا\دواسات\....) وقلنا ماشي! لكن المطبات المحترمة اللي عندنا، يعني المفروض تكون العربية جاهزة ومتصفحة من تحت!

[eslamsubaru]

سؤال صغير ولخبراء السوبارو:

- هل الامبريزا بالفعل متصفحة من تحت؟ ولا من نحية الموتور بس؟ (اللي انا شفته تصفيح الموتور، بالرغم ان فيه منطقة فاضية جنبه، انا فهمت انها زي فراغ بحيث لو العربية عملت حادثة لاقدر الله، الموتور بينزلق لتحت من عند الفراغ ده).

بالرغم من سؤالي لمدير المبيعات في فرع اسكندرية، وأكد انها متصفحة من تحت تماماً (وعلى هذا الأساس قلت ان حكة المطب كانت في المصفحة)، لكن سمعت انها مش متصفحة بطول العربية، يعني مناطق مهمة بس، وعلشان تتصفح من تحت بالكامل بـ 1800 جنيه، وتصفيح الكورونة 1100 جنيه.

الموضوع ده مهم جداً، لأن كده (مع تقديري لاحترام الوكيل) لكن في اساسيات المفروض تكون موجودة في العربية وبالتمن ده!! يعني كماليات (غطا\دواسات\....) وقلنا ماشي! لكن المطبات المحترمة اللي عندنا، يعني المفروض تكون العربية جاهزة ومتصفحة من تحت!

بص يا باشا :
السوبارو موتورها مصفح من تحت ده اكيد : بس التوكيل بيدي اوبشن زياده انه يغيرك التصفيح ده الى تصفيح صلب : بس ده طبعا اتقل على العربية .. بس ده للناس اللى بتشتغل فى الصحراء علشان لو مشى او دخل فى حجر من تحت العربية ..

نيجى بقى لباقى الجسم : العربية السوبارو من تحت فيها ميزة الشركة عملاها : الشاسيه بتاع العربية بيحتوى كل الأجزاء الميكانيكية من تحت : الفتيس , الكرونة , الشكمان .. و عليه الحاجات دى مهما كان المطب عالى عمره ما هيوصلها و الصدمة بتيجى فى عمودين حديد بالجانب اللى شايلين الشاسيه يعنى مش فالشاسيه علشان متتخضش ..
و اوبشن تصفيح الكورونة ده مش تفيح الكورونة كلها لأ .. ده علبة حديد بتصفح الجزء بتاع توزيع الدفع لرباعى بالخلف فى اخر الكورونة اللى بين العجل الخلفى اللى بتشوفه من وره العربية . و ده شكله:



و برضه تصفيحه مش مهم الا للناس اللى شغلها بالصحراء علشان لو مش فوق حجر دخل تحت نص العربية ميخبطهاش ..
متقلقش من مطبات مصر نهائيا على السوبارو .. كل الفكرة تاخد حزرك و تاخد المطبات براحة علشان صوت الاحتكاك بيدايئ بس مش هيعملك مشكلة متقلقش . انا معايا العربية من 10 سنين و الحمد لله ماشية تمام و طبعا ما اكثر المطبات بمصر.. استمتع بعربيتك

[Ahmed Raafat]

بص يا باشا :
السوبارو موتورها مصفح من تحت ده اكيد : بس التوكيل بيدي اوبشن زياده انه يغيرك التصفيح ده الى تصفيح صلب : بس ده طبعا اتقل على العربية .. بس ده للناس اللى بتشتغل فى الصحراء علشان لو مشى او دخل فى حجر من تحت العربية ..

نيجى بقى لباقى الجسم : العربية السوبارو من تحت فيها ميزة الشركة عملاها : الشاسيه بتاع العربية بيحتوى كل الأجزاء الميكانيكية من تحت : الفتيس , الكرونة , الشكمان .. و عليه الحاجات دى مهما كان المطب عالى عمره ما هيوصلها و الصدمة بتيجى فى عمودين حديد بالجانب اللى شايلين الشاسيه يعنى مش فالشاسيه علشان متتخضش ..
و اوبشن تصفيح الكورونة ده مش تفيح الكورونة كلها لأ .. ده علبة حديد بتصفح الجزء بتاع توزيع الدفع لرباعى بالخلف فى اخر الكورونة اللى بين العجل الخلفى اللى بتشوفه من وره العربية . و ده شكله:



و برضه تصفيحه مش مهم الا للناس اللى شغلها بالصحراء علشان لو مش فوق حجر دخل تحت نص العربية ميخبطهاش ..
متقلقش من مطبات مصر نهائيا على السوبارو .. كل الفكرة تاخد حزرك و تاخد المطبات براحة علشان صوت الاحتكاك بيدايئ بس مش هيعملك مشكلة متقلقش . انا معايا العربية من 10 سنين و الحمد لله ماشية تمام و طبعا ما اكثر المطبات بمصر.. استمتع بعربيتك

اصل المشكلة، ان اي حاجة واردة!

سعر العربية يعتبر غالي، أي نعم الغالي تمنه فيه، بس المفروض التوكيل أدرى بحال الشارع، يعني المفروض تكون الموديلات اللي نازله متصفحه!

لكن بعد رد حضرتك، هو الواحد اتطمن نسبياً (لأن العربية عربية عيلة، مفيش مجال للشد والغرز :D) ، بس زي ما قلت (أي حاجة واردة)!

انا دورت على صورة للعربية من تحت، وملقيتش غير لامبريزا 2012، وتقريباً مش حتبقى مختلفة كتير عن 2014، فهل العربية بالفعل من تحت كده؟



وألف شكر لحضرتك مرة تانية :)