اسعار قطع غيار سوبارو امبريزا

[Ahmed Hassan]

16. Front doors. 2400
17. Raer doors. 2400
18. Engine hood. 1870

الابواب مالبغ فيها شوية بس ربنا يخليلنا السمكرى خصوصا صاج الامبريزا جامد شوية عن باقى الجديد

21. Clutch set. 1550
22. Wind shield. 6500
23. Rear glass. 4500

طقم الدبرياج الاسطوانة والديسك والبلية ب 1550 لا بجد غالية جدا بالأخص ان الواحد كل شوية هيغيرها لو بيحرق ويفرك فى العربية كتير اما الازاز الامامى والخلفى استحالة السعر غالى موووووووووووووووووت وشبة مستحيل بالنسبة لازاز وبالنسبة لشراءة من برا التوكيل عند المصانع اللى بتفصلة كدا الانتينا اللى موجودة فى الازاز هتتلغى ولا هيكون فى جودة عزل الاصلى ومش هيكون فى جودة الاصلى بس الاصلى مبالغ فية بشكل خيالى بجد بجد :roll: :roll:

طقم الدبرياج سعره معقول لأنك بتتكلم عن عربيه AWD علشان كده التكنولوجيا اللي في الفتيس معقده شويه, و مع ذلك معتقدش ان طقم الدبرياج الأصلي في أي عربيه ياباني تانيه "كورولا او هوندا مثلا" هيفرق عن كده كتير.

بالنسبه للأزاز هوه فعلا غالي جدا جدا.. بس برضو موجود الأمامي عند د. جريش بـ 900

[PRO-DRIVE]

يا جماعه طقم الكلتش بيتحكم في 4 عجلات بتقارنوه بواحد علي 2 !!!!

بالنسبه للفوانيس انا شايف سعرها كويس لان شوف سعر فوانيس كورولا كام ؟؟؟
و قارنه بأمبريزا امبريزا بتيجي بمتور و عدسات و كورولا لا فيها لا متور ولا عدسات فشوف مين حيبقي اغلي

[sameh.acc]

يا استاذ تربو هو هو اللى بيتحكم فى ال 2 هو اللى بيتحكم فى 4 لانها الدفع الرباعى continuos يعنى مستمر يعنى نعتبرها عربية امامى وفية كرونة بتنقل الحركة من قدام لورا بس مبتفرقش فى حاجة على ما اعتقد الا لو تكنولوجيا مختلفة يعنى اى طقم كلتش بيتكون من بلية وديسك واسطوانة بسسسسس فى جميع العربيات اللى شوفتها نفس الموضوع الا بقى لو مبتتكونش من بلية واسطوانة وديسك كدا ساعتها يبقى معلش وتبقى تستاهل كل مليم فيها ياريت حضرتك تتأكد من الموضوع دة

[sameh.acc]

الفوانيس كويسة والله مفيهاش مشكلة بس كانت فعلا تبقى منافسة لو ليها تقليد برة التوكيل علشان مش كل الاوقات الواحد يضمن يبقى معاه فلوس لفانوس ومظنش شكلها هتجى على فانوس بس يعنى لو لاقدر الله حادثة امامية يبقى فانوس واكصدام وممكن كبوت وممكن يبقى كمان رادياتير فى الحالة دية الموضوع هيدخلة فى 6 الاف جنية واحنا لسة منعرفش قيمة الرادياتير بكام وعلى ما اتوقع مش هيبقى رخيص مشكلتها انها عايزالها مستورد محترم يجيب قطع الغيار ويبيعها برة التوكيل بأسعار مخفضة زى الانسر ساعتها السوبارو مفيش عربية هتقف فى طريقها خالصصصص مهما كان نوعها

[PRO-DRIVE]

يا استاذ تربو هو هو اللى بيتحكم فى ال 2 هو اللى بيتحكم فى 4 لانها الدفع الرباعى continuos يعنى مستمر يعنى نعتبرها عربية امامى وفية كرونة بتنقل الحركة من قدام لورا بس مبتفرقش فى حاجة على ما اعتقد الا لو تكنولوجيا مختلفة يعنى اى طقم كلتش بيتكون من بلية وديسك واسطوانة بسسسسس فى جميع العربيات اللى شوفتها نفس الموضوع الا بقى لو مبتتكونش من بلية واسطوانة وديسك كدا ساعتها يبقى معلش وتبقى تستاهل كل مليم فيها ياريت حضرتك تتأكد من الموضوع دة

لا الكلتش اللي في امبريزا بيوزع نسب للعجلات مش ثابت في فترات بيدي كل عجله قوه لوحدها غير التانيه عشان يديها ثبات علي المنحنيات

و عشان التراكشن عشان كدا سوبارو مش بتحتاج تراكشن الكتروني

[PRO-DRIVE]

و علي فكره الرادياتير تقدر تغيره بسهوله من شركه تانيه بيكون اكبر و بيدي تبريد احسن و التقليد منه حيكون ارخص
بس مش عارف هل في حد هنا بيجيب قطع التزويد دي ؟؟؟

[mohaismail]

العربية ممتازة جدا
قطع الغيار غالية جدا جدا جدا
انا معايا صنى واول لما جبتها اتكسر فانوس خلفى غيرته فى التوكيل ب530 جنيه
امبريزا لو قطع غيارها بقت زى بقيت اليابانى هشتريها تانى يوم وانا مغمض انما كده كتيييييير

تم التعديل بواسطتي
أحمد حسن

[sameh.acc]

لا لو كدا يبقى تستاهل كل مليم فعلا انا لسة شايفها النهاردة فى شارع السودان ماشاء الله بطة ماشية ع الارض والله تحس بالثبات اللى فيها وهى ماشية قدامك ياااااااااااه لو قطع الغيار ياااااه والله اجيبها على طووووووووووووول بدون تردد الحلو ميكملش جارى بيقولى السوبارو امبريزا محققة اعلى مبيعات فى العالم فى اسرائيل والناس دوول معروف انهم مابيركبوش اى حاجة كدا وخلاص وليهم معاييرهم الخاصة وبيقولى العربية تحفة ومنتشرة هناك جدا هو بحكم سفرة انو تاجر قطع غيار و فلسطينى بيروح هنا وهناك حتى قالى سوبارو منزله موديل هناك اسمه سوبارو ليجاسى بيقولى مالهاش حل قالى اتوكل على الله وهات الامبريزا مش هتندم وقالى يوم متفكر تغير حاجة فيها كمان 5-6 سنين بدون مبالغة .... ربنا يسهل انا ممكن انزل اعملها تست درايف فى كلا الاحوال

[PRO-DRIVE]

^^^ اكبر مبيعات لسوبارو في الشرق الاوسط في 3 دول علي الترتيب 1- اسرائيل 2- سلطنه عمان بفرق بسيط عن اسرائيل 3- الكويت

[badblood]

فعلا قطع الغيار غاليه جدا
معقول فلتر البنزين بـــ 200 جم
صعبه شويه بس عربيه تحفه

[Ahmed Hassan]

فعلا قطع الغيار غاليه جدا
معقول فلتر البنزين بـــ 200 جم
صعبه شويه بس عربيه تحفه

فلتر البنزين للانسر بـ 450

و دي اسعار عاديه لأن فلتر النجيكشن مش زي الفلتر العادي.

[3mr Farrag]

طيب يا جماعه الاجزاء الميكانيكا فيها اسعارها ايه؟؟؟؟
يعني مثلا ذي علبه الدريكسيون....
و هل فيه قطع غيار استيراد و لا صعب؟؟؟

[elbasha_ayman]

والله هيا عربيه فعلا جامده اووووووووووى انا عن نفسى جربتها مع صديق ليا فعلا اداء رائع ولا يوجد وجه مقارنه بينها وبين فئتها المقارنه الحقيقيه بينها وبين اى فئه اعلى اداء فوق الممتاز لكن المشكله فعلا قطع الغيار رخيصه او غاليه مش هيا دى المشكله .. المشكله الحقيقيه فى عدم وجود اجزاء مهمة جدا من السيارة وربنا يوفق يارب

[Ahmed Hassan]

ايه هيه الأجزاء المهمه الغير موجوده؟ لو موتور كامل او فتيس مثلا طبعا مش هيكون موجود و بيتعمل بيه طلبيه. لكن اي قطعه لازمه للعمرات مثلا او العفشه و الاجزاء الميكانيكيه المستهلكه كلها موجودهو ده غير الصاج و الفوانيس طبعا. بس طبعا كل ده في التوكيل.. بره التوكيل جديد معنديش فكره.. لكن استيراد موجوده بس قليله.

[khalid_adel]

احب اضيف
فلتر البنزين ب 160 مش 200
وبالنسبه للاسطوانه والديسك والبليه (اصلي محتاج اغيرهم بس لسه شويه عليهم ) المهم دون بيكلفو 2000 جنيه والمصنعيه بتاع 300 جنيه والضريبه وكده يعني قول بتاع 2400 جنيه بس من غير (ابقى راضي الرجاله )
وانا تقريبا مفروض اغيرها عالصيانه الجايه (صيانه ال 90 الف ) قولولي بقى مين اللي قال انهم ب 1550 جنيه ده ؟؟؟؟