سوبارو امبريزا مانيوال من عدة نواحى

[cars_lover]

أولا لازم يكون فى مصنع بيصنع زجاج ليها علشان مش حيركب أى زجاج بتاع عربيه تانيه .

ثانيا وعن تجربه موضوع خرط الطنابير عند الخراط موضوع Risky جدا لانه نادرا أنه يطلعهم مضبوطين وتحس انك حصلت على قوة فراملك السابقه ، بل أنه فى أغلب الحالات تسوء الفرامل لأنه مابيبنش بالعين جودة الخراطه فممكن يكون فى ريجه انت مش شايفها كما أنه خراطه الطنابير الاماميه صعبه .

فى سيارتى خرطت الخلفيه عند واحد ناس كتير بتشكر فيه ومن يومها فرامل اليد أختلفت للاسوء بدرجه ملحوظه

[sameh.acc]

مصانع الازاز كتيييييييير فى مصر من اول الفيات 128 لحد المرسيدس انا كنت جايب ببريز ازاز لفيات ريتمو ب 75 جنية اما موضوع الطنابير اكيد بتفرق عن الاصلى بس ساعات لو الصنايعى فنان مش هتحس الا بفرق قليل ودايما بتتخرط الطنابير الخلفية , اية حكاية الطنابير الامامية دية اول مرة اسمع عنها ؟؟؟؟ نص العربيات بتبقى vinted disk قدام و drums فى الخلف فقدام مبيبقاش فية طنابير على ما اعتقد :roll:

[khalid_adel]

والله ياجماعه لو شوفتو قطع غيار بي ام ولا مرسيديس حتعرفو ان الله حق وان احنا كده بنشحط بالنسبه ليهم
انا معاكو ان قطع الغيار غاليه شويه علينا ( انا عن نفسي بحوش وبمسك نفسي عشان لما اروح الصيانه كل 5000) بس في مقابل ده بتاخد حاجه كويسه والحمد لله مفيش شكوى منها وتقدر تقول انها عربيه تتبهدل وتعتمد عليها عادي وبرضه بتديك الكفاءه المطلوبه
وده لوحده سبب يخلي الواحد يضحي بالفلوس عشانه

[cars_lover]

مصانع الازاز كتيييييييير فى مصر من اول الفيات 128 لحد المرسيدس انا كنت جايب ببريز ازاز لفيات ريتمو ب 75 جنية اما موضوع الطنابير اكيد بتفرق عن الاصلى بس ساعات لو الصنايعى فنان مش هتحس الا بفرق قليل ودايما بتتخرط الطنابير الخلفية , اية حكاية الطنابير الامامية دية اول مرة اسمع عنها ؟؟؟؟ نص العربيات بتبقى vinted disk قدام و drums فى الخلف فقدام مبيبقاش فية طنابير على ما اعتقد :roll:

ٍيا باشا صح ديكسات أمامى و طنابير خلفى ولكن بنقول طنابير على الاثنين مجازا و سواء أمامى أو خلفى بيتخرطوا

[Ahmed Hassan]

والله ياجماعه لو شوفتو قطع غيار بي ام ولا مرسيديس حتعرفو ان الله حق وان احنا كده بنشحط بالنسبه ليهم
انا معاكو ان قطع الغيار غاليه شويه علينا ( انا عن نفسي بحوش وبمسك نفسي عشان لما اروح الصيانه كل 5000) بس في مقابل ده بتاخد حاجه كويسه والحمد لله مفيش شكوى منها وتقدر تقول انها عربيه تتبهدل وتعتمد عليها عادي وبرضه بتديك الكفاءه المطلوبه
وده لوحده سبب يخلي الواحد يضحي بالفلوس عشانه

اصلا الصيانه سعرها معقول جدا... يعني تقريبا 350 جنيه شامله تمن الزيت و الفلتر (الزيت لوحده بـ 210 تقريبا)

[sameh.acc]

ياجماعة انا رحت صاله فى شارع السودان قاللى انو هيعملى تخفيض العربية ابو غالى بيقول ع الدفع الكاش بتبقى ب 109900 بدل 111900 الصاله دة بقى قاللى هيديهالى ب 107000 للدفع الكاش مش عاارف كدا كويس ولا نصب الله أعلم بس اما حسبنا لو خدتها تقسيط ودفعت 50% من تمنها القسط هيبقى 1200 جنية تقريبا بمعدل فايدة 7.75 و على 5 سنين وهيزيد على تمن العربية 21000 مش عارف كدا كويس ولا اية وقالى التأمين الشامل هيبقى تبع جمعية التأمين المصرية مش عارف التأمين انا بدفعة من داخل الاقساط ولا هما بيدفعوه عنى ولا اية :shock: :roll:

[Ahmed Hassan]

انا معرفش موضوع 109900 ده من ابو غالي.... بس المعارض ساعات بتبيع ارخص من الوكيل بس اظن صعب يكون الفرق 2000 جنيه عن سعر الوكيل المخفض!!

انا جايب تبع البنك بس قسط التأمين بيتدفع غير قسط العربيه.. بس تقريبا فيه بنوك بتدفع هيه قسط التأمين

[معاذ الشرباصى]

التأمين فى معظم الشركات بيدفع كاش

كونتكت فقط هى اللى بتقسط التأمين مع تمن العربية

لكن 95% من شركات التأمين بتاخد فلوسها كاش و اللى بيتقسط هو تمن العربية فقط

[Ahmed Hassan]

انا مأمن مع الشرق و اخدو مني القسط على 3 مرات... و كانو متساهلين جدا.. يعني عملوا التأمين قبل ما يخدوا ولا مليم.. بس هما ضامنين حقهم لأنهم بيتعاملوا مع البنك اللي جايب العربيه تبعه.

[Abdallah]

يا ريت يا احمد تتأكدلنا من حوار الطنابير الى بـ 3500 جنيه احسن كدة يبقى الواحد يخليه راكب اللانوس احسن !!

[Ahmed Hassan]

و الله يا عبد الله انا بعت ميل عن الموضوع ده لمهندس الصيانه و سألت على اسعار قطع غيار تانيه كتير و منتظر الرد... و لحين وصول الرد انا مش بفرمل :mrgreen:

[معاذ الشرباصى]

لحين وصول الرد انا مش بفرمل

:lol: :lol: :lol: :lol: :lol:

[sameh.acc]

ههههههههههه اوعى تفرمل الطنابير كل خط فيها من جوا بفلوس :lol: لا انا لازم اعرف اسعار قطع الغيار اتصلت بابو غالى قالى سعر المرايات قالى المراية ب 970 جنية سعرها معقول شوية خصوصا ان سعر مراية الجين 2 الماليزى 810 جنية ونزلت بقيت ب 790 صاحبى لسة مغيرها

[sameh.acc]

غير كدا ابن الاية مرضيش يقول قالى ممعاييش الا سعر الممرايات علشان لسة جاى دفعة منها مش عارف حاسس انو بيخبى الواقع المر :shock: انا قدامى ياجماعة الالنترا والسوبارو محتار جداااا واللى زود الحيرة صحابى بيقولولى السوبارو 2008 الشكل الجديد الهاتش باك رياضية وشكلها احلى بس انا مش موافقهم الراى بحس ان الشكل القديم ماسك نفسة وامتن والازاز فرامليس و شكلها يخض من قدام تعليقى بس على شكلها من ورا مش حلو اوى بس انا بفضلها عن الشكل الجديد اية رايكم ؟؟؟؟؟

[Ahmed Hassan]

احنا كنا اتكلمنا في موضوع الشكل ده قبل كدا.. راجع الرابط التالي

http://www.nilemotors.net/Forum/viewtopic.php?t=77&postdays=0&postorder=asc&start=0