ســوبارو xv

[Zizo zizo]

السلام عليكم
انا بفكر اشتري ســوبارو xv يا ريت حد يفيدني اخبارها ايه و اسعار قطع الغيار وهي عربيه كويسه و لا لا .ضروري يا جماعه عشان لازم احجزها بسرعه

[boomboomzoro]

السلام عليكم

برجاء قراءه الموضوعين بالأسفل و سوف تجد حضرتك ملخص مواصفات السياره و آراء الناس و تعليقاتهم

http://www.nilemotors.net/Nile/398470-xv-2014-a.html

http://www.nilemotors.net/Nile/410513-xv.html

و أي إستفسار آخر أقدر أساعد بيه أنا في الخدمه

جزاكم الله خيرا
رمضان كريم

[Ahmed Raafat]

السلام عليكم
انا بفكر اشتري ســوبارو xv يا ريت حد يفيدني اخبارها ايه و اسعار قطع الغيار وهي عربيه كويسه و لا لا .ضروري يا جماعه عشان لازم احجزها بسرعه

كله بقى بيتجه للاكس في وسايب الامبريزا! :).

سوبارو XV، عربية اعتمادية ومحترمة.

- من نحية الأخبار، نقدر نقول إنها ابتديت تنتشر جامد، الطلب عليها فعلاً أكتر من الامبريزا، ده حيخلي الماركة تبتدي تسمّع من جديد في السوق. :).
- بتنزل بفئتين: أولى بـ 200.000 (تعتبر فاضية)، وهاي لاين بـ 225.000 (8 ايرباج - جنوط 17 - طارة multi - فتحة سقف - فرش جلد).
- ما يميزها عن الامبريزا: علوها عن الأرض، استخدامها للعيلة أكثر.
- ما لا يميزها: الشنطة الصغيرة، والامبريزا حجم الشنطة فيها أكبر.
- امبريزا أو إكس في، الاتنين تقريباً واحد في التصميم الداخلي.

- أسعار قطع الغيار تعتبر أرخص من الكوري بنسبة بسيطة، وأرخص من ماركات ياباني تانية بنسبة أكتر (مثلاً: النيسان، لو بتقارن الإكس في بالقاشقاي، فالقاشقاي الفانوس الأمامي فيه عامل أكتر من 5000 جنيه، بينما السوبارو عامل نص المبلغ أو أقل من النص بحاجة بسيطة).
- كما أنها قطع غيار أصلية، بتيجي من مصنعها مباشرة من اليابان، يعني حتبقى معمرة جداً بإذن الله. ومش حتتكلف صيانة كتير.

- أي سيارة من سوبارو تعتبر اعتمادية جداً، وممتازة جداً، بدءاً من الامبريزا وحتى الأوت باك والفورستر والليجاسي وغيرهم.
- ما يميز جميع سيارات السوبارو (سيدان أو هاتش باك أو أوفر كروس) إنها مزودة بنظام الدفع الكلي (الرباعي) و الموتور البوكسر (اللي مش موجود إلا في سيارات السوبارو والبورش الألمانية). ودول اللي بيحققوا أفضل ثبات وإتزان على الطريق.
- بالإضافة لعوامل الأمان المختلفة، اللي السوبارو بتنافس فيها الألماني، السوبارو واخدة 5 من 5 في إختبارات الأمان الأوروبية (اللي تعتبر أصعب اختبارات).

- لو بتفكر في اعادة بيع، فاعتقد إن (الإكس في) حتبيع. لأن الطلب عليها السنة دي فعلاً كتير جداً، والطلب على فئة الكروس أوفر عموماً في مصر بقى كتير جداً. لأن المطبات بقيت أكتر من العيش في البلد! :).

[mohaismail]

اخبار العزل بتاعها ايه ؟
واستهلاك البنزين

[swimmer25]

رجالة سؤال
أنا كنت بقارن بين سوبارو xv و سبورتاج
بس فرق كبير بين ال 114 حصان في السوبارو وال 140 في سبورتاج
الفرق دا محسوس؟ وهل بيأثر عند تحميل السيارة أو تشغيل التكييف؟

سؤال تاني ..الثبات بيزيد إزاي عن طريق الموتور الرباعي؟

[eslamsubaru]

رجالة سؤال
أنا كنت بقارن بين سوبارو xv و سبورتاج
بس فرق كبير بين ال 114 حصان في السوبارو وال 140 في سبورتاج
الفرق دا محسوس؟ وهل بيأثر عند تحميل السيارة أو تشغيل التكييف؟

سؤال تاني ..الثبات بيزيد إزاي عن طريق الموتور الرباعي؟

الموتور مش هو اللى رباعى : نظام الدفع بالعربية هو اللى رباعى يعنى قوة الحركة بتخرج من الموتور الى الأربع عجلات مش العجلات الأمامية فقط و طبعا ده بيخلى التحكم فالعربية اكثر دقة و خصوصا فالملفات العربية بتكون محورها على الأربع عجلات مش عجلتين و الباقى بيتجر وراها ..
و موضوع ان الكيا 140 حصان فده الموتور نفسه انما مش القوة الفعلية عند العجلة : بمعنى ان الموتور بيخرج 140 حصان انما طبعا فيه قوة مهدرة فى نقل القوة دى للعجل يعنى من ألخر القوة الفعلية عند العجل مش هتعدى 120 حصان ده لو جابتهم مع وزن العربية التقيل .. السوبارو رقم القوة الحصانية بيكون 114 من عند العجل مش الموتور : ارجوا تكون الصورة وضحت

[banzai]

السوبارو رقم القوة الحصانية بيكون 114 من عند العجل مش الموتور : ارجوا تكون الصورة وضحت

مين قال ؟
اكس فى - لو بتطلع 114 حصان من العجل استحالة تعمل 0-100 فى 13 ث
للاسف انا من المعجبين جدا بالعربيه دى لكن المكنه اللى بتنزل بيها مصر ضعيفه كيك يعنى 114 حصان و الفقد للامامى و فقد للخلفى صباح الاهدار دى ده غير وزن العربيه - مع المحرك 2.0 لتر بتاعها تبقى مظبوطه

[swimmer25]

مين قال ؟
اكس فى - لو بتطلع 114 حصان من العجل استحالة تعمل 0-100 فى 13 ث
للاسف انا من المعجبين جدا بالعربيه دى لكن المكنه اللى بتنزل بيها مصر ضعيفه كيك يعنى 114 حصان و الفقد للامامى و فقد للخلفى صباح الاهدار دى ده غير وزن العربيه - مع المحرك 2.0 لتر بتاعها تبقى مظبوطه

أنا فكرت نفس التفكير مش معقول 114 عند العجل..كل المصنعين بيقولوا كام حصان علي الموتور
أنا عاجباني لأنها ياباني ودفع رباعي وعوامل أمان لكن الموتور ضعيف ده غير الفتيس ال cvt بردو يخوف
ومحتار بينها وبين السيفيك والسبورتاج والتوسون