نظام سوبارو للدفع الرباعي المتماثل(اداء امن سيطرة وقدرة علي التحكم)

[adelmagdy]

ان نظام( الدفع الرباعي المتماثل) يمثل قلب مفهوم الاداء النشيط والسلامة النشيطة ,بما يعطي السائق شعور سيطرة معززا,ويغزز قدراته علي المناورة وعلي التحكم ,بحيث يكون قادرا علي الحفاظ علي توازن سياراته في ظروف القيادة الصعب وشركة سوبارو التي تقدم انظمة دفع رباعي في سياراتها منذ اكثر من 30 عاما والتي قدمت نظام (اول ويل درايف) سنة 1987, رفعت سقف انظمة 4*4 اعلي اكثر فاكثر من خلال انظمتها الحديثة للدفع الرباعي المتماثل





* ان مختلف سيارات سوبارو التي تباع في الولايات المتحدة الاميريكية مزودة بنظام سوبارو للدفع الرباعي المتماثل ,وهو نظام يتميز بالدفع الدائم والمستمر للعجلات , وهو يحدد تماسك سيارات سوبارو والشعور بمتعة القيادة .
واللافت انه توجد خمس فئات من النظام المذكور الذي يحمل اسم (سيميتريكال اوول ويل درايف) علما ان كل منها مدروس ليتناسب بالسيارة المعنية وعلبة التروس المعتمدة.

.خمس فئات للدفع الرباعي المتماثل:

تحت شعار (نظام الدفع الرباعي المتماثل) تضع سوبارو خمس فئات للدفع الرباعي في امريكا الشمالية ,اربعة منها تتوفر في طرازي اوتباك وليجاسي الجديدين,واحدهما معتمد في طراز امبريزا دبليو ار اكس اس تي اي والفئات الخمس المتوفرة هي:




1-نظام الدفع الرباعي المستمر والفيسكوزي:

في مختلف سيارات سوبارو المزودة بعلبة تروس يدوية من خمس نسب امامية يستخدم نظام الدفع الرباعي المتماثل التوزيع الفيسكوزي لعزم الدوران من خلال مسننة مشطوبة علي مستوي الترس التفاضلي الوسطي مثبتة في علبة التحويل ,في حالات السير الطبيعية ,يقوم الترس التفاضلي بتوزيع القوة بشكل متواز بين العجلات الامامية والخلفية(50%-50%) , ام عند انزلاق اي اطار يقوم النظام اوتوماتيكيا بتعديل نسب عزم الدوران المرسلة الي العجلات بحيث يجري سحب جزء من هذه النسب من الاطار والاطارات التي تتعرض للانزلاق وتوزيعها مجددا علي الاطارات (او حتي اطار واحد) الاكثر تماسكا بسطح الطريق ,وبمجرد عودة التوازن الي الاطارات كلها ,تعود نسب التوزيع مناصفة بين المحورين الامامي والخلفي



2-نظام الدفع الرباعي النشيط :

في مختلف سيارات سوبارو الحديثة المزودة بعلبة تروس اوتوماتيكية من اربع نسب امامية , يتم توزيع عزم الدوران بتحكم الكتروني نشيط, بما يؤمن تعديل توزيع عزم الدوران علي العجلات بسرعة خاطفة ,تبعا لعوامل عدة وذلك بفضل قابض فاصل متطور . وياخذ هذا النظام في الاعتبار ليس فقط معطيات الاطارات ,بل بسرعة السير ونسبة الضغط علي دواسة الوقود ونسبة علبة التروس,الخ ويلعب هذا النظام دورا معززا في الحفاظ علي خط المسار داخل المنعطفات ,بحيث انه تتم زيادة نسبة العزم المرسلة الي العجلات الاممامية تلقائيا بمجرد قيام السائق بالضغط علي المكابح قبيل المنعطف ,وبزيادة النسب المرسلة الي العجلات الخلفية لمزيد من التماسك , وذلك عند الخروج من المنعطف والضغط مجددا علي دواسة الوقود

3- نظام الدفع الرباعي المتبدل توزيع عزم الدوران :

يجمع هذا النظام بين عمل نظام ( في .دي.تي) اي توزيع عزم الدوران المتبدل , وقابض فاصل هيدروليكي بتحكم الكتروني ,وترس تفاضلي وسطي يتميز بمسنناته الكوكبية(عبارة عن مجموعة من المسنات المتعاشقة ,تتكون من مسننة مركزية ومسننة حلقية او داخلية متحدة معها محوريا,ومسننة صغيرة وسيطة او اكثر ترتكز علي حامل دوار).
وفي معظم ظروف القيادة يتم ارسال 45% من عزم الدوران الي العجلات الامامية و55% من هذا العزم الي العجلات الخلفية , لتامين رشاقة الحركة المطلوبة , وتبعا لظروف القيادة المتبدلة ,يتم رفع او خفض هذه النسبة,بهدف الاحتفاظ بافضل تماسك ممكن علي الطريق .


4-نظام الترس التفاضلي الوسطي بتحكم من السائق (يتوفر في امبريزا دبليو.ار.اكس.اس.تي.اي فقط) :


يسمح ترس تفاضلي وسطي يتميز بمسنناته الكوكبية بتوزيع 35% من عزم الدوران الي العجلات الامامية و 65% من عزم الدوران الي العجلات الخلفية , وعند اختيار الوضعية الاوتوماتيكية للتحكم بالدفع ,يتم تبديل عزم الدوران بين المحورين الامامي والخلفي تبعا للحاجة ولظروف القيادة المتغيرة .
ويتجاوب النظام بشكل فعال مع التسارع , والتباطؤ ,والضغط الجانبي في المنعطفات , وانزلاق العجلات لتحديد افضل توزيع ممكن لعزم الدوران علي كل من العجلات الاربع . وعند اختيار الوضعية اليدوية ,يمكن للسائق تبديل عزم الدوران بين المحورين الامامي والخلفي ,وليكون الاداء مناسبا اكثر لظروف قيادة محددة , وبعد اختيار الوضعية اليدوية عبر مفتاح خاص في الكونسول الوسطي , يتم الانتقاء من بين ست مستويات مختلفة علي مستوي حجز الترس التفاضلي.


5- نظام التحكم الديناميكي بالمركبة(فيهيكل ديناميك كونترول) :

يجمع هذا النظام المتطور بين الدفع الرباعي المتبدل توزيع عزم الدوران,والتحكم بالتماسك علي مختلف السرعات, بهدف تامين التحكم الامثل والسيطرة علي الاداء في مختلف ظروف القيادة . ويساعد هذا النظام علي تأمين استمرار التحكم بوجهة السير ,تبعا لحركة المقود .
ويستخدم هذا النظام المكابح علي كل اسطوانة علي حدة,ويتدخل ايضا علي صمام الخانق(لتحديد كمية البنزين المرسلة الي غرف الاحتراق),بهدف تصحيح اي انزلاق جانبي للسيارة ,ان من الامام او من الخلف .ويساعد نظام التحكم الالكتروني بالتماسك (يعمل علي كل اطار علي حدة) علي تعزيز التوازن وسلامة القيادة عموما.


في الختام , ان هذه الانظمة المتطورة المعتمدة من سوبارو مميزة جدا علي صعيد السلامة والامان علي الطريق ,وكذلك علي صعيد متعة القيادة المتوفرة.



* منقول عن: مجلة سبور اوتو العدد 369 ,نيسان(ابريل) 2006
*تحقيق : ناجي البستاني



=============
تم التثبيت لتعم الفائدة
وشكرا

الادارة 3

[Ahmed Hassan]

موضوع جميل.. شكرا على الموضوع. من مجله سبور أوتو (يا ترى فادي هيقول ايه؟؟ :)

[modux]

موضوع حلو اوي

اطالب بالتثبيت

[vet mitcho]

معلومات مفيدة يا عادل

فكرتني لما كنت بكلم مع خالد ان بفضل الله ثم النظام ده قدرنا نسيطر على العربية في مواقف لانحسد عليها

[khalid_adel]

انا شايف ان احسن تعليق على الموضوع ده هو التوقيع بتاع احمد حسن
وده طبعا بعد ستر ربنا اولا

[vet mitcho]

طيب يا جماعة انا شايف الموضوع فرصة بجد للشباب اللي جرب ال Awd يقول رايه
هل فرق الثبات يستاهل ان العربية تكون اتقل شوية من مثيلاتها
لاني اري كثيرا من الاخوة بيقولو ان دفع رباعي+ 100 حصان = ملهاش لازمة وتقل في العربية على الفاضي
ايه رايكم؟
يعني الوزن الزائد من الات الجر و العزم المفقود ضايع على الفاضي

[adelmagdy]

بص يا vit mitcho انا حقيلك موقف حصل معايا مرتين اول امبارح وامبارح
ساعات كده يهفني الشوق للمانيوال فيا باخد الادا يا باخد البيتلز المهم بقالي يومين واخد الادا (طبعا بعد ما الواحد خد علي انه ياخد الملفات باي سرعة:)) رحت ناحية المطار بالادا ناحية صالة 3 كدة في ميدان ولجنة ناحية الميدان ويظهر عربية الرش كانت لسه معدية المهم لسة باخد الملف والاقي العربية بتعمل دريفت علي الناحية التانية من اللجنة عدلت بسرعة وربنا ستر امبارح بقي النفق بتاع صلاح سالم الي متفرع لشارع يوسف عباس ولعمارات العبور داخل الملف بتاع يوسف عباس وناسي برضه اني مش راكب السوبارو لقيت العربية بتشاور عقلها سبت الدركسيون ورحت ماسك في الباب:), هي بتبان لما تسوق السوبارو وتسوق عربية تانية بعديها

[فادى]

موضوع جميل.. شكرا على الموضوع. من مجله سبور أوتو (يا ترى فادي هيقول ايه؟؟ :)

يا باشا و هو انا قلت حاجة على انظمة الدفع الرباعى,
أنا لا مع و لا ضد, لكن هقولك الرأى المعارض لمثل هذه الأنظمة بيقول ايه, و فيرارى هى التى تتبنى هذه النظرية, و طبعا كلنا نعرف أن فيرارى هى أغلى و أفضل سيارة رياضية, و ثمنها دائما ما يكون ضعف ثمن البورش على الأقل, مع العلم ان سيارات فيرارى كلها دفع خلفى, بعضها بمحرك أمامى, و البعض الأخر بمحرك فى المنتصف.
على فكرة الرأى الأخر ورد فى سبور أوتو أيضا, فى عدد أخر, أغسطس 2002, فى مقال "القيادة الرياضية"
الدفع الرباعى يضيف وزنا كبيرا للسيارة, معنى ذلك أن السيارة سوف تفتقد فى معظم الأحيان الرشاقة, و عند الانحناء, يصعب التحكم فى السيارة, نظرا لأن القوى الجانبية على الاطارات تزيد مع زيادة الوزن, و يزيد عزم الدوران الذى يؤثر على السيارة, و بذلك تكون فرصة الانزلاق أكبر, اذن صحيح انو التراكشن قل, لكن القوى الجانبية زادت!!
أما فى حالة الانزلاق, و فى الأنظمة ذات الدفع الرباعى المستمر و ليست تلك التى تبدل العزم حسب الحاجة, تتشابك قوى الاطارات نظرا لأن تناسب زاوية الدوران قد فقد مع الانزلاق, و بذلك يساعد الدفع الرباعى على دوران السيارة حول نفسها, و يعمل وزنها الثقيل على تكبير عزم الدوران, مما يؤدى غالبا الى صعوبة بل استحالة التحكم فى السيارة.
أنا لا مع و لا ضد هذا و لا تلك, لكن فى رأيى انه لا داعى للدفع الرباعى, فالدفع الخلفى يقدم توزيعا جيدا للوزن و يقلل بشكل كبير من الانزلاق, مع قسوة التعليق, يصبح لديك سيارة متزنة جدا, دون الحاجة الى تعقيد السيارة و خسارة قوتها على صعيد الوزن, الدفع الخلفى فى رأيى هو أفضل نظام للدفع.

[khalid_adel]

بص يا فادي باشا دلوقتي احنا مش بنتكلم عن سوبر كارز يعني في مستوي الفئه العاديه بتعتنا او اللي هي سيارات المدينه (استخدام يومي)
هاتلي عربيه واحده فيها الثبات ده والتكنولجيا دي بالسعر ده
والمعروف ان الامامي كله بيعمل understeering اما الخلفي العادي اللي بنشوفه في الشارع بيعمل حاجه اسمها oversteering واكيد انت عارف ده كويس اما الدفع الرباعي اللي في السوبارو وغيرها وان كان السوبارو افضلهم في النظام ده فميش حاجه عندها اسمها اوفر ولا اندر استيرنج عايز تلف لف في اي وقت عايز تاخد غرزه قطم حاره واحده على 180 وترد تاني خد بلاخوف وماشاء الله منتهي السهوله والسلاسه كانك بتلعب فيديو جيم مش حاجه صعبه يعني
هاتلي حاجه في الفئه دي وبالسعر ده بتعمل كده
وعلى فكره العربيات اللي بتتكلم عنها دي احلى عربيات تعمل اوفر ستييرنج لانها خلفى وقوة ماتور عاليه قوي وعزم فظيع عشان كده بيعملو انظمه تحكم كل شويه عشان تثبت لدرجه انهم بيفقدو العزم ده في الطلعه (بيقللوه) عشان ماتفلتش كالعاده
فبرضو مفيش مقارنه
خلص الكلام :)

[Ahmed Hassan]

نا شايف ان وزن العربيع الامبريزا مثلا مش تقيل... يا ريت نقارن امبريزا 2007 بلانسر 2007 هتلاقى فرق الوزن لا يذكر و ده دليل على اتكنولوجيا المتطوره لأن العربيه فيها مكونات زياده و مع ذلك حافظوا على الوزن الطبيعي لهذه الفئه.

سبب ثقل العربيه في الطلعه هوه الدفع الرباعي نفسه مش وزن العربيه... لأن الدفع الرباعي بيستهلك جزء من عزم المحرك.

سؤال دايما بيخطر في بالي و مش لاقي ليه اجابه. الامبريزا 2007 95 حصان. يا ترى لو العربيه كانت جر امامي كانت تبقى كام حصان؟

[vet mitcho]

سبب ثقل العربيه في الطلعه هوه الدفع الرباعي نفسه مش وزن العربيه

الدفع الرباعي انشط في الاندفاع من الامامي و من الخلفي
الفرق هو الوزن
يعني لو عربيتين 1500 كيلو و الاتنين مثلا 300 حصان
هتلاقي ان اللي بدفع رباعي انشط في الاندفاع من الاخري ذات الجر الخلفي او السحب الامامي

أما فى حالة الانزلاق, و فى الأنظمة ذات الدفع الرباعى المستمر و ليست تلك التى تبدل العزم حسب الحاجة, تتشابك قوى الاطارات نظرا لأن تناسب زاوية الدوران قد فقد مع الانزلاق, و بذلك يساعد الدفع الرباعى على دوران السيارة حول نفسها, و يعمل وزنها الثقيل على تكبير عزم الدوران, مما يؤدى غالبا الى صعوبة بل استحالة التحكم فى السيارة

العربية تلف حوالين نفسها ده في الاحلام (باذن الله)وعن تجربة مش بالكلام
اما بالنسبة لعيوب الدفع الرباعي فهي تتلخص في الوزن الزائد وفقدان قليل من قوة السيارة

ولما الخبراء يقولو قليل يبقي مش من فراغ لان السوبارو امبريزا sti و Evo اسرع سيارات فئتهم بلا منازع اقوي و اكبر عزما في فئتهم

وده المقال عن عيوب و مميزات الدفع الرباعي عموما (مش لنظام سوبارو)

Advantages and Disadvantages

Traction and Grip :


Apparently, 4-wheel drive brings traction and grip to higher level because the tractive effort is shared by 4 wheels instead of two. This enable higher cornering limit, especially in rough roads and wet condition. Since it was introduced in 1980 to rally cars, 4WD proved its superiority in this aspect.

Weight penality and power loss :

Because the driving mechanism of the additional wheels has frictional loss, 4WD consumes a little bit more power than 2WD cars. Anyway, this is still a fraction compare with the increased weight. Most 4WD systems weigh 50kg-100kg more than a 2WD system, thus deteriorate acceleration as well as fuel consumption.

Steering tendency :

As mentioned in our study of Handling, in theory, permanent 4WD cars generate neutral steering tendency, thanks to the tractive force sharing by all 4 wheels. However, in reality this become much more complicated. Steering tendency can also be corrected by weight distribution, the adjustment of camber and castor, the choice of different size tyres in front and rear etc. Moreover, it is widely agreed that a slight oversteering, if could be accurately controlled by throttle and steering, is even more satisfying than neutral steering. In contrast, most 50:50 permanent 4WD cars can hardly enable oversteering, unless in really slippery surface.

Steering feel :

Depends on tuning, some 4WD cars deliver less steeing feel, since the presence of torque in the front wheels may generate slightly torque steer. However, most modern 4WD cars overcame this problem.

اي تتلخص العيوب في فقدان جزء من العزم + ثقل الوزن + التكلفة

اما عن نظام سوبارو الذي اعتبره الموقع الامريكي انه الافضل في انظمة الدفع الرباعي المستمر لان ارخص و اخف و الفقدان في العزم حاجة بسيطة وعملي اكثر

[vet mitcho]

على فكرة تعالي كده نشوف وزن الامبريزا 1.5 لتر الموجودة حاليا و نقارنها بوزن البي ام الفئة الاولي و الجولف
هتلاقى ان اخفهم بحاجة بسيطة الامبريزا (فرق حوالي 10-20 كيلو)
وده اللي يخلي مثلا عربية زي الجيتز انشط في الاندفاع من البي ام

اما الوزن الكبير نسبيا ده صحيح بيبقى مرهق للعجل في الملفات بس التراكشن ممتاز مع ال Awd
اما في الطريق المستقيم ما شاء الله مفيش منافسة
Awd + وزن عالي نسبيا = ثبات رائع
وده عن تجربه

[Ahmed Hassan]

الدفع الرباعي انشط في الاندفاع من الامامي و من الخلفي
الفرق هو الوزن
يعني لو عربيتين 1500 كيلو و الاتنين مثلا 300 حصان
هتلاقي ان اللي بدفع رباعي انشط في الاندفاع من الاخري ذات الجر الخلفي او السحب الامامي

الكلام ده صحيح لما تكون مشكلتك وجود محرك قوي بتضيع قوته في بدايه الحركه بسبب فقدان التماسك (traction). لكن مع محركاتنا الصغيره (1600 سي سي) الفاقد بيكون تأثيره الى حد ما واضح في طلعه العربيه.. علشان كده بقول ان مش الوزن التقيل هوه اللي بيأثر.. ده العزم اموزع على الأربع عجلات.

[vet mitcho]

الكلام ده صحيح لما تكون مشكلتك وجود محرك قوي بتضيع قوته في بدايه الحركه بسبب فقدان التماسك (traction). لكن مع محركاتنا الصغيره (1600 سي سي) الفاقد بيكون تأثيره الى حد ما واضح في طلعه العربيه.. علشان كده بقول ان مش الوزن التقيل هوه اللي بيأثر.. ده العزم اموزع على الأربع عجلات.

ممكن يكون كلامك صح في المحركات الصغيرة بس فادي مش بيكلم على المحركات الصغيرة
بيكلم على النظام عامة وهو اصلا مش بيطبق غير على محركات قوتها عالية في الغالب يعني مثلا WRX EVO sti R32
وعلى فكرة حتى الامبريزا 2 لتر normal aspiration من غير تربو قوة الموتور بتاعتها معقولة جدا ده غير الليجاسي طبعا

[MenaMohsen]

و الله يا استاذ عادل الموضوع دة جميل جداً جداً و تستاهل الشكر عليه
وانا شايف ان السوبارو الامبريزا 2008 جامدة جدا + انها تجمع بين الاناقة و الرفاهية و الثبات و الامان و الاهم و هو الدفع الرباعى .
مشكور يا باشا على الموضوع الجميل ونتمنى المزيد من هذة المواضيع الرائعة.