سوبارو xv 2015

[mohamedmajed]

السلام عليكم ,
كنت بدور هنا في المنتدى عن تقرير شامل ليها الهاي لاين ( موتور والفتيس والابشن ..الخ) ملقتش فلو سمحت كنت عايز اعرف عن العربيه تقرير عنها وايه الاختلاف بين الهاي لاين والعاديه وهل الوكيل ابو غالي وكيل كويس وقطع غيراها متوفره ولا لا , وشكرا

[ali ashraf]

قطع الغيار

توكيل غير جيد و قطع غيار غير متوفرة ( ليس عن تجربة شخصية ولكن راى العديد من مالكى السوبارو)

[Abouelela]

بص يا سيدي
الهاي لاين في الأكس في
فيه 8 إير باج .. وزجاج فيميه . وتقريبا في اختلاف في التكييف
وهو سعره 230 ألف
والعاديه فيها بس 2 إير باج ABS / USB / Bluetooth / AUX
ويتم تركيب مكن الرفع والسينسور ومثبت السرعة في التوكيل بالإضافة إلي شاشة بيانات بشكل متقدم عما هي عليه
ويتم تركيب حوامل السقف برضه في التوكيل وسعرهم بره أرخص
في واحد في الضاهر وواحد في الحرفيين وبتاع الضاهر أفضل حسب رأي الناس
عربية رايحه ناحية الإنتشار وسعرها بيقال أنه حيبقي أغلي بمرور الوقت
عيبها الفني الوحيد ما فيش تصفيح للعربية من تحت .. يمكن تركيب الكلام ده برضه في التوكيل
ومش موجود غطاء للموتور أسوه بباقي السيارات الأخري ..
سعر العادية 208 ألف ووكيلها دلوقتي أبو غالي
وابتدي ينزل اعلانات ليها علي MBC Misr

[JapRuleZ]

مالك سوبارو من 10 سنين + الجميله xv
التوكيل كويس و الغلو العادى بتاع التوكيلات البومين دول
قطع غيار موجودة
لو حتصلح بره هتتعب شوية
عربية فوق الوصف

[scientist9508]

بسم الله الرحمن الرحيم

الأخ الفاضل محمد ماجد

هناك فرق بين سياره من المستحيل إجراء صيانه لها خارج الوكيل و لكن فى نفس الوقت السياره تحتاج قطع غيار كثيره و بالتبعيه تحتاج الوكيل كثيرآ جدآ

و بين سياره من المستحيل إجراء صيانه لها خارج الوكيل و لكن السياره لا تحتاج لقطع غيار كثيره و قليلة الأعطال و بالتالى إحتياجك للوكيل شبه روتينى (بكلمات أبسط لولا تغيير الزيت و الفلتر ما كنت لتذهب للوكيل و لكانت زياراتك للوكيل متباعده) و هذه هى السوبارو

أتمنى من الله أن ينعم على بهذه النعمه الجميله

هداك الله لأرشد أمرك و أقومه

السلام عليكم ورحمة الله و بركاته

[Omar Sarray]

مفهاش مصفحه من تحت وسعرها اقل وتقفيل يابانى والكماليات معظمها مش موجوده طب ليك العك ده كلو

[haithamelhagar]

والله هي مش فكرة عك .. هو عايز يقدملك عربية فنيا كويسة وبسعر مناسب .. عايز شوية كماليات زيادة ممكن تدفع وتزودهم .... انما في الكوري ممكن تدفع في الكماليات لحد ٢٧٠ الف ومتاخدش عربية من الاساس

[Sherif Khalifa]

ممكن تعرف صحه انها ملهاش صيانه غير تغير الزيت فقط ؟
يعنى السيور و الفلاتر و الحاجات دى بتتغير كل اد ايه
و ياريت لو فكره بسيطه عن اسعار قطع الغيار

[scientist9508]

ممكن تعرف صحه انها ملهاش صيانه غير تغير الزيت فقط ؟
يعنى السيور و الفلاتر و الحاجات دى بتتغير كل اد ايه
و ياريت لو فكره بسيطه عن اسعار قطع الغيار

بسم الله الرحمن الرحيم

أخى الفاضل

الزيوت:
تغيير الزيوت بناءآ على إختيارك نوع المستخدم كل 5000 كم أو كل 10,000 كم و لكن معروف أن كل ملاك السوبارو يستخدمون زيت 10,000 كم لذلك أنا مستبعد أن تجد زيت أقل من 10,000 كم عند الوكيل

السيور:
جميع سيور السوبارو يتم تغييرها على حساب الوكيل مدى الحياه و أما عن سير الكاتينه فهو جنزير من الصلب لذلك لا يتم تغييره و لا حاجه إلى ذلك.

أسعار قطع الغيار:
السوبارو لا تحتاج قطع غيار إلا بعد 60,000 كم لأن عند وصول المحرك إلى 60,000 كم يحتاج إلى تغيير البوجيهات و سمعت أيضآ أن الموديل الجديد (المعدل) يصل عمر البوجيهات فيه إلى 100,000 كم و لكننى غير متأكد من دقه الرقم للأمانه

أى أن ما تنفقه السوبارو خلال عام أقل مما تنفقه أى سياره كورى أو حتى يابانى أو أى سياره أخرى. ربما تجد هذه المعلومه غريبه بعض الشىء إلا إنها حقيقه (مالم تحدث لك حادثه . . فهذا شىء آخر). أنا من ملاك الماروتى منذ 6 سنوات و إستخدامى للسياره ثقيل جدآ فأنا أسافر بها كثيرآ و مسافات بعيده و الحقيقه أنها سياره إعتماديه جدآ جدآ (و لكنها لها عيوبها أيضآ) و لكن كلما أثقلت عليها فى الإستخدام كلما إحتاجت قطع غيار و ربما لا أكون مبالغ حينما أقول لك إن السوبارو قد تكون أوفر من الماروتى على مدى عام.

هداك الله لأرشد أمرك و أقومه

السلام عليكم و رحمة الله و بركاته

[hugan]

اظن انها اصغر واضيق من اي اكس 35 وسبورتاج وقشقاي
وبنفس السعر
غاليه وسوقها واقع في مصر

[madooomad]

هيه فعلا اصغر في الحجم من الهيونداي الاي اكس و السبورتاج و القشقاي بس من الداخل جيدة جدا مقارنة باي عربية سيدان انا طويل ١٩٠ سم كنت قاعد مستريح قدام وركبت خلف كرسي السائق وكنت مستريح هيه ارخص منهم كلهم البيز لاين فيها كل الكماليات الاساسية و عوامل الامان و ب ٢٠٨ الف كلهم ماعدا القشقاي بيوصلوا لل ٢٧٠ للفولي لوديد ... خامات و موتور و تكييف و صاج هيه افضل طبعا