لكل من إشترى ماروتى جديد

[almautasim]

السلام عليكم
أنا إشتريت ماروتى 2009 يوم 2-11 اللى فات وحاسس إن صوتها عالى وكان سحبها نسبيا كويس لكن بعد ما غسلتها وغسلت الموتور و مشيت حوالى 20 كيلو حاسس إنها بتقطع كأن حد بيشد
العربية للخلف..أنا شايف إن الكربراتير عايز يتنضف!حد له رأى تانى؟؟؟
وبالمناسبة أنا غيرت زيت وفلتر بعد 1000 كم خارج التوكيل ب110 جنيه عبارة عن 10 جنيه فلتر مصرى وجركن موبيل 5000 تمنه 100 جنيه و 2 جنيه للى بيغير الزيت بدل الإتاوة وقلة الضمير اللى هتشوفها فى التوكيل لأنه عامل العملاء سبوبة لكسب الفلوس على الفاضى.
أنا لاحظت إن فيه صدأ فى أجزاء ناحية الموتور لما فتحت الكبوت علشان أشوف العربية من جوه
فهل حد شاف الكلام ده من الناس اللى إشتروا جديد ولأصحاب الخبرة هل دى حاجه عادية بسبب الشحن وتخزين العربية وهل لها تأثير ولا إيه؟؟؟ أرجو الرد

[sab3aawy]

بالنسبة لمسألة السحب اقترح عليك انك تتأكد من جفاف وش الاسبراتير ووصلات البوجيهات وفك البوجيات واكشف عليها هل هى واخدة رطوبة وللا لأن ممكن ان غسيل الموتور يكون اداها رطوبة، ونصيحة متكترش من غسيل الموتور، لو البوبجيهات واخدة رطوبة غيرها فورا، 3 بوجيهات ngk تمنهم 18 جنيه، لو مكانوش واخدين رطوبة نشف وش الاسبراتير ووصلات البوجيات بمجفف شعر
اما الصدأ فهل هو فى جسم العربية؟ ام فىالوصلات وخلاف ذلك ، يا ريت توضح

[meemo]

انا زي حالتك جبتها شهر 8 اللي فات ورحت المدام من فترة تعمل صيانة ال1000 كم كلفت 450 جنيه

[bayoumisoft]

انا زي حالتك جبتها شهر 8 اللي فات ورحت المدام من فترة تعمل صيانة ال1000 كم كلفت 450 جنيه

معقولة للدرجة دى؟؟؟؟

[aymanay32]

انا زي حالتك جبتها شهر 8 اللي فات ورحت المدام من فترة تعمل صيانة ال1000 كم كلفت 450 جنيه

لازم المدام يتاعتك اشترت حاجة كمان فى التوكيل او عملت شوبينج تانى لانى رحت التوكيل و عملت صيانة ال1000 كيلو و اخدت زيت 5000 كيلو و فلتر زيت و دفعت اقل من 150 جنية و قاللى لو عاوز زيت ال10000كيلو هتدفع 280 جنية يبقى ازاى المدام بتاعتك بتقول 450 شوف الايصال او الفاتورة بتاعة التوكيل اكيد هتلاقيها شاريه حاجة من التوكيل كاسيت او دواسات او فرش او غطاء للسيارة او اكسسوارات
ايمن

[meemo]

تصحيح

لازم المدام يتاعتك اشترت حاجة كمان فى التوكيل او عملت شوبينج تانى لانى رحت التوكيل و عملت صيانة ال1000 كيلو و اخدت زيت 5000 كيلو و فلتر زيت و دفعت اقل من 150 جنية و قاللى لو عاوز زيت ال10000كيلو هتدفع 280 جنية يبقى ازاى المدام بتاعتك بتقول 450 شوف الايصال او الفاتورة بتاعة التوكيل اكيد هتلاقيها شاريه حاجة من التوكيل كاسيت او دواسات او فرش او غطاء للسيارة او اكسسوارات
ايمن

ياعم ايمن انا صححت المعلومة في موضوع تاني دفعت حوالي 150
90 زيت و40 مش عالاف ايه والضريبة بس

[kimo_cat]

انا روحت من شهر ونص تقريبا صيانة 1000 حطيت زيت 10 الاف وغيرت فلتر 240 جنيه كل شيء
180 زيت و 40 فلتر و 20 ضريبة

[karim2001]

يا بشمهندين يا اساتذه
العربيه عملت مع الجميع كل دا وعملت مع عربيه اختى كدا
وانا عمرى ما وديتها توكيل ولا زفت
هو تغيير طقم بوجيهات وبلاتين وكوندنسر والعربيه زى الفل لحد دلوقتى
موديل اول 2007 وبحطلها 80 كمان وسعات لما بتزنق بحط 90 بس مره حطتلها 92 لانه مكنش فيه 90 بس عاوز اقولك العربيه سحبت معايا سحب غير متوقع اطلاقا و يوميها عملت حادثه على البحر
ههههههههههههه
عيبها الوحيد واللى هو سبب الحادث انها خفيفه ومهما حرقت فرامل عمرها ما هتقف لانها مش تقيله على الارض

غير كدا بسم الله ما شاء الله كلفتنى 150 سمكره رفرف ولحام اكسدام مكسور نصين وفانوس الواطى الامامى وفانوس اشارة اكسدام بالسكره والبويه فرن و ميه ميه

[m7nsh]

زى الفل يا كريم باشا ,, هى دى الماروتى

[sarah5]

زى الفل يا كريم باشا ,, هى دى الماروتى

والله العربية دي كتر خيرها يعني مش مهم الحاجات البسيطة دي
هي صحيح كل خبطة ولا حكة صغيرة تلاقيها اترجحت وكل شوية عايزة سمكري والفوانيس اتكسرت
صحيح خفيفة وبتقف بعد ما ندوس الفرامل بسنة
صحيح وانت ماشي تلاقيها عملت حاجات غريبة
بس كفاية انها بحجمهاوسعرها ده ممكن تسافر ده غير ان في الزحمة بتمشي ده غير سهولة الركنة
لكل حاجة مميزاتها وعيوبها

[Abdm]

طيب يا Karim2001 و m7nsh و sarah5 موضوع الفرامل دة علاجة أية غير طبعا أنى أمشى على 70 أو 80 أو 90 لآن معظم الناس خاصة على الدائرى أو الطرق الطويلة أو المفتوحة بتمشى على 90 أو 100 أقل حاجة والطبيعى 110 أو 120 مش هقول أكتر من كدة فما هو الحل والعلاج مع السرعات العالية مثلا 100 هل ممكن تعديل فى الفرامل ولا أنا أفضل تغيير الجنوط والكاوتش فما هو رائيكم دام فضلكم وجزاكم الله خيرا.

[sarah5]

طيب يا karim2001 و m7nsh و sarah5 موضوع الفرامل دة علاجة أية غير طبعا أنى أمشى على 70 أو 80 أو 90 لآن معظم الناس خاصة على الدائرى أو الطرق الطويلة أو المفتوحة بتمشى على 90 أو 100 أقل حاجة والطبيعى 110 أو 120 مش هقول أكتر من كدة فما هو الحل والعلاج مع السرعات العالية مثلا 100 هل ممكن تعديل فى الفرامل ولا أنا أفضل تغيير الجنوط والكاوتش فما هو رائيكم دام فضلكم وجزاكم الله خيرا.

والله مش عارفة اقولك ايه
بس انا بمشي علي 90 100 وربنا بيسترها معايا
انا معرفش ناس قالولي في حاجة اسمها ظبط زوايا عشان العربية تبقي راسية
بالنسبة للفرامل انا لما بحس ان الطريق بدأ يهدي بلحق نفسي وبنقل وبستخدم الدبرياج مش عارفة ده صح ولا غلط
لو حضرتك جديد في السواقة قدام هتتعود علي كل ده يعني انا دلوقتي بعمل كل حاجة تلقائي الحمد لله ظبطت نفسي علي سواقة الماروتي

[Abdm]

والله مش عارفة اقولك ايه
بس انا بمشي علي 90 100 وربنا بيسترها معايا
انا معرفش ناس قالولي في حاجة اسمها ظبط زوايا عشان العربية تبقي راسية
بالنسبة للفرامل انا لما بحس ان الطريق بدأ يهدي بلحق نفسي وبنقل وبستخدم الدبرياج مش عارفة ده صح ولا غلط
لو حضرتك جديد في السواقة قدام هتتعود علي كل ده يعني انا دلوقتي بعمل كل حاجة تلقائي الحمد لله ظبطت نفسي علي سواقة الماروتي

أنا الحمد لله بعرف أسوق كويس لكن موضوع الزوايا ليس لة علاقة كبيرة بقوة الفرامل وفعاليتها اللى أنا بتكلم عليها , بالنسبة لحضرتك لايستحب أنك تستخدمى الدبرياج لتهدئة العربية ولكن بدوسة خفيفة سنة سنة على الفرامل بدون الدبرياج علشان الفرامل يشتغل صح . لكن لما بدوسى دبرياج بدون فرامل أو مع الفرامل بتأدى لضعف قوة الفرمل والتحميل على الفرامل والكلام دة فى حالة السير السريع وكنت عايزة تهدى العربية . لاتستخدمى الدبرياج مع الفرامل الا فى حالة الوقوف مع تغيير
السرعة .
أنا بقى بتكلم عن تضبيط جنوط وكاوتش خاصة للماروتى علشان زيادة الثبات مع السرعة ومع الفرامل .وأنا عارف أنى دة ممكن يخرجها من الضمان لكن مش مشكلة أوى مهمة لان أغلب الآعضاء برة الضمان أو مش بيتعملة مع التوكيل أو مش فارقة معهاهم ضمان التوكيل . لآنة ممكن حتى لو برة الضمان يروح التوكيل عادى ويعمل الصيانة على حسابة لو حب يوديها لآهل التخصص.

رجاء مشاركة كل الآعضاء فى هذا الشأن بخصوص تعديل الجنوط والكاوتش لزيادة الثبات .وشكرا

[goda]

علي فكرة دي جمدة اوووووووووووي

[romeo_6887]

النتشه دي من الاسبراتير او البوجيهات
طبعا دخل ميه لحاجه منهم بعد غسيل المحرك
ريح دماغك و جيب طقم بوجيهات جديد
و نشف الاسبراتير كويس و خلي
غسيل المحرك علي فترات متباعده