استهلاك البنزين في امبريزا 2009

[tsakr1979]

مساء الفل شباب
يا ترا استهلاك البنزين عامل معاكم ايه ؟
انا عربيتي بتعمل تقريبا 190 كم في الصفيحة مع أن اغلب مشاويري طوالي بعيد عن الزحمة
يا ترا ده كويس ولا كتير ؟

طارق

[Ahmed Hassan]

العربيه عموما استهلاكها عالي شويه سواء كانت 2007 أو 2009 مقارنه بمعظم العربيات الـ 1600 و الـ 1500. بس لو مشاويرك طوالي زي ما بتقول يبقى كده انت رجلك تقيله شويه على البنزين. تابع الاستهلاك على الشاشه عندك و حاول تظبط رجلك شويه.

العامل التاني اللي بيزود الاستهلاك هوه استعمال بنزين 92 بدل 95

[khalid_adel]

بص بالنسبالي انا في حدود من 180 لحد 250 في الصفيحه وده حسب دوستي على البنزين لانها بتستهلك بنزين جامد لو بتجري وحارق وكده انا لما بكون مسافر ومثبت 90 او 100 وفاتح التكيف (بحس انه مش بيفرق التكيف ) ممكن توصل ل 250 كم في الصفيحه
وعلي العكس مره كنت مثبت 200 على الطريق لقيتها خدت حوالي 25 لتر في 140 كيلو بس شوف الفرق الرهيب ده كله عشان السرعه

[mohammedwa]

هو لازم لازم بنزين 95........

[tsakr1979]

امبارح حطيت بنزين 95 , لأول مرة ادفع 145 جنيه في بنزينة .
طبعا سحب العربية اتحسن جامد بس استهلاك ال بنزين مااتحسنش اوي يعني , بدل ما كان 190 كم مع ال 92 بقى 200 كم مع ال 95

[Ahmed Hassan]

امبارح حطيت بنزين 95 , لأول مرة ادفع 145 جنيه في بنزينة .
طبعا سحب العربية اتحسن جامد بس استهلاك ال بنزين مااتحسنش اوي يعني , بدل ما كان 190 كم مع ال 92 بقى 200 كم مع ال 95

راقب عداد معدل الاستهلاك و اتاكد انك مش دايس جامد على دواسة البنزين. هتلاحظ انك ممكن تحافظ على نفس السرعه باستهلاك اقل