تجربة سوبارو امبريزا موديل 2007

[محمد عز]

هي على الطرق الطويله بصراحه ممكن يعتبروا زي بعض بس في الملفات هو بنفسه كان بيقوللي الفرق كبير لصالحك

طبيعه فى سواقتى انى باخد الملفات على سرعات واطية ، فيمكن اكون مخدتش بالى من النقطة ده

اهم حاجة عندى هوا الثيات فى المناورة على السرعات العالية وانا بتنقل من حارة للتانيه هى ده النقطة اللى بركز عليها

[محمد عز]

Mohamed, did the rental company accept debit card, and how did u made the reservation

طبعا بيقبلوا الكريديت كارد ، مافيش اى مشاكل

وعملت حجز عن طريق الويب سايت بتاعهم اللى هوا ده

http://www.sixtegypt.com/

[محمد عز]

افهم من كدا ان التابلوه البلاستيك بيدي احساس اان العربيه حديثه؟!

بردو لفتت انتباهي النقطة دي ..
بالعكس التابلوه الجلد بيدي فخامه اكتر ..

فهمتوا مقصدى غلط

انا قصدى مش اى جلد يبقى حلو وبرده مش اى بلاستيك يبقي حلو

انا قصدى مع ان التابلوه جلد لكن شكله لايوحى بالفخامه ، بالعكس فيه احساس وصللى ان العربيه قديمة مش اكتر

والتجربه فى الاخر عبارة عن رائى شخصى مبنى على تجربه قد يتفق البعض معاه وقد يختلف الأخر

[khalid_adel]

- باور استرينج كهربا
- مرايات كهربا
الحقيقة العربيه مش مميزة اوى يعنى مش Catch Eye

التابلوه شكله تقليدى جدا يعنى معقول

الفرش الجلد للتابلوه يعطيك احساس ان العربيه قديمة

العزل ممتاز جدا ، عزلها رائع
العربيه كويسه لكن الحقيقة لما ركبتها لم احس باى تميز مع العلم انا سقت الميجان ولانسر بوما ومعايا مازدا 3
اما نظام الدفع الرباعى اظن ان الواحد مش هيحس بيه الا لما العربيه يكون الموتور فيها مش اقل من 2000 سي سي

مقارنة بين امبريزا و مازدا 3

الشكل الخارجى مازدا 9 / سوبارو 7
فخامة الصالون مازدا 9 / سوبارو 7.5
الوسع الداخلي مازدا 8 / سوبارو 8
الثبات مازدا 9 / سوبارو 9

اولا حمد لله على السلامه يا محمد باشا ليك وحشه كبيره والف الف لاخوك
حلو اوي التقييم بتاعك وفعلا تقييم بروفيشنال ماشاء الله
بس معلش اسمحلي اختلف معاك في النقاط اللي انا مقتبسها منك فوق
1- انا معايا 2006 مانيوال والباور عندي عادي مش كهربا فمش عارف اوي ؟؟
2-الامبريزا شكل 2006و2007 دي انا بعتبر انها اكتر عربيه كاتش اي في الفئه دي لان ببساطه بقالي 3 سنين طول مانا ماشي بلاقي الناس بتبص على العربيه وكل شويه حد يسألني عنها لحد دلوقتي وكمان انا نفسي لما بشوف سوبارو ماشيه بجد بتجذب نظري وبفضل ببص عليها
3- التابلوه بجد حلو واحسن حاجه فيه انه جلد مش بلاستيك زي امبريزا 2008 حتى وده شئ انا بعتبره مقزز جدا وبجد التابلوه شكله شيك ومتناسق كده ونازل حته واحده
4-العزل ده بالذات انا شايفه مش حلو فيها وان كنت اتعودت عليه وخلاص بس مش حلو الصراحه
5-بما انك سقت امبريزا وميجان ولانسر ومازدا فأكيد كل عربيه منهم فيها ميزه مختلفه عن الاخري وده شي حتحسه لو فكرت تقول كلمه في كل عربيه منهم
6-نظام الدفع الرباعي حتحس بيه عند اللزوم (ملفات صعبه او انحراف مفاجي او غرزه صعبه) اما موضوع 2000سي سي فده له علاقه ان العربيه دي لو كانت 2000 سي سي كانت حتبقى اسرع عربيه ستوك في فئتها اما موضوع 1600 فده عيب جامد لانه مموت العربيه (بدل ما تبقى ميزه وسريعه بقت عيب وبطيئه)
اما مقارنه بين مازدا وسوبارو
الشكل الخارجي: المازدا كنزه كده اما السوبارو عربيه مفروده كبوت كبير وعريضه يعني شكلها عربيه بجد
فخامه الصالون السوبارو واسع وسهل الوصول ليه ان كان بسيط شويه اما المازدا تحس انه ضيق وزحمه كده (معقد)
الوسع انا شايف ان السوبارو قعدتها افضل وارحب من المازدا قاعدتها عاديه
الثبات لصالح السوبارو لان ببساطه دي امامي ودي دفع رباعه وجرب في ملف انك تاخده بسرعه تلاقي السوبارو بتضم لجوه وتعرف تاخد الملف اما الامامي عامه تلاقيه بيوسع منك ومش عارف تكسر
ده غير لو حصل تعويم سواء في رمله او ميه او غيره جرب وشوف برضه الفرق اصلي ياما جربت :)
وبجد انا بشكرك وبؤيدك جامد في باقي المقارنه الممتعه المدروسه دي وتسلم ايدك ووقتك ومجهودك لينا

[محمد عز]

اولا حمد لله على السلامه يا محمد باشا ليك وحشه كبيره والف الف لاخوك

الله يسلمك يا خالد وربنا يبارك فيك

والله ياخالد الكلام كله اللى انت قلتله حلو ، لكن فى الأخر مسالة اذواق

اما بالنسبة لثبات المنحيات ، انا طبيعه سواقتى انى باخد الملفات بسرعات بطيئة علشان كده مخدتش بالى من الميزة ده

[sa3dawy]

تقرير جميل جدا ... شكراا ياباشاا

[محمد عز]

تقرير جميل جدا ... شكراا ياباشاا

شكرا يا سعداوى على مرورك الجميل

[saffey]

تقرير فعلا جميل .....
أنا افت إنتباهى موضوع الفرامل ده. أنا معايا إمبريزا 2007 أتوماتيك ومؤخرا حسيت إن الفرامل أضعف من الأول..الدواسة مش عالية زى الأول....كمان لما باكارك ساعات الدواسة بتعلا معايا وساعات لأ
لو حد قابل مشكلة زى ديه ياريت يفيدنى

وشكرا تانى على التقيم
فعلا واقعى

[Ahmed Hassan]

تقرير فعلا جميل .....
أنا افت إنتباهى موضوع الفرامل ده. أنا معايا إمبريزا 2007 أتوماتيك ومؤخرا حسيت إن الفرامل أضعف من الأول..الدواسة مش عالية زى الأول....كمان لما باكارك ساعات الدواسة بتعلا معايا وساعات لأ
لو حد قابل مشكلة زى ديه ياريت يفيدنى

وشكرا تانى على التقيم
فعلا واقعى

اللي بيدي الاحساس بعلو و اخفاض الدواسه هوه الفرامل الخلفيه لأنها drum مش disc و دي بتتاج تتظبط كل فتره و بتتعمل في الصيانه الدوريه و بتخلي بداله الفرامل تعلى (يا ترى بتعمل صيان دوريه في التوكيل؟)

عموما لو الاجابه لأ مش مشكله و الموضوع ده ممكن يتعمل عند ي ميكانيكي. الاحتمال التاني ان تيل الفرامل الامامي يكون خلص خالص بردو هيخلي الدواسه توطى.

[mantoros]

All I Can Say Is That:

I Owned And Drove Peugoet 405
Then Kia Rio Quatro 2004
Then My Impreza 2006

And I Drove Many Other Cars For Some Periods Of Time Like Lancer,sunny,renault Clio,cerato..........however..........i Never Felt What I Felt In The Impreza..............it's A Dream Coming True.

Anyhow,thanks For Your Nice Report.

Dr.shamel Soaida

[محمد عز]

وشكرا تانى على التقيم
فعلا واقعى

شكرا ياصافى على مرورك واشادتك الجميلة

واظن مشكلة الفرامل حلها زى ما الاستاذ احمد حسن قال

[saffey]

اللي بيدي الاحساس بعلو و اخفاض الدواسه هوه الفرامل الخلفيه لأنها drum مش disc و دي بتتاج تتظبط كل فتره و بتتعمل في الصيانه الدوريه و بتخلي بداله الفرامل تعلى (يا ترى بتعمل صيان دوريه في التوكيل؟)

عموما لو الاجابه لأ مش مشكله و الموضوع ده ممكن يتعمل عند ي ميكانيكي. الاحتمال التاني ان تيل الفرامل الامامي يكون خلص خالص بردو هيخلي الدواسه توطى.

ايوه بعمل الصيانة ومابفوتش ولا مرة. المشكلة إن الدواسة مش دايما منخفضة ولا دايما عالية ساعات وساعات. ومش عارف احدد على أى أساس. التوكيل نفسهم مش عارفين ساعات يقولوا هواء فى الزيت ونسحب هواء. عملوا الموضوع ده عدة مرات دون جدوى. وغيروا الطنابير الأمامية والخلفية والتيل الأمامى والخلفى.

انا قرأت فى الكاتالوج إن الدواسة لمل تدوس عليها لزم المسافة بين أرضية السيارة والدواسة تبقى على الأقل 6.5 سم.

ده بجانب كده فى هزه جامدة فى السيارة مع الفرملة. لما قولتلهم كدة راحوا خارطوا الطنابير الأمامية ولسا فيه هزة ولسه الدواسة مش على وضع ثابت.

إلى أنا عارفوا أن عدم إنتظام الدواسة ده معناه ان فى تهريب فى المساتر.

هل فى طريقة الواحد ممكن يتأكد منها أن المساتر سليمة؟

آسف إنى طولت بس الموضوع مقلق جدا. ربنا يستر طريقنا جميعا.. شكرا

[Anxs111]

أنا استفدت كتير من مواضيع حضرتك عن التأجير وعن العربيات. واضح المجهود المبذول في توصيل المعلومات وإيضاحها . ربنا يفتح عليك كمان وكمان .
أحب أضيف معلومه مهمة

هو ماينفعش تقارن سوبارو بمازدا 3 ولا حتى كورلا أو هوندا . ده مش كلام من معجب بسوبارو ، دي حقيقة . لأنها معموله بمواصفات أعلى من كل دول .

سوبارو بتحاول تنافس مع الألماني يعني تقرنها ممكن بغولف .

[محمد عز]

أنا استفدت كتير من مواضيع حضرتك عن التأجير وعن العربيات. واضح المجهود المبذول في توصيل المعلومات وإيضاحها . ربنا يفتح عليك كمان وكمان .

ياسيدى ربنا يكرمك ويعزك

[Mosso]

ده بجانب كده فى هزه جامدة فى السيارة مع الفرملة. لما قولتلهم كدة راحوا خارطوا الطنابير الأمامية ولسا فيه هزة ولسه الدواسة مش على وضع ثابت.

إلى أنا عارفوا أن عدم إنتظام الدواسة ده معناه ان فى تهريب فى المساتر.

هل فى طريقة الواحد ممكن يتأكد منها أن المساتر سليمة؟

بخصوص الهزه,
هل العجل مترصص كويس؟
لو مش متأكد راجع عليه ممكن هو الي بيعمل هزه مع الفرمله

اما بخصوص الماستر اتأكد ان الزيت مستواه مظبوط و انه مبيقلش كل فتره