لمالكى و عشاق امبريزا موديل 1998

[khalid_adel]

يااستاذ اكرم الاسعار دي بعد المصنعيه والضريبه ؟؟
على فكره مش غاليه خااااااااالص
انا غيرت في البرافو قبل كده 2 مساعدين الواحد كان ب 980 جنيه من غير ضريبه لسه ولا مصنعيه
يعني الاتنين وقفو عليا ب حوالي 2300
مع الفرق ان البرافو المساعدين والقنطره باظو من مطب بعد شهرين وهي لسه زيرو
اما السوبارو عفشتها جامده اوي عشت بيها 4 سنين كاملين بدخل وبطير من على مطبات وانا 180 ولا 160 ومره وقت في 3 بلاعات (كمين) مره واحده وكانو كلهم مفتوحين ده غير الصحرا والدقات اللي كنت بدخل فيها وكلللللل ده ومفيش اي حاجه باظت في العفشه غير مره غيرت جلب لما حسيت ان العربيه بتعوم سنه
فياريت متحكمش بالغالي ولا رخيص غير لما تقارنهم مقارنه صحيحه وشامله

[bavagardi]

السلام عليكم
انا اشتريت سويارو 97 عربيه شكلها حلو بس عايز اعرف مين بيبع قطع غيرها وبيصلحها غير التوكيل انا ملاحض بردو ان الموتور صوته غريب مكتوم وبيشحر وحاسس ان العربيه بتجرى بالعافيه

[mahmoudselim]

السلام عليكم
انا اشتريت سويارو 97 عربيه شكلها حلو بس عايز اعرف مين بيبع قطع غيرها وبيصلحها غير التوكيل انا ملاحض بردو ان الموتور صوته غريب مكتوم وبيشحر وحاسس ان العربيه بتجرى بالعافيه

الف الف مبروك يا باشا انت ماشاء الله اخترت عربية جميلة جدا جدا
انا معايا 98 هاتشباك اوتوماتيك مبسوط منها جدا والله ربنا يباركلك فيها
ياريت تقولنا شوية معلومات عن العربية اشتريتها بكام وعاملة كام كيلو
عادة ولا اوتوماتيك ومحتاجة تغيير اية فيها؟

بالنسبة لصوت الموتور هو عند الحمدلله هادي جدا مبسمعوش وانا جوا العربية
ودا يمكن بعد ما غيرت بزيت ليكوي مولي لان موبيل وان دا زبالة بصراحة وحطيت السيراتيك.
عامتا انا ان شاء الله غالبا هروح بكرة عند هشام في الظاهر بتاع قطع غيار السوبارو
لو محتاجني اسألك علي حاجة عندة انا تحت امرك

[khalid_adel]

هو ايه حكايه الزيت الجديد ده ؟؟ وهل هو افضل من كاسترول مثلا
يا ريت يا محمود باشا تقولنا الزيت ده منين وعناوينه وايه اخباره معاك

[mahmoudselim]

هو ايه حكايه الزيت الجديد ده ؟؟ وهل هو افضل من كاسترول مثلا
يا ريت يا محمود باشا تقولنا الزيت ده منين وعناوينه وايه اخباره معاك

خالد باشا, اخبار الالفا اية معاك؟ اتباعت ولا لسة!

بص يا سيدي انت عارف ان الاول كنت بستعمل موبيل 1
والعربية عاملة ساعة ما غيرت الزيت 228 الف كيلو
والموتور كان صوتة عالي فعلا سواء علي الصلانسية او في الجري
المهم جبت الانجن فلاش و السيراتيك وزيت تخليقي من ليكوي ومولي
مفيش 2000 كم يا ابو خالد والعربية مبقاش ليها صوت تماما تحس انها جديدة
سواء علي الصلانسية او في الجري او الزحمة بأمانة حاجة وهم فعلا
المهم انا ماقدرش افيدك في الكاسترول لاني ماستعملتهوش
بس انا لو اكنت بدور علي افضل زيت للعربية ماكنتش لاقي افضل من ليكوي مولي
كمان السحب اختلف تماما للافضل واستهلاك البنزين قل بنسبة ملحوظة جدا

انا روحت للموزع الرئيسي خلف الاكادمية البحرية المبني الجديد
بس في كذا موزع في شارع دمشق وهاتلاقيهم حطين علامية ليكوي مولي
بشكل ملحوظ

[bavagardi]

يا باشا الله يبارك فيك
بس انا عندى لمبه الشك انجن منورة ورحت التوكيل كشف وقالى ايدل كنترول 2000 جنيه ومش موجود سالت عليه برة فى الحرفيين لاقته ب400 بس شكله هالكان
العربيه عندى لسه صوتها عالى صوت خشن مش مناعم مثل باقى اليابانى ياريت تقولى انت يتتعامل مع مين من الميكانيكه واشترلها منين قطع غيار علاشان فى حاجات عايز اشتريها مثل اايدل فانوس اشارة اكصدام

[bavagardi]

انا بسمع ان الانجن فلاش ال هو منضف داخلى للمحرك يوثر على الموتور بشكل سلبى ودة على اساس ان به مواد كميائيه توثر على اى شى غير معدن مثل اويل سيل المحرك او اى شى كوتش ممكن يبوز من قوة المنتج