جودة دهان امبريزا موديل 2009

[tsakr1979]

عيد سعيد على أحلى شباب
انا عندي امبريزا موديل 2009 لونها شامبين وملاحظ حاجة غريبة جدا ,
الدهان بتاع الاكصدامات ضعيف جدا , الحواف بتاعت الاكصدام أغلبها تقشر وبان لون الفيبر الاسود تحته
يا ترى حد غيري ظهر عنده المشكلة دي ؟
يا ترى حلها ايه , يعني لازم تترش الاكصدامات كلها ولا ممكن التقشير ده يتعالج

طارق صقر

[ahmad7610]

ربنا يباركلك فى العربية و اختيار موفق ..
-
معظم عربيات 2009 اليابانى اكصدامها ورق و دهانها ضعيف بس مش للدرجة دى ... أكيد حد ريح على عربيتك أو حد ابن حلال وهو بيركن علم على الاكصدام ..
-
لكن الدهان مش بيوقع لوحده ولا حاجة .. هو ضعيف و من أأقل حكة بيبان الفيبر ده صحيح .. لكن ده حال كل الاكصدامات الفيبر ..
-
الموضوع طبعا له حل ممكن ترش كله بس حرام يعنى .. ممكن واحد كويس يعالج الخدوش دى بنفس درجة اللون .. طبعا مش حيبقى بنفس لمعة الأصلى .. لكن على الأقل مش حيبقى أسود

[tsakr1979]

الله يبارك فيك يا أحمد بيك ,
المشكلة أن التقشير مش بسبب خبطة أو حكة , ده في حرف الاكصدام من الاجناب ومن تحت
حاجة بصراحة تفقع
بعد العيد أن شاء الله هروح التوكيل واشوف رأيهم ايه

[mantoros]

don't mind such trivial issues.........most bumpers are like this............the car is a legend

happy eid

[tsakr1979]

العربية فعلا تحفة يا دكتور شامل ,
بس أصل تمنها لسة مبردش

[khalid_adel]

الف مبروك على العربيه الاول وربنا يباركلك فيها
بالنسبه للدهان كان في موضوع عن مشكله في الدهان بس كان في الامبريزا موديل 2008 وكان في سريال للعربيات دي واللي كان منهم بيروح التوكيل يعالج له الموضوع ده وبيحطو طبقه بلاستيك شفافه على صاج وده كان في الرفارف الخلفيه بالذات
اما موضوع الاكصدامات ده انا مسمعتش عنه مشكله بس جايز يكون بسبب الدهان او من انك بتمشي في طرق فيها رمله كتير
في كل الاحوال روح التوكيل ووريهم الموضوع وهما اكيد هيعالجوه او على الاقل هيوقفوه عشان مايزدش منك

[ouba2]

الف مبروك علي العربية

[ahmad7610]

مش عارف ممكن يطلع عندك كده ولا لأ ..
-
أنا شخصيا مش بخرج بالعربية كتير وبأغسلها فى الجراج بنفسى .. لاحظت إن العربية أحيانا فيها خرابيش من تحت وعند الفوجات بالطول .. من غير سبب ... فى الاخر اكتفشت ان القطط هى اللى عملت كده .. تخيل ؟

[tsakr1979]

الله يبارك فيكم ,
تصدق إن ممكن فعلا موضوع ال قطط ده يطلع هو السبب .
بس ال مشكلة أن الدهان شكله زي مايكون متقشر مش باين فيه أي خربشة , عموما انا هروح الصيانة في المعادي يوم السبت إن شاء الله واشوف رأيهم ايه

[Samir_Adel]

بجد حرام!
ان انت عايز تجيب بويا علي الأكصدامات.. دي عربية محترمة و موديل 2009.. يعني قيمتها هتنزل جامد جدا! 98% من اكصدامات العربيات في مصر مجرحة و البوية واقعة و الفيبر باين.. سيبها فابريكة كدة و انسي.