استشاره على الامبيزا

[Aladdinoo]

السلام عليكم
انا جديد في موضوع العربيات فيا ريت تساعدوني
انا معروض عليا امبيزا موديل 2005 حالتها حلوه جدا
هيه رشه وش نضافه و دواخل فبريكا....1600سي سي......85 الف كم ...... فول اوبشن اوتوماتك
يا ترى سعرها يكون في حدود كام كويس
و الموتور كده كويس ولا ايه؟؟؟؟؟؟

[ahmad7610]

لو هى فعلا موديل 2005 يبقى أنصحك تاخدها ... صحيح 85 الف كيلو مش لقطة فى 4 سنين لكن أهم حاجة حالة الموتور تكون كويسة مش متهانة ..
-
اكشف على العربية كويس فى التوكيل و اتأكد ان الخبطات بعيدة عن حوض الموتور وان المساعدين حالتهم كويسة و العربية من تحت مفيهاش أى خبطات و يفضل الكشف الكامل فى الوكيل فى جسر السويس
-
تتأكد ان العربية 2005 إن الدركسيون يكون فيها 3 ذراعات وفيه علامة سوبارو مش 4 ذراعات زى 2004 ( و2004 كمان كان مكتوب فى الدركسيون subaru مش العلامة )
كمان تابلوه 2005 زى 2006و 2007 فيه دواير للتحكم فى التكييف مش بكر أسود زى 2004
-
ده بكر تكييف 2004 و 2003 و أول موديلات من 2005

--------------
وده بكر تكييف موديلات أخر 2005 و 2006 و 2007
-
-----------

-
المهم سعر العربية دى أعتقد فى حدود 75 ألف جنيه لو حالتها ممتازة ممكن يقل عن كده 5 الاف لو حالتها مش ممتازة

[mantoros]

excellent car
good price is aroud 75000-80000 if excellent condition

dr.shamel soaida

[Aladdinoo]

الف الف شكر يا باشا
انا ان شاء الله هنزل ابص عليها تاني و اشوف و ربنا يعمل الي فيه الخير
بس انا حاسيت انك اتحمست اوي عشان هيا 2005 ممكن من باب الفضول اعرف ليه

[mantoros]

سوبارو امبريزا جديدة تماما........اول استلام و ترخيص 10/2008 (مخزون عند التوكيل)
الشكل الجديد متل ال2007 لون سماوي ميتاليك رائع
فابريقة بالكامل
جميع الكماليات
اوتوماتيك
سنتر لوك
4 زجاج كهرباء
مرايات كهرباء
تكييف اوتوماتيك كليمت كونترول
باور ستيرنج
سي دي كينوود جديد بالضمان double din
كراسي جلد
حساسات ركن
فوج لايت
2 ريموت كونترول أصلي
بطارية اصلية جديدة من التوكيل
جنوط سوبارو اصلية 15 انش
كاوتش ميشلين الماني اصلي

ضمان التوكيل أبو غالي 3 سنوات حتي أخر 2011
3 شهور ترخيص و تأمين شامل

فقط 14,000 كم استخدام بسيط لطبيب (العبد لله) خلال العشرة شهور السابقة

سعر نهائي لظروف السفر 110,000 جنيه مصري كاش

ارجو للجادين الاتصال مباشرة علي المحمول

د. شامل سعيدة
0105030002

[ahmad7610]

الف الف شكر يا باشا
انا ان شاء الله هنزل ابص عليها تاني و اشوف و ربنا يعمل الي فيه الخير
بس انا حاسيت انك اتحمست اوي عشان هيا 2005 ممكن من باب الفضول اعرف ليه

بصراحة لأنى معجب جدا بالموديل ده .. وأحسن مجموعة نزلت فى الشكل ده كانت موديلات أخر 2004 و موديل 2005 وتميزت موديلات 2004 و 2005 بأن الفوج كبير وفيها زرار تعلية وتوطية النور و فوج خلفى و فيها abs أما موديل 2005 فتميز بأنه نفس تابلوه 2007 و الدركسيون الجديد 2006 ...

[mantoros]

i also think that 2006 and 2007 had much better shape than 2008 or 2009.....sedan offcourse

dr.shamel soaida

[Aladdinoo]

الف شكر يا رجاله على ردودكم الي خلتني خلاص قررت اشتريها و ان شاء الله اخر الاسبوع هبقى امبريزاوي
بس محتاج استفسار صغير كمان
جوز المساعدين الامامي بيكلف كام ؟؟ عشان فيهم واحد مش مظبوط
و لو حد عارف صيانه التمانين الف بتكلف كام يبقى هاااااااااااايل

[khalid_adel]

انت جيت في اغلى حاجه وبتسأل بص هو تقريبا المساعدين كان الجوز ب 1600 بس ممكن يكونو رخصو عشان سمعت ان قطع الغيار في كتير رخصوه
اما صيانه ال 80 حسب هو عمل ايه المهم لو مكنش عمل السيور والكاتينه والبلي يبقى بتككلم في 2000 جنيه او اقل شويه بس هو المفروض عملهم في 70 او 75 ولو عملهم يبقى تمام اخرك بوجيهات وزيت ودون عادي طبعا

[Mosso]

بص هما في التوكيل يعملوا 1760 بالضريبه,
اصلي لسه مغيرهم,
بس هو حضرتك عرفت ازاي ان واحد منهم مش مظبوط؟؟

[Aladdinoo]

الف شكر على ردكم السريع
بس مش كده سعر المساعديين غالي شويتين
بالنسبه لموضوع ان واحد من المساعدين مش مظبوط فانا عرفت لما كشفت على العربيه في بنزيمه "لان مواعيد التوكيل مش مناسباني للاسف" فقالولي ان المساعد الشمال قدام فيه درجتين و ممكن يحاول يظبطهولي شويه بس مش هيظبط ميه في الميه. ده غير انها بتحدف سنه يمين وانا ماشي بيها.
بس بصراحه انا قلقت من موضوع تظبيطه بزرجينه ده ..... و مع سعر المساعديين ده شكلي هضطر اعمل كده مؤقتا
ايه رأيكوا ؟؟

[Mosso]

اهو عشان كده بقه كنت بسأل حضرتك و كنت متأكد ان اجابة حضرتك من بنزينه,
ارجوك متخليش اي حد في اي بنزينه يلعبلك في العفشه بالذات,
انا عايز اقول لحضرتك اني غيرت مقص و مساعدين امامي و بعد ما غيرتهم رحت اكشف زوايا عشان اطمن على العجل الخلفي و ليس الامامي,
لقيته جايبلي تقرير و ارقام و ورقه كبيره و عايز يعملي زرجينه على المساعد الي انا لسه مغيره في التوكيل !!!!
انا عايز من حضرتك حاجه,
اول حاجه تأكد من ضغط العجل كله
امامي 30 و خلفي 29 ( يستحسن نيتروجين )
لو لسه الحدفه موجوده معلش حضرتك حاول تقتنص اي وقت فاضي لحضرتك و تروح التوكيل
بالمره تكشف على العربيه كلها و تعرف عملت صيانات ايه و ايه الي لازمها عشان تفتحلها صفحه جديده في الصيانات و تسألهم على موضوع الزوايا ده,
لان الي اعرفه انها اصلا بتتظبط من غير زرجينه
و نصيحه ابعد عن اي بنزينه سواء في الزوايا او الكاوتش,
و لو حضرتك عايز ظبط روح لمركز متخصص لظبط الزوايا يكون جهازه سليم و يكون عنده على الكمبيوتر حسابات السوبارو الامبريزا 2005-2006-2007
و متقلقش المساعدين بتاعة العربيه بسم الله ما شاء الله بتستحمل و مبيتفكرش فيها من قبل 100000كم

[Ahmed Hassan]

مصطفى... العربيه موديل أقدم من 2006... يعني الجنوط اللي فيها 14... متأكد ان الهواء بتاعهم 30/29 زي الجنط الـ 15 ؟

[Mosso]

ايوه يا استاذ احمد,
مكتوب في الكاتالوج ان من اول مقاس 14 لغاية 16 امامي 32 و خلفي 29 بس انا قلت 30 لان 32 بتبقى ناشفه جدا على الطرق بتاعتنا