امبريزا 2008 تقيم

[wawoo]

اهلا يا شباب ..ليا صديق معروض علية سوبارو امبريزا اوتومتك موديل 2008
هى السيارة كملة ولونها ازرق
فيها 6 ايرباج "او 8 مش فاكر " تقريبا و عجلة القيادة جلد فيها كروز كونترول بس بدون تحكم فى الراديو سى دى "مش عارف ازى فيها كروز و مافيهاش تحكم فى الكسيت "
و المرايات ضم كهربى
و الفرش قماش عادى
السيارة عامل 31 الف كيلو
بس فى صدا و مخبوطة عند العتب نحية الشمال تحت خالص و فى شرخ فى كسر زجاج فانوس الشبورة الامامى .
العربية المفروض فيها سنة كمان ضمان , مش عارف دى تبقى الشكل القديم ولا الجديد و انهى فئة
بالضبط و هل فى حاجات معينة يكشف عليها او كدة .

العربية على كلامة شكلها كويس بس هو طبعا معندوش خبرة فى السوبارو او توكليها و طلب منى النصيحة
و مطلوب فيها 107 الف

افيدونى يا خبراء السوبارو ...

[Ahmed Hassan]

العربيه فعلا بتنزل بكروز كنترول من غير اوديو كنترول.. بس بيركب في التوكيل بسهوله جدا.
الصدا اكيد مكان الخبطه لان الدهات اتشال.. صح؟ مظنش دي مشكله.. يعني تتعالج بسهوله.
العربيه 2008... يعني الشكل الجديد و هوه نفس شكل 2009 و هيكون نفس شكل 2010 باذن الله.

بالنسبه للسعر هديلك مثال و انت تحدد:
فيه عربيه 2009 RK سيدان و راكب فيها الاوديو كنترول و كار كيت في التوكيل و مرايه صالون auto dimming و العربيه ماشيه 20000 كم و صاحبها طالب فيها 125000 جنيه

[ouba2]

يلا علي بركة اللة بس حاول تنزل السعر ل 100 مثلا

[wawoo]

شكرا يا شباب على الافادة

بس انا من متابعة قسم السوبارو و الانترنت وجدت بعض الملاحظات دى:

-قطع الغيار غالية جدا فى بعض القطع و الصيانات بعد 40 الف مكلفة شوية
-صوت الموتور عالى فى السرعات
-استهلاك الوقود مرتفع الى حد ما ,مش اقتصادية قوى
-الكنبة الخلفية مش مريحة قوى و دة حتكون مشكلة فى مطبات مصر المحروسة .


العربية اهم مميزتها الثبات بس هو مش حيجرى بيها او يسافر كتير , اغلب تحركاتة جوة البلد , مش عارف كدة حتكون سيارة مناسبة ولا يجيب حاجة يابانى اخرى زيرو بزيادة شوية فى السعر .

رايكم اية ...

[Ahmed Hassan]

شكرا يا شباب على الافادة

بس انا من متابعة قسم السوبارو و الانترنت وجدت بعض الملاحظات دى:

-قطع الغيار غالية جدا فى بعض القطع و الصيانات بعد 40 الف مكلفة شوية
-صوت الموتور عالى فى السرعات
-استهلاك الوقود مرتفع الى حد ما ,مش اقتصادية قوى
-الكنبة الخلفية مش مريحة قوى و دة حتكون مشكلة فى مطبات مصر المحروسة .


العربية اهم مميزتها الثبات بس هو مش حيجرى بيها او يسافر كتير , اغلب تحركاتة جوة البلد , مش عارف كدة حتكون سيارة مناسبة ولا يجيب حاجة يابانى اخرى زيرو بزيادة شوية فى السعر .

رايكم اية ...

بالنسبه للنقاط اللي فوق:

- قطع الغيار غاليه بس زيها زي الكورولا, السيفيك, أو حتى الانسر في حالة قطع الغيار الاصليه من التوكيل. انا عربيتي داخله على 60000 كم و مفيش صيانه كبيره اتعملت. اكبر صيانه عملتها كانت الـ 40000 كم و مفيهاش حاجه اتغيرت غير فلتر البنزين و مش فاكر سعره بس في حدود 300 جنيه.
- صوت الموتور على السرعات عادي. عالي لو بتشد جامد بس.. بس بعد ثبات السرعه طبيعي جدا.
- استهلاك البنزين فعلا اعلى شويه من معظم سيارات نفس الفئه.
- الكنبه في موديل 2008 و 2009 مريحه. 2007 هيه اللي كانت ضيقه شويه.

طالما الرجل مش هيسافر و مش هيجري يجيب عربيه تانيه زيرو احسنله خصوصا لو مش غاوي

[khalid_adel]

ماشاء الله عليك يا احمد دايما سابقني كده يا باشا يا كبير
انا رأي نفس رأي احمد بالظبط وبالنسبه لصاحبك فهو شكله عايز عربيه في اللذيذ او خفيفه كده فاعتقد يشوفلو سيراتو مثلا او نظرائها
لان السوبارو شكلها كده مش حتاكل معاه اصلها فئه بذاتها بس الفئه دي ليها تمن او اسلوب برضه مختلف عن الباقي

[wawoo]

شكرا يا احمد باشا و خالد باشا على الاهتمام و الرد .

هى السوبارو امبريزا بتيجى بكاوتش نوعة اية عادة فى مودلات 2008 دى ؟

[khalid_adel]

اول 2006 اللي كانت معايا كانت نازله ب ميشلان
ومن بعديها بقو بيستخدمو بريدجستون لحد دلوقتي على ما اعتقد

[wawoo]

هو تيل الفرامل بيتغير بعد اد اية فى الامبريزا دى ؟

[Ahmed Hassan]

الكاوتش 2006 و 2007 ميشلان
2008 و 2009 بريدجستون

انا غيرت تيل على 32000 في 2007 مانيوال
عربية صديقي 2009 اوتوماتيك ماشي 20000 و لسه مغيرش تيل

[heartman]

مساء الخير
يا جماعة انا بحاول اوصل لتقييم للسوبارو سيدان 2009 بس مش لاقى حد كتب تقيم عنها ... ممكن حد يقولنا اية مميزات العربية 2009 وعيوبها وشكراا

[ELzanatti]

العربيه فعلا بتنزل بكروز كنترول من غير اوديو كنترول.. بس بيركب في التوكيل بسهوله جدا.
الصدا اكيد مكان الخبطه لان الدهات اتشال.. صح؟ مظنش دي مشكله.. يعني تتعالج بسهوله.
العربيه 2008... يعني الشكل الجديد و هوه نفس شكل 2009 و هيكون نفس شكل 2010 باذن الله.

بالنسبه للسعر هديلك مثال و انت تحدد:
فيه عربيه 2009 RK سيدان و راكب فيها الاوديو كنترول و كار كيت في التوكيل و مرايه صالون auto dimming و العربيه ماشيه 20000 كم و صاحبها طالب فيها 125000 جنيه

كنت عايز اسال ازاي اركب الاوديو كنترول و كار كيت و مرايه صالون auto dimming
مع العلم انا معايا 2006

[khalid_adel]

انا معايا 2006
الاوديو كنترول --- حاطط الريموت في مكان الكب هولدر واي حاجه بمد ايدي وانا ساند وبقلب
الكار كيت --- عامل وصله اوكساليري من الكاسيت وبوصلها بالموبايل ( لازم يكون بيركبله جاك 3.5 مللي ) وعايش حياتي بقفل الازاز وبرغي عن طريق السماعات للصبح
مرايه اوتو ديم --- مفيش احسن من المانيوال لما تلاقي الدنيا ضلمه واللي ورايا ضارب العالي بكل سهوله (تك) الدنيا تظبط ولو عايز اشوفه كويس (تك) اشوفه اوضح
شفت بقى كله اتحل ازاي المهم مدايقش نفسك كلها حاجات بسيطه ( والجيش والشغل قالك اتصرف )

[Ahmed Hassan]

كنت عايز اسال ازاي اركب الاوديو كنترول و كار كيت و مرايه صالون auto dimming
مع العلم انا معايا 2006

الكار كيت و المرايه ممكن.. لكن الاوديو كنترول على السي دي الاصلي لأ