السوبارو والهوندا

[mohammedwa]

احلا سلام لشباب نايل موتورزالكرام اللي استفدت منه في حاجات كتييييييييييير وخلاني اعشق حاجه اسمها سوبارو اولا انا معايا سيتي 2008 (الشكل القديم) واستعمالي نظيف مع العربيه و عايز انزلها صور بس مش عارف يا ريت لو حد يقولي ازاي........المهم جه اليوم اللي هنشتري فيه عربيه تانيه والاختيارات اللي اودامي يا سيفيك وده راي الحج وجيه(بابا) وانا راي الامبريزا بس في حاجات مقلقاني وهي
بالنسبه للسيفيك انها واطيه وده مينفعش في شوارع مصر الهايله وان متعود على السيتي اللي تعتبر عاليه عن الارض وتسد في اي مطب وبالنسبه للامبريزا بعد التدقيق و التفحيص هي عربيه تتسم بالثبات العالي بس الخوف من استهلاك البنزين ونوعه ...ويا ريت اللي يكتب استهلاك البنزين يوضح براحه كده علشان انا مبفهش اللغه اللي هيا20لتر في 100 الكيلو والكلام ده يعني مثلا يقولي التفويله بكام وده وهو هادي ولا مع شد وحرق واخيييييييير بعد ام تعبتكو معايا شكرا ومستني رايكم........
محمد وجيه

[khalid_adel]

بص يا جميل الكلام الجاي ده يعبر عن وجهة نظري ورأي وتجربتي فقط عشان محدش يزعل
طبعا السيفيك عربيه حلوه وجميله والسوبارو نفس الكلام بس اكيد في فروقات بينهم
يعني الاتنين توب في الفئه بتاعتهم
انا معايا سوبارو 2006 بقالها معايا 4 سنين
وكان معايا سيفيك 2009فتره كويسه وشايفل اني ممكن احكم عليها بالذات اني عملت بيها كللللل حاجه :) تجربه بافترا
المهم في السيفيك فعلا عربيه واطيه لدرجه كنت فاكر ان السوبارو اوطي عربيه بس لقيت دي اوطي منها وحكت في طريق الواحات كان فيه بروزات وانا بجري عليه لقيت طاخ جامده اوي من تحت مع ان الامبريزا بعدي علي نفس الحته ونفس السرعه وماشاء الله مسمعتش حاجه
وانا بجري بالسوبارو بجيب لحد 180 وفاتح الازاز عادي جدا مبحسش باي حاجه ( ماشاء الله فعلا ايرودينامكس هايل ) او نقول انسيابيه رائعه في الهوندا نفس الطريق واول ما اجيب 140 وانا فاتح الازاز اسمع صوت ترزيع من الهوا ولو جبت 160 مش بقدر استحمال بجد وبضطر اقفله وياسلام لو فتحت الازاز فجأه وانت بتجري ممكن تتخض وتنط من العربيه على عكس الامبريزا بجد بفتحه وانا 180 وعادي جدا جدا
القاعده وانا جوه العربيه في السيفيك بحس من القوايم ان الروئيه ناقصه جزء كبير اوي ده وحصلي كذا موقف خطر بسبب الموضوع ده الحمد لله ربنا ستر
القاعده على الكرسي نفسه مرتحتش فيه لانه مش ماسكني كويس كده زي الامبريزا ده غير اني لو وطيته بحس اني مش شايف حاجه على عكس الامبريزا برجع الكرسي ومنزله وشايف كويس واكيد مرتاح اكتر في القاعده ( بس ممكن تكون دي نقطه تعود )
اكيد برضه السيفيك افضل في السحب من الامبريزا
بس الثبات في الامبريزا افضل من السيفيك ده غير انها مريحه اكتر
السيفيك اوسع من الامبريزا شويه
وبالنسبه للبنزين الاتنين يقبلو 92 عادي والاتنين بستهلكو كتيير لما تحرق والعكس لما تمشي عادي محستش ان الامبريزا اكتر في الاستهلاك حتي مع الحرق الاتنين تقريبا واحد
بس يا سيدي وبأمانه لما اخويا جه يبيعها قعدت افكر كتير قوي اني اسيب الامبريزا موديل 2006 واخد السيفيك 2009 بس بجد بجد ملقتش حاجه تخليني اروحلها حتي مع انها موديل احدث ولسه كانت زيرو تقريبا بس الحمد لله اللي جرب السوبارو 4 سنين ميقدرش يتنازل عنها غير لو كان غصب عنه بس

[MomoMedo]

عشان تحمل صور الاول ترفعها على موقع تحميل صور زي

http://4image.info

او
PostImage.org - free image hosting / photo sharing / upload pictures
او في مواقع تانية كتير
وبعد كدة تختار الكود الخاص بالمنتديات اللي هو bbcode وتعملو كوبي وتحطه في موضوعك ..

تحياتي

[saffey]

أنا كان عندى نفس مشكلتك
أنا كان معيا إمبريزا 2007 وبعتها لظروف خاصة
ودلوقتى بشترى
وبعدمقارنات وتفكير عميق وقراءة مقارانات وآراء ناس كتير قررت أجيب إمبريزا تانى
العربية جميلة ولما تتعود عليها صعب تقتنع بأى عربية تانية
أنا أعد بالسوبو سنتين وكنت مرتاح جدا. العربية تحفة فعلا
أنا أن شاء الله هجيب ال2009 رغم أن الناس بتقول إنها مش زى ال2007 فى الثبات بس معظم الناس أجمعت انها ثباتها احسن من الهوندا
طبعا الهونداعربية تحفة برده بس انا بشوف أن السوبارو بالنسبة ليا احسن
أما موضوع البنزين فدا طبيعى إن السوبارو لازم تستهلك بنزين اعلى لسببين"
1- السوبارو جر رباعى و ده بيحتاج جهد اعلى من المتور (الجهد = طاقة = بنزين)
2- وزن السوبارو اكثر من وزن السيفيم ب200 كيلو. طبعا ده بيأثر على الثبات وعلشان كده بتوع هوندا وطوا العربية ونشفوا العفشة أوى علشان يزودا ثبات العربية

وتحت امرك فى أى معلومة او مساعدة

[medo_2060]

والله العربيتين اكثر من روعه فى الاداء وكل حاجه ماشاء الله انا دايما اى مقارنه ليهم مع الكورولا او الشارك او المازدا 3 بختار الى موجوده منهم بس انت كدا حطتنى فى موقف محرج كانك بتقولى ابوك ولا امك هههههههههه زى ماقلتلك العربيتين ممتازين وان كنت الى بشترى هميل للسيفيك شويه

[Ahmed Hassan]

أنا كان عندى نفس مشكلتك
أنا كان معيا إمبريزا 2007 وبعتها لظروف خاصة
ودلوقتى بشترى
وبعدمقارنات وتفكير عميق وقراءة مقارانات وآراء ناس كتير قررت أجيب إمبريزا تانى
العربية جميلة ولما تتعود عليها صعب تقتنع بأى عربية تانية
أنا أعد بالسوبو سنتين وكنت مرتاح جدا. العربية تحفة فعلا
أنا أن شاء الله هجيب ال2009 رغم أن الناس بتقول إنها مش زى ال2007 فى الثبات بس معظم الناس أجمعت انها ثباتها احسن من الهوندا
طبعا الهونداعربية تحفة برده بس انا بشوف أن السوبارو بالنسبة ليا احسن
أما موضوع البنزين فدا طبيعى إن السوبارو لازم تستهلك بنزين اعلى لسببين"
1- السوبارو جر رباعى و ده بيحتاج جهد اعلى من المتور (الجهد = طاقة = بنزين)
2- وزن السوبارو اكثر من وزن السيفيم ب200 كيلو. طبعا ده بيأثر على الثبات وعلشان كده بتوع هوندا وطوا العربية ونشفوا العفشة أوى علشان يزودا ثبات العربية

وتحت امرك فى أى معلومة او مساعدة

بتركب مانيوال و لا اوتو؟

[saffey]

بتركب مانيوال و لا اوتو؟

لأ أتو يا فندم

[Ahmed Hassan]

لأ أتو يا فندم

طيب بما انك كان معاك 2007... جرب الـ 2009 قبل ما تشتريها.

و لو عايز واحده ار كيه سيدان واحد صاحبي بيبيع عربيته

[mohammedwa]

ايه رايكووووو..

[mohammedwa]

اه شكرا يا momomedo على معلومات الصور...عايز اسال سوال يعني استهلاك البنزين في العربيه ديممكن يخليني ابتعد عنها يعني مثلا تفويلتها بكام وبنزين 95 ولا 92 اصل السيتي حلوه في حكايه البنزين يعني التفويله ب 70 جنيه و92 .....وشكرا لتعاونكم

[saffey]

طيب بما انك كان معاك 2007... جرب الـ 2009 قبل ما تشتريها.

و لو عايز واحده ار كيه سيدان واحد صاحبي بيبيع عربيته

أنا جربت العربية أصلها مع واحد صاحبى
وأنا هاجبها قسط إن شاء الله فبيتهيألى مش هاينفع أشترى من صحباك عربيته، شكرا على إهتمامك
مكمن بس أعرف هوا بيبع العربية ليه؟ هل فى حاجة مضايقة منها؟
شكرا

[saffey]

اه شكرا يا momomedo على معلومات الصور...عايز اسال سوال يعني استهلاك البنزين في العربيه ديممكن يخليني ابتعد عنها يعني مثلا تفويلتها بكام وبنزين 95 ولا 92 اصل السيتي حلوه في حكايه البنزين يعني التفويله ب 70 جنيه و92 .....وشكرا لتعاونكم

غالبا نفس السعر لأن ده بيعتمد على حجم التنك. السؤال المفروض تسألوا دلوئتى التنك بيعمل كام كيلو ؟ :)
طبعا هتلأى السيتى اقل بكتير... السوبو بيتعمل تقربيا على إستخدامى انا (انا حساس اوى فى موضوع البنزين ومش بحب الحرق على العربية) كانت بتعمل ماعيا من 390 كم لحد 440 كم على حسب الطريق والتكيف

[Ahmed Hassan]

أنا جربت العربية أصلها مع واحد صاحبى
وأنا هاجبها قسط إن شاء الله فبيتهيألى مش هاينفع أشترى من صحباك عربيته، شكرا على إهتمامك
مكمن بس أعرف هوا بيبع العربية ليه؟ هل فى حاجة مضايقة منها؟
شكرا

بالعكس... عاجباه جدا بس زوجته خايفه تسوقها مع انها بتسوق كويس... فلما زهق قرر يجيب عربيه نص نص علشان ترضى تركبها

[Ahmed Hassan]

غالبا نفس السعر لأن ده بيعتمد على حجم التنك. السؤال المفروض تسألوا دلوئتى التنك بيعمل كام كيلو ؟ :)
طبعا هتلأى السيتى اقل بكتير... السوبو بيتعمل تقربيا على إستخدامى انا (انا حساس اوى فى موضوع البنزين ومش بحب الحرق على العربية) كانت بتعمل ماعيا من 390 كم لحد 440 كم على حسب الطريق والتكيف

دي الحسابات دي للامبريزا ٢٠٠٧ و لا ٢٠٠٨؟ اصل الاتنين تنكهم اكبر من السيتي الشكل اللي فات ٥٠ لتر و الجديده ٦٠
و الاستهلاك اللي فوق ده لاي واحده فيهم و داخل البلد و لا على الطريق؟

[saffey]

دي الحسابات دي للامبريزا 2007 و لا 2008؟ اصل الاتنين تنكهم اكبر من السيتي الشكل اللي فات 50 لتر و الجديده 60
و الاستهلاك اللي فوق ده لاي واحده فيهم و داخل البلد و لا على الطريق؟

الحسابات ده ل2007 وكانت التفويلة بتعمل 40 لتر والكلام ده للإستخدام العادى جوه البلد و على الدائرى. يعنى تقدر تقول 50% جوه البلد و 50% طرق سريعة