محتاج تفسير لهذا الفيديو Subaru XV 2015

[mmdbdw]

سلام عليكم اعضاء المنتدى المحترمين...

كنت بجمع معلومات بخصوص XV لانى ناوى اشتريها ان شاء الله و عرفت انها AWD

بس اتفرجت على الفيديو ده كانوا بيقارنوها بعربيه Mazda CX3

استغربت ان العجل الامامى بس هى اللى شغال رغم انها AWD

ف لو سمحتم اللى عنده اى معلومه او تعليق على الفيديو ياريت ميبخلش بيه علينا

و لكم جزيل الشكر

http://www.youtube.com/watch?v=WAoRJCNLd1g

[madooomad]

انا برده شفت الفيديو ده زمان الصراحة معنديش اي تفسير علمي بس هاقلك استنتاجين الاول انه فيديو دعاية للمازدا و بيقولك فيه ان ال awd في المازدا اقوي علي ال ٤ عجلات عن السوبارو وان عزمها اقوي في الاوفروود و معتقدش ان الكلام ده صحيح awd نظرية واحدة الا لو هوة بيتكلم علي قوة محرك و التفسير التاني انه ممكن في الفيديو اصلا يكون لاغي ال awd و مخليها امامي فقط ( الموضوع ده بيتعمل بكل سهولة باضافة فيوز بيفصل الخلفي و يخليها امامي فقط) ممكن حضرتك تعرض الفيديو و السؤال علي جروب الفيس بوك بتاع سوبارو هايكونوا عارفين اكتر مني

[mmdbdw]

ده كان رد subaru egypt على الموضوع


يشرفنا توضيح ذلك لحضرتك سيارات سوبارو دفع كلي بالأربعة عجلات.

- خاصیة الدفع الكلي تعطى السیارة ثبات أكثر و قدرة على التحكم اثناء القیادة، توزیع عزم الموتور على الاربع إطارات فى نفس الوقت، سيارات سوبارو AWD، الفرق بينهم أن ال 4WD بيتم الدفع بالعجلات الأربعة عند الحاجة اليها فقط حسب الطريق، لكن ال AWD بيوزع العزم من المحرك ليدفع بالقوة للعجلات الأربعة طول الوقت وبيتميز النظام دة بأنه يحسن التحكم في السيارة تحت كافة ظروف الطريق.
شكراً لأهتمامك بسوبارو.

[borio1704]

كلمة All Wheel Drive أو AWD مقصود بيها إن الأربع عجلات متوصلين دايما بالفتيس.. وما تقدرش تتحكم في طريقة عملهم زي العرببات ال4WD

بس مش معنى إنهم متوصلين باستمرار إنهم شغالين باستمرار !!!

باختصار.. كل العربيات دي بيبقى على كل عجلة فيه كلتش بيفصل ويوصل العجلة ساعة اللزوم وعند الحاجة... فيه منه اللي بيشتغل بشكل ميكانيكي .. وفبه أنواع تانية بتشتغل عن طريق أوامر كمبيوتر العربية.

حاليا... المازدا CX-3 تعتبر واحدة من أكتر السيارات تقدما في العاام في الحتة دي بالذات.. نظامها مربوط بالكمبيوتر بتاع العربية ومعاه كمية حساسات على كل حاجة في العربية.. ابتداء من سرعة العربية والتعشيقة .. والإحساس بحركة كل عجلة.. وزاوية ميل العربية .. وارتفاع العربية .. ودرجة دوسة البنزين.. ومقدار دوران طارة الدركسيون..

كل ده بيتدخل في قرار الكمبيوتر علشان يعرف أنهي عجلة اللي المفروض تتحرك وأنهي عجلة تتفصل.


السوبارو متميزة في حاجة تانية خاصة بطريقة توزيع عزم الدوران بسبب إن وضعية الموتور بالطول بتخلي كل المحاور تاخد عزم متساوي.. بالذات ما بين اليمين والشمال... إنما ما أعتقدش فيها كمية التعقيد الإلكتروني الموجود في المازدا.



...

[mmdbdw]

يعنى حضرتك تقصد ان فعلا الفيديو ده ممكن يكون صحيح؟؟

[borio1704]

يعنى حضرتك تقصد ان فعلا الفيديو ده ممكن يكون صحيح؟؟

أيوه صحيح..

ده ما يمنعش إن سوبارو عامة تعتبر من أفضل سيارات الدفع الرباعي في العالم.. بس يجوز الxv ليها وضع مختلف على أساس إنها مخصصة في أغلب الأوقات للقيادة في المدن.

عموما.. لو عملت سيرش في النت على فيديوهات مقارنة بين السوبارو xv والمازدا cx-3 هيطلعلك حاجات كتير تشبه الفيديو اللي فوق ده .. والنتيجة لصالح المازدا.. إنما فيه فيديوهات تانية فيها تفوق لعربيات سوبارو مقابل عربيات تانية كتير

دور وانت تعرف حجم التفوق بتاع سوبارو عامل ازاي.


...