أيه ياجماعة أنتو روحتو فين
X
-
أنت هتروح على المرور اللى أنت تابع لية وتطلب نقل ملكية هيعملوا ورق جديد وترخيص جديد ونمر جديدة والتأمين والذى منة وهيطلب منك مهندس الفحص أنك تيجبلة شهادة بيانات ومخالفات ومطابقة البصمة من المرور بتاع الرخصة القديمة اللى معاك وترجعلة تانى يخلص باقى الآجراءات من المرور اللى أنت تابع لية حسب منطقة سكنك وهو هيطلعلك نقل ملكية رخصة بأسمك ونمر جديدة بأسمك .وفى حاجة مهمة أنك لو مش معاك عقد بيع مسجل هتروح الشهر العقارى اللى تبعك أو اللى فى المرور لو موجود فى المرور شهر عقارى تعمل عقد بيع ليك من التوكيل اللى معاك علشان تقدر تروح تنقل ملكية فى المرور لازم يكون معاك عقد بيع مش توكيل . والله الموفق
Comment
-
الف الف مبروك يا محنش على ترخيص العربيه بس هى اكيد متأخره شويه المهم انا عندى سؤال يا مان انا ان شاء الله ناوى اجيب الماروتى 2010 بس قسط وهدفع ان شاء الله مقدم 25000 عشان هما دول اللى معايا وهقسط المبلغ الباقى اللى هو 13000 وانت كنت كاتب ان انت جبت العربيه قسط من البنك تمام........... طب هو قسط البنك ده بيتعمل ازاى ويا ترى هو احسن ولا ان انا اقسط للمعرض المبلغ الباقى من تمنها وانا كنت سألت فى المعرض قالى بيحتاجو بس صوره البطاقه ووصل نور ........وبجد يا هندسه انت موضوعاتك جامده جدا وانت والله اللى حببتنى فى العربيه دى لان انا كنت متردد اجبها ولا لا....وشكراااااااااا يا برنس
Comment
-
أنا متشكر جداً على ردك يا أستاذ / عبدالحى و كنت عاوز أقولك أنا معايه عقد بيع مسجل فى الشهر العقارى بس بالنسبة للنمر بتاعة العربية هى نمر جديدة و لسه الراجل الى بيعهالى كان لسه مغيرها مبقلوش شهرين كمان بتتغير فى نقل الملكية و بالنسبة لميعاد الفحص الى موجود على الرخصة 2012 هتر أفحص تانى ولا أيه و أيه هى تكاليف كل ده لو عاوز أرخص لمدة 2 سنوات معلش أنا متأل عليك شوية .
Comment
-
لا شكر على واجب . حتى لو النمر الجديدة لسة متركبة من يوم واحد طالما هتنقل ملكية يبقى لازم يتغيروا ألا لو حابيت تستمر لغاية نهاية نهاية الترخيص بيهم وهتكون شايل كل الآوراق معاك توكيلات أو عقد بيع مع الرخصة القديمة على طول لغاية ما ترخص بأسمكالمشاركة الأصلية كتبت بواسطة josephn مشاهدة المشاركةأنا متشكر جداً على ردك يا أستاذ / عبدالحى و كنت عاوز أقولك أنا معايه عقد بيع مسجل فى الشهر العقارى بس بالنسبة للنمر بتاعة العربية هى نمر جديدة و لسه الراجل الى بيعهالى كان لسه مغيرها مبقلوش شهرين كمان بتتغير فى نقل الملكية و بالنسبة لميعاد الفحص الى موجود على الرخصة 2012 هتر أفحص تانى ولا أيه و أيه هى تكاليف كل ده لو عاوز أرخص لمدة 2 سنوات معلش أنا متأل عليك شوية .
وطالما هتعمل نقل ملكية يبقى بردة لازم تفحص من جديد حتى لة تاريخ الفحص القديم لسة منتهاش
تقريبا السنتين هيكونوا فى حدود 500 جنية أو 600 بالكتير أوى بكل المصاريف
وألف مبروك للجميع وربنا يبارك ويسترها معانا جميعا يا رب .والله الموفق
Comment
-
رد واضح متشكر جداً ليك
المشاركة الأصلية كتبت بواسطة Abdm مشاهدة المشاركةلا شكر على واجب . حتى لو النمر الجديدة لسة متركبة من يوم واحد طالما هتنقل ملكية يبقى لازم يتغيروا ألا لو حابيت تستمر لغاية نهاية نهاية الترخيص بيهم وهتكون شايل كل الآوراق معاك توكيلات أو عقد بيع مع الرخصة القديمة على طول لغاية ما ترخص بأسمك
وطالما هتعمل نقل ملكية يبقى بردة لازم تفحص من جديد حتى لة تاريخ الفحص القديم لسة منتهاش
تقريبا السنتين هيكونوا فى حدود 500 جنية أو 600 بالكتير أوى بكل المصاريف
وألف مبروك للجميع وربنا يبارك ويسترها معانا جميعا يا رب .والله الموفق
Comment

Comment