استفسار للخبراء ..

[tefafathy1]

هل ينفع ازود ارتفاع العربية عن الأرض ؟؟ العربية سوبارو امبريزا , هل فى إمكانيه لده ؟؟؟

ولو ينفع أزاى ؟؟ وهل ليه أضرار ؟؟ وهل ممكن يتعمل فى التوكيل ؟؟ ولو بره, هل يخرجها من الضمان ؟؟

شكرا لمساعدتكم ...

[م/أحمد عبد الفتاح]

فيه ناس برة مصر رفعوها بمساعدين وسوست الفورستر لأنهم أعلى بـ ٥ سم من مساعدين وسوست الإمبريزاوده أحسن فى إعتقادى من أى وسيلة رفع تانية..... بس تخلى بالك إن بالنسبة للمساعدين والسوست إللى قدام مافيش مشكلة فى الموديلات لكن المساعدين والسوست إللى ورا مش أى موديل فورستر حيركب على أى موديل امبريزا بيبقى حسب سنة الموديل وكمان حايعوز شغل كتير وتصنيع جلب ...... طبعاً الموضوع حيبقى مكلف شوية ....... وبالنسبة للضمان أعتقد حايتلغى ..... وطبعاً لو كبرت العجل حيكون برضة عجل الفورستر بس عداد الكيلومتر والسرعة مش حايبقوا مظبوطين وحتحتاج تعاير العدادات على كمبيوتر ببرنامج الفورستر واعتقد طبعاً إن إمكانيات التوكيل فى مصر مش حاتجيب الكلام ده ..... عموماً ده لينك للناس إللى عملت الشغل ده برة مصر وإقرا اللينكات الفرعية منه كمان ...... بس نصيحة حاول ماتعملش الكلام ده فى عربية جديدة ..... أنا عموماً حبيت أفتحلك فى الموضوع وانت بقى دعبس على مزاجك وربنا يوفقك
The Unofficial "How to Lift your Impreza" Thread - Page 2 - Subaru Impreza GC8 & RS Forum & Community: RS25.com

[tefafathy1]

متشكر لردك و إهتمامك .. بس واضح ان الموضوع صعب اوى :(

[م/أحمد عبد الفتاح]

معلش اللينك اللى انا بعته ليك فوق بتاع تانى صفحة فى الموقع وده لينك اول صفحة اللى تبدأ منه
The Unofficial "How to Lift your Impreza" Thread - Subaru Impreza GC8 & RS Forum & Community: RS25.com

[م/أحمد عبد الفتاح]

معلش اللينك اللى انا بعته ليك فوق بتاع تانى صفحة فى الموقع وده لينك اول صفحة اللى تبدأ منه
the unofficial "how to lift your impreza" thread - subaru impreza gc8 & rs forum & community: Rs25.com

العفو بس إقرا ومخمخ الموضوع كويس ودعبس فيه زى ماقلتلك وربنا يوفقك فى أى قرار